İqtisadi cinayətlərə görə məsuliyyətin yüngülləşdirilməsi ekspert müzakirələrində...

Tarix: 03.05.2016 / 02:06
Bölmə: İqtisadiyyat

Vüqar Bayramov: "İqtisadi cinayətlərlə bağlı məsuliyyətin yüngülləşdirilməsi ölkədə sahibkarlığın inkişafına müsbət təsir göstərəcək"

"İqtisadiyyata yatırımlar qoysunlar, risqlərdən çəkinməsinlər"

Azərbaycanda iqtisadi sahədə törədilən cinayətlərə görə məsuliyyət yüngülləşdiriləcək. Sözügedən məsələ ilə bağlı yayılan məlumata görə, bu, Azərbaycan Prezidenti İlham Əliyevin 27 aprel 2016-cı il tarixli Sərəncamı ilə təsdiq edilən "Açıq Hökumətin təşviqinə dair 2016-2018-ci illər üçün Milli Fəaliyyət Planı"nda əksini tapıb.

Milli Fəaliyyət Planına əsasən, Nazirlər Kabineti, Ədliyyə Nazirliyi, İqtisadiyyat Nazirliyi 2016-2017-ci illərdə iqtisadi sahədə törədilən cinayətlərə görə məsuliyyətin yüngülləşdirilməsi və dekriminallaşdırılması ilə əlaqədar qanunvericilik və digər tədbirlərin görülməsini təmin etməlidir. Milli Məclis, Baş Prokurorluğa da bu tədbirlərin həyata keçirilməsinə dəstək vermək tövsiyə edilib.

Həqiqətən də iqtisadi cinayətlərlə bağlı məsuliyyətin yüngülləşdirilməsinə ehtiyac var.

Çünki bu sahədə cinayət məsuliyyətinin sərt olması sahibkarlıq fəaliyyətinə, sahibkarların özlərinə ciddi ziyan vurur. Bir sıra ekspertlər hesab edir ki, bununla bağlı cəzaların cərimələrlə əvəzlənməsi daha məqsədəuyğundur. Azərbaycanda qanunvericilik dünya praktikasına uyğunlaşdırılmalıdır. İqtisadi cinayətlərə görə cəzaların sərt olması sahibkarda vaxt və gəlir itkisi, o cümlədən psixoloji gərginlik yaradır.

Bütün hallarda, iqtisadi cinayətlərə görə məsuliyyətin yüngülləşdirilməsini ekspertlər necə dəyərləndirir? Bu, ölkədə sahibkarlığın və iqtisadiyyatın inkişafına necə təsir göstərəcək?

Sözügedən məsələni dəyərləndirən iqtisadçı-ekspert Vüqar Bayramovun fikrincə, iqtisadi cinayətlərlə bağlı məsuliyyətin yüngülləşdirilməsi ölkədə sahibkarlığın inkişafına müsbət təsir göstərəcək: "Bu imkan verəcək ki, sahibkarlar daha fəal olsun. İqtisadiyyata yatırımlar qoysunlar, risqlərdən çəkinməsinlər. Nəzərə almaq lazımdır ki, hansısa sahibkara qarşı vergidən yayınmaya görə cinayət işinin açılması onun bank hesablarının dondurulması və ya bloklanması ilə nəticələnir. Belə olan halda, sahibkar təbii ki, müəyyən itkilərə məruz qalır. O baxımdan, iqtisadi cinayətlərə görə cəzalar nə qədər yüngül olsa, bu bir o qədər iqtisadi inkişafa bu və ya digər dərəcədə stimul verəcək.

Müşahidələr göstərir ki, iqtisadi sahədə törədilən cinayətlərə görə məsuliyyətin yüngülləşdirilməsi bu sahədə yeni səhifə aça bilər.

"Açıq Hökumətin təşviqinə dair 2016-2018-ci illər üçün Milli Fəaliyyət Planı"ndan irəli gələn işlərin görülməsi vacib əhəmiyyət kəsb edir. Bu səbəbdən hesab edirəm ki, müvafiq qanunvericiliyin tezliklə dəyişdirilməsi istiqamətində addımlar atılmasının şahidi olacağıq".

Vidadi ORDAHALLI

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...