İlham Əliyev kiçik və orta sahibkarların ən böyük problemini aktuallaşdırdı

Tarix: 16.04.2016 / 02:43
Bölmə: İqtisadiyyat

Rəşad Həsənli: "Sahibkarlığın təşviqi istiqamətində müəyyən addımlar atılmalıdır"

"Kiçik və orta şirkətlərin inkişafı üçün dövlət qurumlarının bir araya gəlib birgə fəaliyyət göstərməsi bu sahədə uğurun əldə olunmasına gətirib çıxaracaq"

Azərbaycan Respublikasının Prezidenti İlham Əliyev aprelin 12-də Amerika Ticarət Palatasının nümayəndə heyətini qəbul edib. Dövlətimizin başçısı Palata nümayəndələri ilə görüş zamanı bir sıra məsələlərə toxunub. Ölkə başçısı İ.Əliyev kiçik şirkətlərin müdaxilə ilə üzləşməsindən də danışıb.

O bu məsələ ilə bağlı bu sözləri deyib: "Kiçik və orta müəssisələr hər bir iqtisadiyyatın aparıcı qüvvəsidir. Böyük iqtisadiyyata malik olan ölkələrin təcrübəsindən də məlumdur ki, bu belədir. Bizim də məhz buna ehtiyacımız var. İyirmi beş il öncə bu belə deyildi, çünki biz siyasi sistemimizi transformasiya etməli, dövlət qurmalı və eyni zamanda, iqtisadi sistemimizi də transformasiya etməli idik. Bu səbəbdən biz hələ də həmin prosesin başlanğıcındayıq. Lakin hesab edirəm ki, kiçik və orta müəssisələrin dəstəklənməsinə diqqətin yönəldilməsi burada üstünlük təşkil edən amil olacaq".

Dövlət başçısı bu istiqamətdə müəyyən addımların atıldığını, daxili istehsalın təşviq edildiyini, daha çox iqtisadi artıma ehtiyac duyulan sahələrdə özəl sektora kreditlərin ayrıldığını bildirib: "Ancaq düşünürəm ki, bu sahədə diqqət vergi rejimi ilə bağlı qanunvericilik və sərmayə mühitinə yönəldilməlidir. Müvafiq sərmayə mühiti, kiçik və orta müəssisələr üçün imkanlar yarandığı halda onların özləri inkişaf edəcək. Dövlət qurumları isə onların gündəlik fəaliyyətinə müdaxilə deyil, yalnız lazımi şərait yaratmalıdır. Burada kiçik və orta şirkətlər ən həssas vəziyyətdədir. Çünki böyük şirkətlər özlərini müdafiə edə, öz mövqelərini ortaya qoya bilirlər. Təəssüf ki, kiçik şirkətlər bəzən müdaxilə ilə üzləşir və hesab edirəm ki, bu sahədə onlar üçün şəraitin yaradılması məqsədilə inzibati və institusional tədbirlər görülməlidir.

Lisenziyaların azaldılması daha bir vacib addım olub. Nazirlər Kabinetinin sonuncu iclasında dediyim kimi, biz yoxlama və təftişlərin sayının kəskin şəkildə azalmasına nail olmuşuq. Bu yalnız başlanğıcdır. Düşünürəm ki, özəl sektor da yeni vəziyyətə uyğunlaşacaq. Biz işimizi davam etdirməliyik. Bu hər hansı bir kampaniya deyil. Bu bizim siyasətimizdir və o davam etməlidir".

Kiçik və orta şirkətlərin özlərini tam doğrultması üçün bu istiqamətdə onlara aidiyyəti qurumlar tərəfindən müəyyən dəstək göstərilməlidir. Qeyd edək ki, bir sıra xarici ölkələrdə kiçik və ya orta şirkətlərin çalışdıqları sahədə uğur əldə etməsi üçün onlar müəyyən müddət ərzində vergi yükündən azad olunur. Onlara dövlət tərəfindən müəyyən köməklik göstərilir.

Məsələ ilə bağlı fikir bildirən iqtisadçı-ekspert Rəşad Həsənli bizimlə söhbətində qeyd etdi ki, hazırkı iqtisadi vəziyyət qeyri-neft sektorunun sürətlə inkişaf etməsini tələb edir: "Xatırladım ki, 1990-cı ildən sonra ölkədə kiçik sahibkarlıq sürətlə genişləndi. Onların fəaliyyət sferası böyük olsa da, tək problemləri kapital çatışmazlığı idi. Buna baxmayaraq, kiçik sahibkarlar öz sahələrində nailiyyətlər əldə edirdilər. Amma 2005-ci ildən sonra vəziyyət tamamilə dəyişdi. Artıq o zamanlar ölkədə iri şirkətlər yarandı. Bu şirkətlərin, demək olar ki, əksəriyyəti himayədarlıq əsasında fəaliyyət göstərirdi. Bu şirkətlərin yaranmasından sonra inhisarçılıq halları genişləndi. Beləliklə, kiçik sahibkarlığın təşəbbüskarlığı boğuldu. Bu isə iş yerlərinin sayının azalmasına və əhalinin gəlirinin zəifləməsinə səbəb oldu. Ötən ilin birinci yarısında ölkə başçısı İlham Əliyevin başçılığı ilə keçirilən Nazirlər Kabinetinin iclasında Prezident məmur özbaşınalığı və biznesə kənar müdaxilə ilə bağlı fikirlər səsləndirdi. Sonrakı dövr ərzində bu istiqamətdə müəyyən addımlar atıldı. Proseslərin sadələşdirilməsi, lisenziyaların asanlaşdırılması, elektron hökumət portalının imkanlarının genişləndirilməsi, gömrük sahəsində broker şirkətinin ləğv edilməsi kimi atılan addımlar kiçik sahibkarların fəaliyyətinin genişləndirilməsinə yönəlib".

İqtisadçının fikrincə, sahibkarlığın təşviqi istiqamətində müəyyən addımlar atılmalıdır. O addımlardan biri də ixracın stimullaşdırılmasıdır: "Xatırladım ki, ixracın stimullaşdırılması ilə bağlı Prezident tərəfindən sərəncam verilib. Bu sərəncam sayəsində ölkədə iqtisadi aktivlik müşahidə oluna bilər. İxracın stimullaşdırılması ilə bağlı Nazirlər Kabinetinə tapşırıq verilib. Nazirlər Kabineti yeni qaydaları tərtib etdikdən sonra təşviq sektorlarına ixracla bağlı fərqli təşviq subsidiyalarının verilməsinin şahidi olacağıq".

R.Həsənlinin sözlərinə görə, kiçik və orta şirkətlərin inkişafı üçün dövlət qurumlarının bir araya gəlib birgə fəaliyyət göstərməsi bu sahədə uğurun əldə olunmasına gətirib çıxaracaq.

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...