Müflisləşmə haqda qanun ayrılıqda vətəndaşlara da şamil oluna bilər

Tarix: 19.04.2016 / 02:11
Bölmə: İqtisadiyyat

Əkrəm Həsənov: "Müflisləşmə haqqında qanuna böyük ehtiyac var"

"Müflisləşmə haqqında qanun ölkənin maliyyə sisteminə müsbət təsir göstərə bilər"

Dünyanın bir sıra ölkələrində olduğu kimi, Azərbaycanda kredit borcunu ödəyə bilməyənlər ya intihar edir, ya da başqa vasitələrə əl atır. Bu ilin fevral ayının yekunlarına əsasən, Azərbaycanda vaxtı keçmiş kreditlər 1 milyard 329,5 milyon manat təşkil edib.

Bu da yanvar ayının yekunları ilə müqayisədə 14,9 milyon manat və yaxud 1,1 faiz çoxdur.

Kredit borcunu ödəməkdə çətinlik çəkənlərin vəziyyətinin yüngülləşməsi üçün müxtəlif təkliflər irəli sürülüb.

Bu dəfə isə ekspertlər tərəfindən fiziki şəxslərin müflis olması haqqında qanunun qəbul olunması təklif edilir.

Məlumat üçün bildirək ki, bəzi xarici ölkələrdə

müflisləşmə haqqında qanun mövcuddur. Həmin qanuna əsasən, vətəndaş borcu ödəməkdən azad oluna bilər, ya da kreditinin ödənilməsi vaxtının uzadılması mümkündür.

Bank sahəsi üzrə ekspert, iqtisadçı Əkrəm Həsənovun dediyinə görə, bizdə də vətəndaş borcunu ödəyə bilmirsə, ona heç nə etmək olmaz: "Sadəcə, bir sıra aparıcı, hətta bəzi qonşu ölkələrdə fiziki şəxslərin müflisləşməsi haqqında xüsusi qanun var. Həmin qanun bütövlükdə iqtisadiyyatın xeyrinədir. Bank, maliyyə sistemi və vətəndaş üçün də faydalıdır. Bizdə vəziyyət belədir ki, vətəndaş borcunu verə bilmirsə, ömrünün sonuna qədər borclu qalır. Yəni nə vaxtsa əmlakı olarsa, onun əlindən ala bilərlər. Bu da, bir növ, vətəndaşa həm psixoloji cəhətdən pis təsir edir, həm də onu passivləşdirir. Vətəndaş heç bir iqtisadi fəaliyyətlə məşğul olmaq istəmir. Bundan qorxur ki, borcuna görə qazancını əlindən alacaqlar.

Göründüyü kimi, göstərilən vəziyyətin cəmiyyətə də xeyri yoxdur. Çünki heç kəs həmin vətəndaşın borclu olduğunu bilmir. Bu baxımdan ola bilsin ki, vətəndaş başqalarından da borc alsın. Ancaq müflisləşmə haqqında qanun olan ölkələrdə vətəndaş borcunu ödəyə bilməyəndə özü məhkəməyə müraciət edir. Onun müflis olmasının tanınmasını istəyir. Məhkəmə onu müflis elan etdiyi andan artıq ondan heç kəs indiyə qədər olan borcunu tələb edə bilmir. Bununla da borcu tamamilə silinir. Bu, vətəndaşın vəziyyətini bir qədər asanlaşdırır. Ancaq eyni zamanda vətəndaşa qarşı da müəyyən hərəkətlər olur. Məsələn, həmin şəxs müflisləşmiş vətəndaşların siyahısına daxil edilir. O siyahı da internet saytına yerləşdirilir. Ora daxil olan şəxs bilir ki, kimlərə borc vermək olmaz. Bununla da ona heç kəs borc vermir. Yaxud da həmin vətəndaşın müəyyən müddətdə müəyyən işlə məşğul olmasına imkan verilmir. Yəni bu baxımdan həm vətəndaşın xeyrinədir ki, borcdan canını qurtarır, eyni zamanda cəmiyyət də ehtiyatlı davranır. Həmin şəxslərə borc vermirlər. Yəni qanun bütövlükdə ölkənin maliyyə sistemi üçün müsbətdir. Odur ki, bizdə də buna böyük ehtiyac var. Çünki vətəndaş borcunu ödəyə bilmirsə, onsuz da ödəyə bilməyəcək. Hökumət dairələrində artıq belə bir fikir var. Yəni, bu il olmasa da, növbəti illərdə müvafiq qanun qəbul edilə bilər".

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...