Supermarketlər şəbəkəsinin Şahin Mustafayevə "ƏDV müraciətindəki" şübhəli məqam...

Tarix: 20.04.2016 / 01:22
Bölmə: İqtisadiyyat

Şahin Mustafayev ƏDV güzəşti istəyən supermarket nümayəndələrini qəbul etdi

Qiymətlərin endirilməsi ilə bağlı heç bir təminat verilmirsə, dövlət nədən bu addıma getməlidir...

Vüqar Bayramov: "İndiki məqamda ərzaq məhsullarının qiymətindəki artımın qarşısının alınmasının..."

Məlum olduğu kimi, aprelin 18-də Azərbaycanın iri supermarketlər şəbəkələrinin rəhbərləri iqtisadiyyat naziri Şahin Mustafayevə müraciət edərək manatın devalvasiyasından və vergi qanunvericiliyində edilmiş dəyişikliklərdən sonra üzləşdikləri acınacaqlı vəziyyətdən çıxmaq üçün kömək xahiş ediblər.

Sahibkarlar iqtisadiyyat nazirinə ünvanladıqları müraciətdə bildiriblər ki, 2015-ci ilin fevral ayının 21-də baş verən devalvasiyadan sonra qiymət artımı və işçi ixtisarına getmədiklərinə görə Azərbaycanın əsas supermarket şəbəkələrinin mənfəət marjaları minimuma enib. Lakin qiymətləri qaldırmadan şəbəkələrdə rentabelliyi və işçi sayını qoruyub saxlamaq mümkün deyil. Maddi sıxıntılar mağazaların bağlanmasına və işçilərin ixtisarına səbəb olub. Müraciətdə, həmçinin, sosial əhəmiyyətli gündəlik tələbat mallarının, xüsusən yerli istehsal olan kənd təsərrüfatı məhsullarının, habelə uşaq qidalarının istehsalı və bütün satış zəncirinə ƏDV tətbiqinin aradan qaldırılmasının məqsədəuyğunluğu qeyd olunur. Sahibkarlar xahiş edir ki, iqtisadiyyat naziri bu problemin həll edilməsi üçün qanunvericilikdə düzəliş təşəbbüsü ilə çıxış etsin. Müraciəti "Bizim" marketlər şəbəkəsi, "Fresko", "Səbət", "Rahat", "Makromart", "Araz", "Neptun", "Bolmart", "Favorit", "Mega store" və "Sarı" marketlərin rəhbərləri imzalayıb.

Maraqlıdır ki, market rəhbərləri ƏDV-nin götürülməsini tələb etdikləri halda, satış qiymətlərinin aşağı salınması və bu endirimin davamlı olacağına heç bir konkret vəd və ya təminat vermirlər. Belədə təminat varmı ki, ƏDV ləğv olunsa, market sahibləri qiymətləri aşağı salacaq? Qiymətlər düşməyəcəksə, dövlətin tək market sahiblərinin marağına uyğun addım atması nə qədər ədalətli olar?

Sözügedən məsələni dəyərləndirən iqtisadçı-ekspert Vüqar Bayramovun fikrincə, prinsipcə, ərzaq məhsullarının bahalaşmasının qarşısını almaq üçün buna getmək olar, amma o şərtlə ki, bundan sui-istifadə olunmasın: "Məsələ ondadır ki, devalvasiyadan sonra ölkədə qiymət artımlarının baş verməsi qaçılmaz oldu. Çünki istehlak olunan məhsulların 76 faizi idxal olunur. Ancaq alıcılıq qabiliyyəti aşağı düşdü və bu da bəzi supermarketlərin satış həcminin azalmasına gətirib çıxardı. Devalvasiya nəticəsində supermarketləri bu zərərdən qorumaq mümkün deyildi. Bir gündə manatın 50 faizə yaxın dəyərdən düşməsi mövcud aktivlərin 50 faizədək dəyərdən düşməsi demək idi. Bu da, təbii olaraq, onların fəaliyyətinə mənfi təsir göstərdi. İndiki məqamda ərzaq məhsullarının qiymətindəki artımın qarşısının alınmasının əsas yollarından biri də vergi dərəcələrinin optimallaşdırılması, aşağı salınmasıdır. Bu yolla qiymət artımlarının qarşısı alınar. Hökumət, xüsusən növbəti iki il ərzində supermarketlər üçün muəyyənləşdirilmiş əlavə dəyər vergisinin dərəcələrini differensial olaraq aşağı salsa və bəzi vergi güzəştlərini tətbiq etsə, daha məqsədəuyğun olar. Bu birmənalı şəkildə imkan verər ki, supermarketlər fəaliyyətini genişləndirsin və çox sayda supermarket fəaliyyət göstərsin, habelə rəqabətin müdafiəsi baş versin. Təbii ki, vergi güzəşti müqabilində qiymətlərin olduğu kimi saxlanması yolverilməzdir. Vergi güzəşti həmin məhsulların müəyyən qədər ucuzlaşmasına təsir etməlidir".

Məlumatlara görə, artıq İqtisadiyyat Nazirliyi ölkədə fəaliyyət göstərən supermarketlərə vergi güzəştlərinin verilməsi imkanını öyrənməyə başlayıb. Bunu "Trend"ə nazirlikdən deyiblər. Nazirlikdən bildirilib ki, onların müraciəti ilə əlaqədar dünən səhər saatlarına iqtisadiyyat naziri Şahin Mustafayev həmin supermarket şəbəkələri nümayəndələrini qəbul edib, onların təkliflərini dinləyib və problemləri müzakirə edib: "Hazırda bu məsələ nəzərdən keçirilir".

Namiq QULİYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...