Mərkəzi Bankın valyuta bazarına iki aylıq müdaxilələrinin müsbət və mənfi nəticələri...

Tarix: 28.04.2016 / 00:43
Bölmə: İqtisadiyyat

"Burada idxal-ixrac əməliyyatları, real sektora yatırımlar, bankların kreditləşmə səviyyəsi kimi faktorlar da ciddi təsirə malikdir"

Vüqar Bayramov: "Bu ondan xəbər verir ki, Mərkəzi Bank məzənnəyə istənilən zaman təsir etmək imkanını özündə saxlayır"

Cari ildə manatın məzənnəsi bəyan olunmuş çevik məzənnə rejiminə uyğun olaraq valyuta bazarında tələb-təklif nisbəti əsasında formalaşmaqdadır.

Lakin müəyyən de-dollarlaşma meylləri şəraitində son günlər valyuta bazarında təklifin tələbi üstələməsi səbəbindən manatın ABŞ dollarına nisbətən məzənnəsinin əhəmiyyətli möhkəmlənməsi baş verməkdədir. Məzənnənin kəskin qısamüddətli tərəddüdlərinin məhdudlaşdırılması məqsədilə valyuta bazarında alışyönlü müdaxilənin aparılması zərurəti yaranıb. Qeyd olunanları nəzərə alaraq Mərkəzi Bank artıq neçə müddətdir hərraclarda iştirak edir. Satışa çıxarılan dolların müəyyən hissəsini alır.

İki gün əvvəl Neft Fondu tərəfindən keçirilən növbəti valyuta hərracında təklifin tələbi əhəmiyyətli üstələməsini (50,0 mln. ABŞ dolları təklifinə qarşı tələb 4,9 mln. ABŞ dolları) və bu nisbətin son hərraclarda davamlı olmasını nəzərə alaraq Mərkəzi Bank təklifin bir hissəsini (30 mln. ABŞ dolları) alıb. Bu minvalla MB maliyyə bazarında tənzimləyici funksiyanı həyata keçirir. Ümumilikdə devalvasiyadan sonra MB-nin bu məsələdə rolu daha da artıb.

Digər tərəfdən, diqqətçəkən məqamlardan biri də odur ki, uzun aylardan sonra ilk dəfə olaraq MB-nin valyuta ehtiyatı artıb. Bankın rəsmi valyuta ehtiyatları 2016-cı il aprel ayının 1-nə 4 065,8 milyon ABŞ dolları təşkil edib. Rəsmi valyuta ehtiyatları martın 1-nə olan göstərici ilə müqayisədə 39,5 milyon dollar və ya 1 faiz artıb.

Ümumilikdə ekspertlər MB-nin hərraclara qatılıb dollar almaq siyasətini necə dəyərləndirir?

Məsələyə münasibət bildirən ekspert Vüqar Bayramov buna müsbət prizmadan yanaşdı: "Mərkəzi Bank yenidən hərraca qayıtdı və bu dəfə alıcı qismində. Bundan əvvəl də qeyd etmişəm ki, Dövlət Neft Fondu öz xərcləmələri üçün dolları satmalıdır. Bu valyutanı banklar almasalar, o zaman MB alacaq. Həmin müddətdən sonra MB 2 dəfə dollar alışı həyata keçirib. MB hərraca daxil olmaqla manatın məzənnəsinin möhkəmlənməsinin də qarşısını almış olur. Bu ondan xəbər verir ki, MB məzənnəyə istənilən zaman təsir etmək imkanını özündə saxlayır. Deməli, manatın məzənnəsinin müəyyənləşdirilməsində indi MB bazardan daha çox rıçaqlara malikdir. Belə görsənir ki, manatın məzənnəsinin imkan daxilində müəyyənləşdirilmiş koridorda saxlanmasına çalışılır. Təbii ki, bu, eyni zamanda, birbaşa manat bazasının hansı səviyyədə böyüməsindən asılı olacaq. Hələlik MB-nin bir neçə 10 milyonluq alqı-satqıları bazara ciddi iqtisadi təsir göstərmir. Daha çox psixoloji təsirlər hiss edilir. Ancaq MB alıcı statusunu bir müddət saxlayarsa, bu, manat bazasının artmasına və dollara tələbin yüksəlməsinə səbəb ola bilər. Təbii ki, burada idxal-ixrac əməliyyatları, real sektora yatırımlar, bankların kreditləşmə səviyyəsi kimi faktorlar da ciddi təsirə malikdir. Hələliksə Mərkəzi Bank öz resepti üzrə manat bazasını məhdudlaşdırmağa və sadəcə zəruri hallarda bazara daxil olub kursa təsir etməyə, habelə öz ehtiyatlarını artırmağa çalışacaq".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...