Vergilər Nazirliyi süni qiymətartırmaya gedən marketlərdə yoxlamalara başladı...

Tarix: 23.04.2016 / 00:33
Bölmə: İqtisadiyyat

Pərviz Heydərov: "Dövlət tənzimləyici rol oynayır, bazarda tələb və təklifin nisbətini müəyyən edən tərəf sayılmır"

"Supermarketlər özləri də pərakəndə satış sahəsində fəaliyyət göstərən obyektlər sırasında əslində, bir növ, inhisarçı qurumlardır"

Vergilər Nazirliyi bəzi iri market şəbəkələrində yoxlamalara başlayıb. Bu barədə mətbuata nazirliyin analitik-informasiya şöbəsindən məlumat veriblər. Qurumdan verilən məlumata görə, Vergi Məcəlləsində xronometraj metodu ilə müşahidə aparmaq vergi orqanlarının hüquqlarına aid edilib:

"Xronometraj metodu ilə müşahidə operativ vergi nəzarəti növü olmaqla vergi ödəyicilərinin istehsal həcminin və ya satış dövriyyəsinin müəyyənləşdirilməsi və dəqiqləşdirilməsi məqsədilə mütəmadi olaraq aparılır və bu zaman onların normal fəaliyyəti üçün heç bir maneə yaratmır. "Neptun" və "Grand" marketlər şəbəkəsinin bəzi mağazalarında da dövriyyənin müəyyənləşdirilməsi məqsədilə xronometraj müşahidəsi təyin edilib".

Bəzi marketlərin yanaşması ondan ibarətdir ki, Mərkəzi Bankın "üzən məzənnə" siyasətinə keçməsindən sonra qiyməti qaldırmadan marketlərin şəbəkələrində biznesin rentabelliyini və işçi sayını qoruyub saxlamaq çətindir. Belə olan halda, qiyməti artırmaq zərurəti ortaya çıxır. Ancaq görünən odur ki, bəzi marketlər alıcılıq qabiliyyətinin vəziyyətini, əhalinin sosial durumunu nəzərə almadan qiymətləri qaldırmaq istəyir, xüsusən də zəruri istehlak mallarının qiymətini. Bu da, istər-istəməz, insanların narazılığına səbəb olur.

Sözügedən məsələni dəyərləndirən iqtisadçı-ekspert Pərviz Heydərov hesab edir ki, marketlərin devalvasiyanı əsas gətirərək qiymətləri artırmaq niyyəti doğru deyil: "Məsələ bundadır ki, iri supermarketlərin 2015-ci ilin həm fevralın 21-i, həm də dekabrın 21-i tarixlərindəki devalvasiyalardan sonra yaranmış situasiya ilə əlaqədar hökumətdən vergi dərəcələrini aşağı salmasını istəməsi absurddur. Bəlkə də çox təhlükəli bir tendensiyanın əsasını qoya bilmək iqtidarındadır. Çünki ölkədə devalvasiya səbəbindən irəli gələn qiymət artımından söhbət gedirsə, bu, idxal mallarında qaçılmaz idi və heç bir halda da bunun qarşısı inzibati yolla alına bilməzdi. Ümumiyyətlə, devalvasiyalardan sonra hökumət təbii deyil, məhz süni qiymət artımının qarşısını almağa çalışıb. Digər tərəfdən, sual olunur ki, süni qiymət artımını yaradanlar kimlərdir və hansı qurumlardır? Supermarketlər özləri də pərakəndə satış sahəsində fəaliyyət göstərən obyektlər sırasında əslində, bir növ, inhisarçı qurumlardır. Yəni, belə demək mümkündürsə, təbii inhisarçıdır. Başqa cəhət isə həm də ondan ibarətdir ki, dərəcələr tutaq ki, yumşaldıldı, buna adekvat olaraq pərakəndə satış qiymətləri də, cüzi də olsa, ucuzlaşacaqmı?! Şübhəsiz ki, yox. Çünki ən azı o səbəbə görə ki, güzəşt istəyən tərəf bunu texniki səbəblərlə əsaslandırır və personalını saxlamaq məqsədilə irəli sürür.

Bax odur ki, məsələyə geniş yanaşmaq lazımdır. Çünki dövlət tənzimləyici rol oynayır, bazarda tələb və təklifin nisbətini müəyyən edən tərəf sayılmır. Vergi siyasəti isə ümumi iqtisadi tələblərə əsasən təşkil olunub həyata keçirilir ki, bu və ya digər qurumların, sahibkarların konkret iqtisadi maraqlarının təmini burada əsas hədəf deyil və ola da bilməz".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...