29/05/2020 11:50
728 x 90

ABŞ Ermənistanın qələmini qırdı - Suriya məsələsində Moskvanın yanında yer alması İrəvanı maliyyəsiz qoydu

img

 Məlum olduğu kimi, son aylarda erməni lobbi təşkilatlarının və konqresmenlərin fəal səylərinə baxmayaraq, ABŞ Qarabağ separatçılarına göstərdiyi birbaşa yardımı dayandırıb.  Amerika Tədqiqatları Erməni Mərkəzi yardımın bərpası üçün bütün cəhdlərin səmərəsiz qaldığını bildirib. Bu xüsusda qurum bildirir:

“Tramp administrasiyası Qarabağda reallaşdırılan minalardan təmizlənmə proqramına ayrılan vəsaitin ixtisarı barədə qərar qəbul edib. Amerika Tədqiqatları Erməni Mərkəzi dəfələrlə Azərbaycan hakimiyyətinin aktiv fəaliyyəti, o cümlədən ABŞ Milli Təhlükəsizlik Şurasında öz maraqlarının təmini üçün xərclədiyi pullar barədə məlumat təqdim edib. Məhz ABŞ Milli Təhlükəsizlik Şurası bu proqramın gələcəyini müəyyən edəcək. Amma görünən budur ki, yardımlar ayrılmayacaq. Qeyd etmək lazımdır ki, ABŞ, Ermənistan istisna olmaqla, Qarabağın müstəqilliyini tanımadan ona birbaşa maddi yardım göstərən yeganə dövlət idi”.

Erməni mediası yazır ki, yardımın bərpası üçün bütün cəhdlər tam iflasa uğrayıb.  Məsələyə yenidən münasibət bildirən erməni politoloq Suren Sarkisyan qeyd edir ki, yardımın bərpasını gözləməyə dəyməz:“QarabağaABŞ yardımının dayandırılmasının əsl səbəbi Ermənistan minaaxtaranlarının Suriyada olmasıdır”.  O bildirib ki, ABŞ bunu yolverilməz hesab edib və Ermənistan hakimiyyətinə dəfələrlə xəbərdarlıq edib, lakin Ermənistan hakimiyyəti “müvafiq” addımlar atmayıb: “Bəli, əsas səbəb budur, hələ minaaxtaranların Suriyaya göndərilməsi qərarından əvvəl ABŞ Dövlət Departamenti tərəfindən bəyanat verildi ki, Birləşmiş Ştatlar bunu onlara qarşı fəaliyyət kimi qəbul edəcək. Amerikalılar başqa bir incə məqamı da diqqətə çatdırır ki, sizin minatəmizləmə imkanlarınız varsa, ABŞ-da təlim keçən erməni minaaxtaranları bu gün Suriyadadırsa, Suriyaya göndərmək imkanınız varsa, gətirin Qarabağa, niyə bunu biz etməliyik?”. Jurnalistin “Bu, ABŞ tərəfindən cəza fəaliyyəti, “qırmızı vərəqə” idi” sualına erməni politoloq cavab verib ki, buna cəza demək daha düzgün olar.

Xatırladaq ki, bundan əvvəl də ABŞ Dövlət Departamenti Ermənistanın Suriyaya hərbi heyət göndərməsi faktına kifayət qədər kəskin reaksiya verib.  Xatırladaq ki,  mina təmizləyənlərdən, həkimlərdən və onların birbaşa təhlükəsizliyini təmin edən erməni mütəxəssislərdən ibarət ümumi sayı 83 nəfər olan erməni  hərbi heyət hələ də Suriyadadır. Erməni mütəxəssislər Hələb şəhərinin ətraf yaşayış məntəqələrində minadan təmizləmə, əhalinin minalara qarşı məlumatlandırılması, tibbi xidmətin göstərilməsi kimi fəaliyyətləri həyata keçirir. Suriyada Ermənistan mütəxəssislərinin yerləşdirilməsi və təminatı məsələlərinin Rusiya tərəfinin dəstəyi ilə həyata keçirilir. Elə ABŞ-ı da narazı salan da məhz budur.  Ermənistanın Suriyaya missiya göndərməsi, əlbəttə, siyasi baxımdan Rusiya ilə əməkdaşlıq amilindən asılıdır. Suriyada erməni icmasının varlığından asılı olmayaraq, Ermənistan istənilən halda bu missiyanı Rusiya siyasəti çərçivəsində həyata keçirir. Xatırladaq ki,  Rusiya 2015-ci ilin sentyabr ayından başlayaraq Suriyadakı hərbi əməliyyatlara fəal şəkildə cəlb edilib, sonrakı dövrlərdə isə dəfələrlə bu siyasətə KTMT-yə üzv dövlətləri də cəlb etməyə çalışıb.
Beynəlxalq məsələlər üzrə erməni mütəxəssis Viqen Çeteryan qeyd edir ki, Rusiya müttəfiqlərini Suriyadakı hərbi əməliyyatlara cəlb etməklə orada rus hərbi əməliyyatlarına beynəlxalq dəstək görüntüsü yaratmaq niyyətindədir. Bu məsələdə isə yalnız Ermənistan Moskvanın istəyinə uyğun addım atıb və nəticədə ABŞ hələ də buna sərt reaksiya verir.
Nahid SALAYEV

 

Son xəbərlər