Bank rəhbərləri deputat sorğu-sualında - mövzu kredit soyğunçuluğudur...

Tarix: 21.04.2016 / 00:27
Bölmə: İqtisadiyyat

Oqtay Haqverdiyev: "Bank rəhbərləri belə bir hesabat versə, o zaman baş verənlərə görə məsuliyyət hiss edəcək"

"Çünki bu sahədə mövcud problemlər dərinləşməkdədir"

Bank sektorunda əsas problemin son bir neçə ayda problemli kreditlərin artması olduğu bildirilir. Problemli kreditlər bir il əvvəl kredit çantasının 5 faizi ətrafında dəyişirdi. İndi artaraq 7 faizə yaxınlaşır.

Ümumi kredit çantasının toplam məbləği 20 milyard manat ətrafında dəyişdiyi halda, problemli kreditlər 1,32 milyard manata çatır.

2015-ci ilin yanvar ayında ölkə üzrə kredit çantasının toplam məbləği 18,6 milyard manat olduğu halda, problemli kreditlər 1 milyard manat ətrafında idi. 2016-cı ilin fevralında göstəricilər uyğun olaraq 20,32 milyard manat və 1,32 milyard manata qalxıb. Keçən 14 ay ərzində problemli kreditlərin payı 1 faiz artıb. Dollar kreditləri üzrə isə vəziyyət daha kəskin dəyişib. Qeyd edək ki, 2015-ci ilin yanvar ayında ölkə üzrə toplam 5 milyard manata bərabər olan dollar kreditlərinin 204 milyon manatı problemli kreditlər olubsa, 2016-cı ilin fevral ayında 10,2 milyard manata bərabər olan dollar kreditlərinin 657 milyon manatı problemli kreditlərdir. Göründyü kimi, dollar kreditlərində problemli kreditlərin payı 14 ay ərzində 2,4 faiz artıb.

Vəziyyət o həddə gəlib çatıb ki, bu günlərdə millət vəkili Vahid Əhmədov təklib edib ki, bank rəhbərləri parlamentə çağırılsın: "Azərbaycanın bank sektorunda çox ciddi problem yaranıb. Bu problemlərin həll edilməsi üçün ölkədəki bank rəhbərləri Milli Məclisə çağırılmalıdır. Banklarda likvidlik problemi var. Kredit portfelində göstəricilər qənaətbəxş deyil. Azərbaycanda əmanətlərin 83 faizi dollarda saxlanır. Əmanətlərin sığortalanması haqqında qanun qəbul etsək də, manatda olan əmanətlərin həcminin artmasını müşahidə etmədik. Əhali banklarda olan 5-10 min manat əmanətini belə geri götürə bilmir. Mən əvvəllər də təklif etmişdim, indi də təklif edirəm ki, bu məsələ ilə əlaqədar gəlin bankların rəhbərlərini Milli Məclisə dəvət edək. Problemləri müzakirə edək. Bu vəziyyəti aradan qaldırmaq üçün çox ciddi addımlara ehtiyac var".

Ümumən belə bir addımın atılması bu sahədə mövcud problemlərin həllində nə kimi rol oynaya bilər?

Məsələyə münasibət bildirən iqtisadçı-ekspert Oqtay Haqverdiyevin sözlərinə görə, bu, problemin birdəfəlik həllinə gətirib çıxarmasa da, ən azından, bank rəhbərləri özlərində məsuliyyət hiss edər: "Banklar hər halda buna görə hesabat verməlidir. Problem ondadır ki, hamısı danışır, amma ortada bir şey yoxdur. Bank rəhbərləri belə bir hesabat versə, o zaman baş verənlərə görə məsuliyyət hiss edəcək. Ümumiyyətlə, bank sistemi, onların rəhbərləri müəyyən dərəcədə məsuliyyətini itirib. Ona görə də onlar parlamentə dəvət edilsə, deputatlar onlara bir sıra suallar ünvanlasa, hər halda bunun faydası olar. Düzdür, praktiki olaraq hansısa qərar qəbul olunmayacaq. Ancaq buna rəğmən, bank rəhbərlərinin məsuliyyəti artacaq. Bank təmsilçilərinin məsuliyyətinin artmasının xeyri var, ziyanı yoxdur. Hesab edirəm ki, sözügedən məsələlər müzakirə olunmalıdır. Çünki bu sahədə mövcud problemlər dərinləşməkdədir. O üzdən, müəyyən çıxış yolunun tapılmasına səy göstərmək lazımdır".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...