Azərbaycanda islahatları sistemli hala gətirmək üçün gərəkli olan ən ümdə addım atıldı

Tarix: 22.04.2016 / 01:28
Bölmə: İqtisadiyyat

Günel Fərhadqızı: "Qurum qeyd edilən məqsəd, vəzifə və hüquqları çərçivəsində tam fəaliyyət göstərərsə, bu, ölkəmizin iqtisadi inkişafı üçün təkan olacaq"

"Vacib olmayan xərclərin ixtisara salınmasına, iqtisadi sahələrin inkişaf etdirilməsinə, iqtisadi infrastrukturun güclənməsinə gətirib çıxaracaq"

Azərbaycan Prezidenti İlham Əliyev İqtisadi İslahatların Təhlili və Kommunikasiya Mərkəzinin yaradılması və fəaliyyətinin təmin edilməsi haqqında Fərman imzalayıb. Fərmanda qeyd olunur ki, aparılan iqtisadi islahatların əhatə dairəsinin genişləndirilməsini və bu sahədə işlərin səmərəli əlaqələndirilməsini təmin etmək məqsədilə "İqtisadi İslahatların Təhlili və Kommunikasiya Mərkəzi" publik hüquqi şəxs yaradılsın.

Fərmanla "İqtisadi İslahatların Təhlili və Kommunikasiya Mərkəzinin Nizamnaməsi" təsdiq edilir.

Müəyyən edilir ki, "İqtisadi İslahatların Təhlili və Kommunikasiya Mərkəzi"ndə (bundan sonra - Mərkəz) 3 nəfər üzvdən ibarət Müşahidə Şurası yaradılır, Şuranın sədrinin və üzvlərinin vəzifəyə təyin və vəzifədən azad edilməsi Azərbaycan Prezidenti tərəfindən həyata keçirilir.

Mərkəzin icra orqanının funksiyalarını Mərkəzin Müşahidə Şurası tərəfindən vəzifəyə təyin və vəzifədən azad edilən icraçı direktor həyata keçirir.

Mərkəzdə təsisçinin səlahiyyətlərinin həyata keçirilməsi aşağıdakı dövlət orqanlarına həvalə edilir:

Azərbaycan Respublikasının Prezidentinə:

- nizamnamənin və maliyyə hesabatlarının təsdiq edilməsi;

- nizamnamə fondunun miqdarının müəyyən edilməsi;

- Mərkəzin yenidən təşkil və ləğv edilməsi;

Nazirlər Kabinetinə:

- təsərrüfat cəmiyyətlərinin yaradılması, habelə idarə, filial və nümayəndəliklərin rəhbərlərinin vəzifəyə təyin və vəzifədən azad edilməsinə razılıq verilməsi;

- xalis aktivlərinin dəyərinin iyirmi beş faizindən artıq məbləğdə olan əqdin (xüsusi əhəmiyyətli əqdin), habelə Mərkəzə aidiyyəti olan şəxslərlə əqdin (əqdin dəyəri aktivlərin 5 faiz və daha çox hissəsini təşkil etdikdə) bağlanmasına razılıq verilməsi.

Nazirlər Kabinetinə Azərbaycan Respublikası Prezidentinin aktlarının bu Fərmana uyğunlaşdırılmasına dair təkliflərini üç ay müddətində hazırlayıb Azərbaycan Prezidentinə təqdim etmək; Nazirlər Kabinetinin normativ-hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Prezidentinə məlumat vermək; mərkəzi icra hakimiyyəti orqanlarının normativ-hüquqi aktlarının bu Fərmana uyğunlaşdırılmasını nəzarətdə saxlamaq və bunun icrası barədə beş ay müddətində Azərbaycan Prezidentinə məlumat vermək; Mərkəzin nizamnamə fondunun formalaşdırılması və fəaliyyətinin təşkili ilə əlaqədar məsələləri həll etmək; bu Fərmandan irəli gələn digər məsələləri həll etmək tapşırılıb.

Ədliyyə Nazirliyi mərkəzi icra hakimiyyəti orqanlarının normativ-hüquqi aktlarının və normativ xarakterli aktların bu Fərmana uyğunlaşdırılmasını təmin edib Nazirlər Kabinetinə məlumat verəcək.

Vergilər Nazirliyi bu fərmandan irəli gələn məsələləri həll etməlidir.

Yeni qurumun yaradılmasının Azərbaycan iqtisadiyyatı üçün nə kimi əhəmiyyəti var?

