Pensiyaçılara kredit verilişinin dayandırılmasına rəsmi və ekspert yanaşması arasında fərq yarandı...

Tarix: 26.04.2016 / 02:36
Bölmə: İqtisadiyyat

Vüqar Bayramov: "Məqsədəuyğundur ki, Palata bu qərarına baxıb ləğv edilməsi ilə bağlı addım atsın"

"Beynəlxalq praktikada yaşa və peşəyə görə belə qadağaların müəyyənləşdirilməsi qəbulolunan deyil"

Xəbər verildiyi kimi, Maliyyə Bazarlarına Nəzarət Palatası (MBNP) kredit təşkilatları tərəfindən pensiyaçılara kreditlərin verilməsinin dayandırılması barədə qərar qəbul edib. Qərarın qəbul olunmasına səbəb pensiyaçıların ödəniş qabiliyyətinin aşağı olmasıdır. Hesab edilir ki, bu qərar problemli kreditlərin həcminin artmasının nisbətən qarşısını alacaq.

Maliyyə Bazarlarına Nəzarət Palatasının rəhbəri Rüfət Aslanlı pensiyaçılara kredit verilməsinə qadağa qoyulmasının səbəbi barədə ANS-ə açıqlamasında bildirib ki, söhbət pensiyaçılara kredit verilməsinin tamamilə qadağan olunmasından getmir. Bu, sadəcə kredit portfelində pensiyaçıların sayı çox olan banklara edilən tövsiyədir: "Aparılan təhlillər göstərib ki, problemli kreditlərin tərkibində ən həssas qrup olan pensiyaçıların orta aylıq gəliri 160 manatdır. Onların ödədiyi aylıq ödənişlər isə 105 manat civarındadır. Belə olan halda, pensiyaçının öz yaşaması sual doğurur. Digər tərəfdən, Palatanın araşdırmaları pensiyaçıların krediti çox vaxt özlərinin yox, yaxınlarının ehtiyacı üçün aldığını göstərib. Onlar isə ödəniş etmədikdə borc avtomatik pensiyaçının hesabından tutulur. Bu da onların sosial vəziyyətini pisləşdirir. Hazırda Palata borclanmanın həm vətəndaşı, həm də bankları qane edəcək modeli üzərində işləyir".

Pensiyaçılara kredit verilməsinin dayandırılmasına dair fikir bildirən iqtisadçı-ekspert Vüqar Bayramovun sözlərinə görə, pensiyaçılara kreditin verilməməsi ilə bağlı qərar kifayət qədər mübahisəlidir: "Çünki dünya praktikasında yaş qruplarına görə, ümumiyyətlə, insanın yaşına və peşəsinə görə qadağa tətbiq olunması yoxdur. Heç bir halda, vətəndaşa onun yaşına görə kredit verilib-verilməməsi qərarı tətbiq oluna bilməz. Kredit verilməsi kommersiya bankının səlahiyyətində olan məsələdir. Müştəriyə, onun yaşından, peşəsindən, irqindən, cinsindən asılı olmayaraq, kredit verilməlidir. Pensiyaçı müraciət edirsə, hansı iqtisadi əsaslarla kommersiya bankı həmin şəxsə kredit verməkdən imtina etməlidir? Bu baxımdan, yaş qruplarına görə qadağalar müəyyənləşdirilməsi heç bir halda arzuolunan deyil. Beynəlxalq praktikada yaşa və peşəyə görə belə qadağaların müəyyənləşdirilməsi qəbulolunan deyil. Həmçinin kredit vermə səlahiyyəti banklarda olmalıdır. Banklar müraciət edən şəxsin kredit tarixçəsini yoxladıqdan sonra kredit verilməsi ilə bağlı qərar qəbul etməlidir. Hesab edirəm ki, bu, mövcud problemli kreditlərin ödənməsinə yardım göstərməyəcək və birmənalı şəkildə vətəndaşlara yaş qruplarına görə qadağaların müəyyənləşdirilməsi yolverilməzdir. O baxımdan daha məqsədəuyğundur ki, Palata bu qərarına baxıb ləğv edilməsi ilə bağlı addım atsın".

Günel CƏLİLOVA

DİGƏR XƏBƏRLƏR

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...