Mərkəzi Bankın manatla bağlı budəfəki proqnozunu hətta tənqidçi ekspertlər də əsaslı sayır

Tarix: 11.05.2016 / 02:21
Bölmə: İqtisadiyyat

Fikrət Yusifov: "Milli valyuta sabit olan yerdə xarici kapitalın ölkəyə axını..."

"Mərkəzi Bankın son açıqlaması onu göstərdi ki, artıq insanlar banklara əmanətləri yatırmağa daha çox meyl edir"

Manat ilin sonuna qədər sabit məzənnədə olacaq. Bunu mətbuata açıqlamasında Azərbaycan Mərkəzi Bankının sədri Elman Rüstəmov deyib. O bildirib: "Son vaxtlar milli valyutanın məzənnəsində sabitlik hiss olunur".

Onun sözlərinə görə, məzənnə bazarın tələbatına müvafiq müəyyən olunur: "Manat "üzən məzənnə" fonunda sabitləşməyə çalışır. Son dövrlər valyuta alışını həyata keçirmişik. Manat yenə də "üzən məzənnə" rejimində öz dayanıqlığını axtarır. Manatla bağlı proqnozlara gəlincə, bu həm daxili, həm də xarici amillər, neftin qiymətləri ilə bağlıdır. Bugünkü vəziyyət onu deməyə əsas verir ki, ilin sonuna qədər manatın məzənnəsində ciddi dəyişiklik gözlənilmir. İqtisadi vəziyyət də bunu deməyə əsas verir. Manatın məzənnəsi neft qiymətləri ilə deyil, Azərbaycan Dövlət Neft Fondunun gəlirləri ilə bağlıdır".

O bildirib ki, ilin əvvəlindən indiyə kimi AMB-nin valyuta ehtiyatları artaraq 4,2 milyard dollara yaxın məbləğə çatıb: "Neftin qiyməti yüksələrsə, təbii ki, strateji valyuta ehtiyatlarımız artacaq".

Görünən odur ki, ötən il məlum 2 devalvasiyadan sonra manatın məzənnəsində oturuşma müşahidə olunur. İnsanlarda buna görə hansısa panika, narahatlıq əvvəlki kimi yoxdur. Halbuki, ötən il istər əmanətçilər, istərsə də digər ölkə vətəndaşları manatla olan ehtiyatlarını kütləvi şəkildə dollara çevirdilər. Bunun başlıca səbəbi o idi ki, manata ciddi inamsızlıq var idi.

Maraqlıdır, ekspertlər ilin sonunadək manatın məzənnəsinin sabit qalacağı proqnozunu necə dəyərləndirir?

"Ekonomiks" Beynəlxalq İqtisadi Araşdırmalar Birliyinin sədri, iqtisad elmləri doktoru, professor Fikrət Yusifovun fikrincə, son zamanlar bütün səviyyələrdə qəbul edilən qərarlar nəticə etibarilə manat ətrafında yaranmış bir inamsızlığı praktik olaraq tədricən aradan qaldırır: "Belə ki, əmanətlərin yüz faiz sığortalanması ilə bağlı qəbul edilmiş sərəncam, Maliyyə Bazarlarına Nəzarət Palatasının yaradılması, Mərkəzi Bankın bu bazarlara nəzarət sahəsində bir çox funksiyasının bu Palataya verilməsi buna sübutdur. Bu o deməkdir ki, artıq dövlət səviyyəsində bu bazarlara nəzarət daha ciddi şəkildə həyata keçiriləcək. Manatın məzənnəsinin bütünlükdə sabitləşməsi o deməkdir ki, manata inam getdikcə artacaq. Bu proses də artıq baş verib. Mərkəzi Bankın son açıqlaması onu göstərdi ki, artıq insanlar banklara əmanətləri yatırmağa daha çox meyl edir. Bu sahədə artıq artım var. Banklarımız daha böyük manat resursları əldə edib və nəticə etibarilə manatla kreditlərin verilməsi üstünlük təşkil edəcək. Digər tərəfdən, manatın sabit olması daha ciddi investisiya layihələrinin reallaşdırılmasına təkan verəcək, iş adamlarını çəkinmədən yatırım etməyə, real sektorda, qeyri- neft sektorunda ayrı-ayrı layihələri reallaşdırmağa daha çox həvəsləndirəcək. Manatın sabit olması bütövlükdə iqtisadiyyatımızın sabit olması anlamına gəlir. Belə ki, milli valyuta sabit olan yerdə xarici kapitalın ölkəyə axını çox məmnuniyyətlə edilir. Yəni xarici investorlar məmnuniyyətlə ölkəyə gələcək. Son dövrlərdə dünya bazarlarında neftin qiymətində artım, digər tərəfdən, manatın daha sabit olacağına ciddi əsas yaradır".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...