Cəmi iki manata barama - fermerlərə ədalətli yanaşırıqmı...

Tarix: 26.04.2016 / 01:50
Bölmə: İqtisadiyyat

Vahid Məhərrəmov: "Baramaçılığı inkişaf etdirmək üçün onun yem bazasını hazırlamaq lazımdır"

"Bazar iqtisadiyyatına əsasən barama və digər məhsullara standart qiymət tətbiq oluna bilməz"

Vaxtilə bəy xanımları ipək kəlağayılarının gözəlliyi və bahalığı ilə sanki bir-birinə acıq verərdilər. İndi də əllərdən süzülüb gələn ipəyimiz gəlin köçən qızlarımızın cehizləri arasında istifadə olunan ən sanballı parça növü hesab olunur. Amma son illər ipəkçilik sənayesinin diqqətdən kənarda qalması gələcəkdə bu parça növündən geninə-boluna istifadə edəcəyimizi şübhə altında qoyur.

Elə bunu demək kifayətdir ki, sovet dövründə bir ildə 6 min ton barama istehsal edildiyi halda, indi bu rəqəm dəfələrlə azalıb. Vaxtilə Şəkidə 1 ildə toxunan parçanın uzunluğu Yer kürəsinin diametrinə bərabər idisə, indi kəlağayıdan başqa, demək olar ki, heç nə toxunmur.

Bəllidir ki, kəlağayının hazırlanması üçün ilk öncə barama istehsal olunmalıdır. Daha sonra həmin baramadan ipək əldə olunur və sonda kəlağayı hazırlanır.

Məlumat üçün bildirək ki, Azərbaycan qədim zamanlardan bəri Şərqin ən böyük ipəkçilik ölkələrindən biri kimi tanınırdı və Şirvan əyaləti Azərbaycanda ən iri ipəkçilik rayonu idi. Bundan başqa, Azərbaycanın Şamaxı, Basqal, Gəncə, Şəki, Şuşa bölgələrində də ipəkçilik istehsalı çox inkişaf edib.

Bu rayonlarda ipəkdən çox qəşəng, bəzəkli, naxışlı, zərif qadın baş örpəkləri istehsal olunurdu. Azərbaycanda ipəkçilik həm qədim vaxtlarda, həm də müasir dövrdə əhalinin əsas fəaliyyət növlərindən biri olub. Fərziyyələrə görə, ipəkçiliklə bağlı işlərlə burada təxminən 2000 ildən artıqdır məşğul olurlar.

Sovet dövründə barama istehsalına görə Azərbaycan ikinci yerdə dayanırdı. 1960-70-ci illər arasında Azərbaycanda hər il təxminən 7800 ton barama istehsal olunub. 1982-ci ildə 6 min ton olub. 2000-ci ildə istehsal 57 tona düşüb. 2014-cü ildə bu rəqəm 10 ton olub.

Barama istehsalının azalması, təbii ki, ipəkçilik sahəsinə öz təsirini göstərdi.

Bildirək ki, Prezident İlham Əliyev Nazirlər Kabinetinin son iclasında Azərbaycan üçün ən vacib kənd təsərrüfatı sahələrinin yaxın illərdə inkişaf etdirilməsinin əhəmiyyətini bir daha vurğulayıb, bu sırada baramaçılığın da strateji məhsul kimi inkişafının vacibliyini qeyd edib. İ.Əliyev çıxışı zamanı deyib ki, baramaçılıq sektoru inkişaf etdirilməlidir: "Sovet vaxtında bir sıra rayonlarda bu sahə çox uğurla inkişaf edirdi, bol məhsul əldə olunurdu və insanlar yaxşı pul qazanırdılar".

Artıq bir sıra rayonlarda baramaçılığın yenidən əvvəlki səviyyəyə çatdırılması üçün müəyyən işlər görülür. Lakin bəzi məqamlar barama istehsalı ilə məşğul olanları narazı salır. İstehsal olunan baramanın 1 kiloqramının satış qiymətinin 3-5 manat arasında dəyişməsi bu işlə məşğul olanları qane etmir.

Qeyd edək ki, bu günlərdə baramaçılığın inkişaf etdirilməsi Zaqatala Rayon İcra Hakimiyyətinin başçısı yanında şura iclasında geniş müzakirə olunub. Şura iclasında vurğulanıb ki, rayonda kənd təsərrüfatının ənənəvi və ixrac potensialı yüksək olan sahələrindən biri də baramaçılıqdır. Diqqətə çatdırılıb ki, ötən əsrin 90-cı illərinin əvvəllərində rayonun kümçüləri 600 tondan artıq barama istehsal edib. Lakin baramanın qiymətinin aşağı - 1 kiloqramının 3 manat olması bu gəlirli sahəyə marağı xeyli azaldıb.

Məlumat üçün bildirək ki, Nazirlər Kabinetinin qərarına əsasən, bu ildən etibarən 1 kq yaş barama fermerlərdən 3-4 manata deyil, 8 manata alınmalıdır.

Aqrar sahə üzrə ekspert Vahid Məhərrəmov bizimlə söhbətində bildirdi ki, bazar iqtisadiyyatına əsasən barama və digər məhsullara standart qiymət tətbiq oluna bilməz: "Dövlət qiymət məsələsinə müdaxilə etməməlidir. Dünya bazarında vəziyyət necə olursa, ona uyğun qiymət müəyyən olunur".

Həmsöhbətimizin dediyinə görə, baramaçılığı inkişaf etdirmək üçün onun yem bazasını hazırlamaq lazımdır: "Öncə çəkil bağları salınmalıdır. Çəkil bağları neçə hektar olacaqsa, ona uyğun olaraq o ərazidə yaşayan fermerlərə müraciət olunmalıdır ki, onlar baramaçılıqla məşğul olsun. Əldə olunan məhsulun emalı da çətin vəziyyətdədir". Ekspert bildirdi ki, baramaçılığın üstün cəhəti odur ki, bu sahə ilə məşğul olanlar təxminən 40 gün içərisində hazır məhsul əldə edir. Sonra bundan başqa sahələrdə istifadə edə bilirlər.

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...