Ərzaq təhlükəsizliyi yönümündə Prezidentdən daha bir önəmli qərar...

Tarix: 13.04.2016 / 02:05
Bölmə: İqtisadiyyat

Nicat Hacızadə: "Ərzaq məhsullarının tədarükü və təchizatı" ASC-nin yaradılması ərzağın qiymətinə də təsir edəcək"

"Cəmiyyətin yaradılması həm istehsalçının, həm də istehlakçının sosial rifah halının yaxşılaşdırılmasına kömək edəcək"

Prezident İlham Əliyev "Ərzaq məhsullarının tədarükü və təchizatı" ASC-nin yaradılması haqqında Sərəncam imzalayıb.

Səhmdar Cəmiyyətin yaradılması kənd təsərrüfatı məhsullarının istehsalını və emalını stimullaşdırmaq, kənd təsərrüfatı məhsulları istehsalçılarının inkişafını təmin etmək, ərzaq məhsullarının keyfiyyətini daha da artırmaq, dövlət vəsaitlərindən səmərəli istifadəni təmin etmək, regionlarda kənd təsərrüfatı ilə məşğul olan əhalinin sosial rifahının yaxşılaşdırılmasına zəmin yaratmaq, dövlət sifarişi ilə ərzaq məhsullarının satın alınmasının mərkəzləşdirilmiş qaydada həyata keçirilməsini təmin etmək məqsədi daşıyır.

Cəmiyyətdə ümumi yığıncağın səlahiyyətlərinin həyata keçirilməsi Nazirlər Kabinetinə, Kənd Təsərrüfatı Nazirliyinə, Əmlak Məsələləri Dövlət Komitəsinə həvalə edilir.

Sərəncama əsasən, Cəmiyyətdə müşahidə şurası və idarə heyəti yaradılır. Müşahidə şurasının və idarə heyəti sədrlərinin və onların müavinlərinin vəzifəyə təyin və vəzifədən azad edilməsi, habelə onların səlahiyyətlərinə vaxtından əvvəl xitam verilməsi Azərbaycan Prezidenti tərəfindən həyata keçirilir.

Cəmiyyətə tapşırılır ki, dövlət qeydiyyatına alındıqdan sonra səhmlərinin 49 faizinin fond birjasında digər investorlara təklif edilməsi və bununla əlaqədar olaraq zəruri sənədlərin, o cümlədən emissiya prospektinin hazırlanması üçün tədbirlər görsün, səhmlərinin investorlara təqdim edilməsindən əldə olunan vəsaitin Cəmiyyətin nizamnamə kapitalının 49 faizi həcmində olan hissəsinin dövlət büdcəsinə ödənilməsini təmin etsin.

Sərəncama əsasən, yeni yaradılacaq "Ərzaq məhsullarının tədarükü və təchizatı" ASC-nin aqrar sahəyə necə təsir etməsi barədə fikir bildirən iqtisadçı-ekspert Nicat Hacızadə qəzetimizə açıqlamasında qeyd etdi ki, son illər Azərbaycanın kənd təsərrüfatı sferasında əsas problemlərdən biri satışa çıxarılan məhsulların tam satılmaması və ya xarab olaraq istifadəyə yararsız vəziyyətə düşməsi ilə bağlı idi: "Xarab olan məhsulları əvəzləyəcək idxal məhsulları gətirilirdi ki, bu da ölkədən əlavə valyutanın çıxması ilə nəticələnirdi. O zaman sual yaranırdı: ölkəyə İran, Türkiyə, Ukrayna və Rusiyadan kənd təsərrüfatı, xüsusilə qida məhsulları gətirmək nə qədər sərfəlidir? Belə ki, ölkədə istehsal edilən eyni təyinatlı məhsullar istifadəsiz qalaraq xarab olur.

Bir başqa hal da ondan ibarət idi ki, sahibkarlıq subyektləri yerli kənd təsərrüfatı məhsullarını xaricdən gətirilənlərdən daha baha və ya onlarla eyni qiymətə satırdı. Təbii ki, bu da yerli istehsalçılara kifayət qədər ziyan vururdu".

Həmsöhbətimizin sözlərinə görə, çoxdan gözlənilən bu sərəncam nəticəsində isə dövlət şirkəti özü birbaşa məhsulu sahibkardan alacaq və satacaq: "Belə olan halda, yerli məhsulların rəqabət qabiliyyətliliyi artacaq. Bütün bunlar mərkəzləşdirilmiş qaydada həyata keçiriləcək. Bu, hər iki tərəfin - həm istehsalçının, həm də istehlakçının sosial rifah halının yaxşılaşdırılmasına kömək edəcək. Digər müsbət məqam odur ki, bu, dövlət vəsaitlərinin daha səmərəli xərclənməsinə yardımçı olacaq. Quruma nəzarət isə birbaşa ölkə Prezidenti tərəfindən həyata keçiriləcək. Digər vacib məsələ cəmiyyətin səhmlərinin 49 faizinin investorlara satılması ilə bağlıdır. Təbii ki, səhmlərin alınmasında iştirak edəcək investor və ya səhmdar bu şirkətin uğurlu fəaliyyətində maraqlı olacaq. Bu şirkətin yaradılması kiçik və orta biznesə də müsbət təsir edəcək. Amma nəzarət olunmalıdır ki, Cəmiyyət hər hansı inhisarçı şirkətlərlə işləməsin. Belə olsa, bu, kiçik və orta sahibkarlığa mənfi təsir edəcək, sərəncamın əhəmiyyətini və onun verəcəyi iqtisadi səmərəni azaldacaq".

N.Hacızadənin fikrincə, Cəmiyyətin yaradılması ərzağın qiymətinə də təsir edəcək: "Ölkədə qida təhlükəsizliyi ilə bağlı hər hansı ciddi problem yoxdur. Qida sənayesi də yetərincə yaxşı inkişaf edib və 2014-cü ildən qida təhlükəsizliyi ilə bağlı problemlərin aradan qaldırılması ilə bağlı ciddi islahatlar aparılıb. Amma burada yenə də əsas məsələ istehlakçıya çatdırılacaq məhsulun keyfiyyəti və qiymətidir. Təbii ki, keyfiyyət və qiymət qida təhlükəsizliyinin əsas göstəricilərindən hesab olunur. Ona görə də hesab edirəm ki, bu addım ərzağın qiymətinə təsirsiz ötüşməyəcək, yəni ərzaq ucuzlaşacaq. Çünki qiymətlərin son istehlakçıya çatdırılmasına qədər çəkilən xərclər daha az olacaq. Elə məqsəd də budur ki, istehlakçı məhsulu daha ucuz qiymətə alsın. Bu zaman bəzi fürsətcil sahibkarların da öz mənfəət marjasını şişirtməsinə zəmin qalmayacaq".

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...