İqtisadçı Günel Fərhadqızı "Bakı-Xəbər"ə açıqlamasında bildirdi ki, publik şəxs olması önəmlidir, dövlətdən asılılıq azalır, özünüidarəetmə sistemi formalaşır, sərbəst qərar və nəticələr, araşdırma və təhlillərin aparılmasına geniş imkanlar yaradır: "İkincisi, "İqtisadi İslahatların Təhlili və Kommunikasiya Mərkəzi"nin Nizamnaməsinin 1.4. bəndində göstərilir ki, Mərkəz öz vəzifələrini yerinə yetirərkən və hüquqlarını həyata keçirərkən dövlət və yerli özünüidarəetmə orqanları, beynəlxalq və qeyri-hökumət təşkilatları, digər hüquqi və fiziki şəxslərlə qarşılıqlı əlaqədə fəaliyyət göstərir. Bu isə o deməkdir ki, Mərkəzin fəaliyyəti çoxsahəlidir, beynəlxalq əməkdaşlığı da əhatə edir. Yəni hər bir sahə üzrə praktikanı, nəzəri informasiyanı əldə edib işləmək, araşdırmaq, müqayisəli təhlil etmək, beynəlxalq təcrübəni öyrənərək tətbiq edilməsi imkanlarını nəzərdən keçirmək, indiki dövr üçün zəruri olan və həyata keçirilməli olan prioritet iqtisadi islahatları müəyyən edəcək, bəzi yerli dövlət və özəl, eləcə də xarici dövlət və özəl sektordakı qurumlarla mövcud olan bəzi ünsiyyət risqlərini azaldacaq, kommunikasiyanı yaradacaq, əlaqələndirici qismində çıxış edəcək.

Üçüncüsü, Nizamnamənin 2.1. bəndinə nəzər salsaq, görərik ki, Mərkəzin fəaliyyətinin məqsədləri ölkənin dayanıqlı iqtisadi inkişafının təmin edilməsi istiqamətində makro və mikroiqtisadi səviyyədə təhlil və tədqiqatlar aparmaqla, analitik məlumatlar əsasında iqtisadi islahatların həyata keçirilməsi üçün təkliflər, habelə orta və uzunmüddətli dövr üçün proqnozlar hazırlamaqdan, dövlət orqanlarını və qurumlarını həmin proqnozlarla təmin etməkdən, həmçinin iqtisadiyyatın müxtəlif sahələrində Azərbaycan Respublikasının nailiyyətlərinin təbliğini təşkil etməkdən ibarətdir. İndiki dövrdə düzgün təhlilin, iqtisadi araşdırma və tədqiqatların aparılmasına, proqnozların verilməsinə zərurət var. Bu, birbaşa olaraq, dövlət orqanlarının işinin tənzimlənməsinə, bir növ, nəzarət edilməsinə, dövlət büdcəsi üzrə gəlir və xərclərin faktiki və plan, proqnoz üzrə uyğunsuzluqlarının olub-olmamasının aşkarlanmasına, səbəblərinin müəyyən edilməsinə, vacib olmayan xərclərin ixtisara salınmasına, iqtisadi sahələrin inkişaf etdirilməsinə, iqtisadi infrastrukturun güclənməsinə gətirib çıxardacaq. İş birliyi olacaqsa, müsbət nəticə də əldə etmək olar.

Eləcə də ölkəmizin iqtisadi və ölkə nüfuzunun bərpa edilməsi, bəzi beynəlxalq reytinqlərdə səviyyəsinin qaldırılmasına, ümumilikdə ölkəmizə xaricilərin iqtisadi marağının artırılmasına, sərmayələrin cəlb edilməsinə, habelə ölkə iqtisadiyyatının sahələrinin bir-birilə əlaqəli şəkildə inkişaf etməsinə əsas ola bilər.

Sonda onu qeyd etmək istəyirəm ki, dövlət səviyyəsində belə bir qurumun yaradılmasına çox böyük ehtiyac var idi. Əgər sənəd kağız üzərində qalmazsa, qurum qeyd edilən məqsəd, vəzifə və hüquqları çərçivəsində tam fəaliyyət göstərərsə, ölkəmizin iqtisadi inkişafı üçün təkan olacaq.

Eləcə də savadlı araşdırmaçı, təhlilçi, proqnoz verməyi bacaran peşəkar iqtisadçıların, gənc kadrların da işə cəlb edilməsi, onlarla əməkdaşlıq edilməsi baxımından da böyük əhəmiyyət kəsb edir".

Məhəmmədəli QƏRİBLİ

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...