Torpağı istifadəsiz saxlayanların cərimələri artırıla bilər...

Tarix: 19.04.2016 / 01:40
Bölmə: İqtisadiyyat

Nicat Hacızadə: "İstifadəyə yararlı torpaqların sahiblərini stimullaşdırmaq lazımdır ki, onlar torpaqların əkilib-becərilməsində maraqlı olsun"

Vahid Əhmədov: "Vergilər Məcəlləsinə edilən dəyişikliklər mühüm əhəmiyyət daşıyır"

Azərbaycan hökuməti kənd təsərrüfatı torpaqlarından təyinatı üzrə istifadə edilməməsinə qarşı sərt tədbirlərə başlayır. Ölkədə təyinatı üzrə istifadə edilməyən kənd təsərrüfatı torpaqlarından vergilər kəskin artırılacaq. Bu barədə aprelin 18-də Milli Məclisin İqtisadiyyat, sənaye və sahibkarlıq komitəsinin iclasında bildirilib.

İclasda müzakirə olunan məsələlərdən biri "Vergi Məcəlləsində dəyişikliklər edilməsi haqqında" qanun layihəsi olub.

İclasda Vergilər Nazirliyinin Vergi siyasəti və strateji araşdırmalar Baş İdarəsinin rəisi Samirə Musayeva bildirib ki, Məcəlləyə edilən dəyişikliklər ilk növbədə aqrar sahənin daha da inkişafını nəzərdə tutur. Onun sözlərinə görə, kənd təsərrüfatı təyinatlı torpaqlardan təyinatına uyğun istifadə etməyənlər üçün vergi dərəcələri artırılır: "İndiyə qədər kənd təsərrüfatına yararlı torpaqlardan istifadə etməməyə görə hər 100 kvadratmetrə görə 6 qəpik vergi nəzərdə tutulurdusa, bundan sonra bu məbləğ artaraq 10 manat təşkil edəcək".

S.Musayeva əlavə edib ki, vergi dərəcəsinin artırılması aqrar sektorun inkişafına imkan verəcək. Onun sözlərinə görə, bəzi kənd təsərrüfatına yararlı torpaqlar üzürlü səbəb olmadan uzun müddət təyinatına uyğun istifadə olunmur. Buna görə də kənd təsərrüfatına uyğun torpaqlardan istifadə etməməyə görə vergi dərəcəsinin artırılması bu torpaqlardan təyinatına uyğun istifadəni stimullaşdıracaq.

İstifadə olunmayan torpaqlara görə verginin artırılması ilə bağlı fikir bildirən iqtisadçı-ekspert Nicat Hacızadə bizimlə söhbətində qeyd etdi ki, hazırkı şəraitdə vergi siyasətinin sərtləşdirilməsinin tərəfdarı deyil: "Ölkə başçısı İlham Əliyev dəfələrlə öz çıxışlarında qeyd edib ki, cəza tədbirlərinin formalaşdırılması sahibkarı qorxudan məsələlərdən biridir.

Bu səbəbdən də bəzi sahələrdə verginin artırılması düzgün olmaz".

Həmsöhbətimiz hesab edir ki, sahibkarı cəzalandırmaq yerinə onu stimullaşdırmaq olar: "İstifadəyə yararsız torpaqların yararlı vəziyyətə salınması üçün sahibkara müəyyən mənada dəstək olmaq lazımdır. Belə olarsa, aqrar sahədə istənilən səviyyəyə yüksələ bilərik.

O cümlədən, istifadəyə yararlı torpaqların sahiblərini stimullaşdırmaq lazımdır ki, onlar torpaqların əkilib-becərilməsində maraqlı olsun".

N.Hacızadənin sözlərinə görə, kənd təsərrüfatının inkişafı üçün cəza tədbirləri yüngülləşdirilməli və vergi məsələlərində güzəşt tətbiq olunmalıdır.

Millət vəkili Vahid Əhmədov bildirdi ki, Vergilər Məcəlləsinə edilən dəyişikliklər mühüm əhəmiyyət daşıyır. Onun sözlərinə görə, bu, kənd təsərrüfatına yararlı torpaqlardan təyinatına uyğun istifadə edilməsini stimullaşdıracaq. O hesab edir ki, bu prosesə nəzarət etmək olduqca vacib məsələdir.

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...