Azərbaycanın yerli istehsal pal-paltarı bazara niyə girə bilmir...

Tarix: 04.05.2016 / 02:25
Bölmə: İqtisadiyyat

Eyyub Hüseynov: "Ayaqqabıların 60, kostyumların 50 faizi..."

Rəşad Həsənli: "Azərbaycan brendlərinin yaradılmasına ehtiyac var"

Azərbaycanda Türkiyə istehsalı olan paltarların, eləcə də digər tikiş materiallarının sevildiyi hamıya məlumdur. Bu gün alıcıların əksəriyyəti hansısa bir əşyanı və ya geyimi alanda satıcıdan ilk növbədə Türkiyə istehsalı olub-olmadığını soruşur. Həmçinin digər xarici ölkələrin istehsalı olan geyimlərə üstünlük verirlər.

Geyim bazarı əsasən Türkiyə, Çin, Pakistan, Rusiya və yerli istehsal mallarından ibarətdir. Alıcıların əksəriyyəti, elə içi mən qarışıq, nədənsə, Türkiyə istehsalı olan geyimlərə üstünlük verir. Amma bu gün ölkədə kifayət qədər tikiş sexləri mövcuddur. Həmin sexlərdə müxtəlif formada geyimlər hazırlanır.

Yerli istehsal olan pal-paltara marağın az olması səbəbləri nədir? Mövzu ilə bağlı ekspertlərə müraciət etdik.

Azad İstehlakçılar Birliyinin sədri Eyyub Hüseynov bizimlə söhbətində bildirdi ki, hazırda Azərbaycanın tekstil bazarı sıfır səviyyəsindədir: "Sədərək" bazarında olarkən sanki dünya başıma fırlanır ki, Azərbaycanın pulu xarici ölkələrə gedir. Axı Azərbaycanda da həmin geyimlər hazırlanır. Ancaq o geyimlər yerli brend adı altında satışa çıxarılmır. Vaxtilə Azərbaycanda "Volodarski" adlı geyim brendi olub. Ancaq insanların gözü "Volodarski"dən qorxduğundan, yerli brend ən yüksək keyfiyyətdə olsa belə, özünə alıcı tapa bilməyəcək. Sovetlər vaxtı ən pis, keyfiyyətsiz, bir ayağı gödək, biri uzun, bir qolu uzun, biri qısa olan geyimləri həmin fabrik istehsal edirdi. "Volodarski" 70 il ərzində əhalidə yerli mala ikrah hissi yaradıb. Təbii ki, bizdə də gizli sexlər var ki, həmin sexlərdə istehsal olunan məhsullar xarici markalarla markalanır. Ayaqqabıların 60, kostyumların 50 faizi başqa brendlər adı altında Azərbaycanda tikilir. Belə olan halda, Azərbaycan öz yerli istehsalını, brendini dünyaya tanıda bilmir".

Birlik sədrinin sözlərinə görə, sahibkarlar bu işdə maraqlı olmalıdır: "Sahibkarlara bu işdə dəstək olmağa hazıram. Yetər ki, onlar yerli istehsal olan geyimləri milli brend adı altında dünya bazarına çıxarmaqda maraqlı olsun".

İqtisadçı-ekspert Rəşad Həsənli isə hesab edir ki, tikiş sektorunda mövcud olan problemləri aradan qaldırmaqla yerli geyim məhsullarının satış problemlərini də həll etmək olar: "2015-ci ilə qədər ölkəmizdə geyim sənayesinin əsas problemi Azərbaycan manatının xarici valyutalara münasibətdə möhkəm olması ilə bağlı idi. Belədə xaricdən idxal olunan məhsullar daxili bazarlarda qiymət baxımından rəqabət üstünlüyünə malik idi. Yəni yerli məhsulun maya dəyəri daha artıq olurdu. İkinci əsas səbəb odur ki, bu istiqamətdə yerli brendlərə inam kifayət qədər aşağıdır. Yəni yerli məhsulla bağlı alıcıda mənfi fikir formalaşıb. Azərbaycanlı alıcının istehlak qabiliyyətini təxminən iki əsas dövrə bölə bilərik. Birinci dövr 2005-ci ilə qədər olan dövrdür. Bu dövrdə yoxsulluq həddinin 49 faiz civarında və alıcılıq qabiliyyətinin aşağı olması Çin istehsalı olan məhsulların ölkəmizin bazarında daha ciddi rəqabət qabiliyyətinə malik olmasına gətirib çıxarmışdı. Bazarların təmin olunmasında əsas rolu məhz Çindən gətirilən məhsullar oynayırdı. 2005-ci ildən sonra insanların maddi imkanlarının artması əhalinin alıcılıq qabiliyyətinin də müəyyən qədər yüksəlməsinə gətirib çıxardı. Belədə Türkiyə və İtaliya məhsullarının zaman-zaman Çin məhsullarını bazardan sıxışdırması prosesi başlandı".

İqtisadçının sözlərinə görə, yerli sənaye məhsullarının müəyyən hissəsi Türkiyə, İtaliya, Çin markaları adı altında satılır: "Xüsusilə İtaliya və Türkiyə markaları adı altında satılan məhsulların bir çoxu bu gün məhz Azərbaycanda istehsal olunur.

Bu nə qədər təzadlı olsa da, azərbaycanlı istehsalçılar yerli brendlərə marağın aşağı səviyyədə olması səbəbindən məhsullarını məhz xarici marka adı altında təqdim edir. Əminliklə deyə bilərik ki, ən azından, xarici marka adı ilə ölkəmizdə satılan məhsulların 30 faizi yerli istehsaldır".

R.Həsənli onu da əlavə etdi ki, Azərbaycanda sahənin inkişafı üçün kifayət qədər kadr potensialı və manatın devalvasiyasından sonra ucuz işçi qüvvəsi var: "Bu əsasda düşünürəm ki, xammalın rüsum və vergilərdən azad olunması sektorun qısa müddət ərzində çiçəklənməsinə gətirib çıxara bilər. Azərbaycan brendlərinin yaradılmasına ehtiyac var".

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...