Bankların kütləvi dollar yığması fəsadlar törədə bilər

Tarix: 12.04.2016 / 02:35
Bölmə: İqtisadiyyat

Vahid Əhmədov: "Əhalinin banklara etibarı artsın ki, insanlar daha çox depozit yatıra bilsin"

"Dollarlaşma prosesi həm Azərbaycanın milli valyutası, həm də maliyyə bazarı üçün çox böyük risqə gətirib çıxarar"

Son dövrlər Azərbaycanın maliyyə bazarında daha çox diqqətçəkən məqamlardan biri də banklarda dollarlaşma prosesinin ən yüksək həddə çatmasıdır. Banklar ehtiyatlarının böyük hissəsini xarici valyutada, əsasən də dollarda saxlayır.

Bununla yanaşı, dollar baha olduğu halda banklara kreditlərin məhz dollarla verilməsi sərf edir. Halbuki, əhali kreditləri manatla almaqda maraqlıdır. Sadə desək, kredit dollarda götürülsə, dolların manata qarşı bahalaşması halında kredit manatla dərhal bahalaşır, halbuki, əhali gəlirləri manatla əldə edir. Nəticədə əhalinin kreditlərin ödənilməsi üzrə xərcləri artır ki, bu da vətəndaşların maliyyə rifahını azaldır. Valyuta kreditlərinin böyük əksəriyyəti məhz dollar kreditləridir. Bu dərəcədə yüksək pay onu göstərir ki, Azərbaycanda bank-kredit sahəsində dollarlaşma səviyyəsi çox yüksəkdir. Hər halda ümumi iqtisadi baxımdan dollar kreditlərinin artırılması birbaşa olaraq əhalinin maliyyə vəziyyətini pisləşdirir. Bu isə, öz növbəsində, iqtisadi problemi artıq sosial problemə çevirir. Sosial problemlərin həlli isə iqtisadi problemlərin həllinə dair daha çevik və qəti addımlar atmaqdan keçir. O üzdən, dollarla kredit verilməsinə bir ay məhdudiyyət qoyuldu. Həmçinin, aydındır ki, həmin bir aylıq dayandırma banklara xəbərdarlıqdır. Çünki bu müddətin uzadılması imkanı onu göstərir ki, bu qərar banklar öz əməllərinə son qoyanadək qüvvədə qala bilər.

Müşahidələr göstərir ki, birinci devalvasiyadan sonra banklar ehtiyatlarını kütləvi şəkildə dollara çevirməyə başladı. Digər tərəfdən, manatla kredit götürən vətəndaşlar krediti qaytarandan sonra dərhal banklar həmin vəsaiti dollara çevirir. Ümumən banklarda dollarlaşma prosesi başa çatmaq üzrədir. Bütövlükdə, vəziyyətin bu cür davam etməsi hansı fəsadlar törədə bilər?

Məsələyə münasibət bildirən iqtisadçı, millət vəkili Vahid Əhmədovun fikincə, banklarda dollarlaşma prosesi yaxşı amil deyil: "Çünki Azərbaycanın milli valyutasına etibarlılığı biz təmin etməliyik. Azərbaycanın milli valyutasına etibarlığı təmin edə bilməsək, dollarlaşma prosesi gedərsə, bu həm Azərbaycanın milli valyutası üçün, həm də maliyyə bazarı üçün çox böyük risqə gətirib çıxarar.

Ona görə də, bildiyiniz kimi, cənab Prezidentin fərmanına uyğun olaraq Maliyyə Bazarlarına Nəzarət Palatası yaradılıb. Müəyyən qədər Mərkəzi Bankla bu Palata arasında funksiyalar dəqiqləşdirilib. Artıq qərarlar, qanunlar, fərmanlar bununla əlaqədar verilib. Həmçinin, kreditlərin dollarla verilməsinə 1 ay məhdudiyyət qoyulub.

Manatın qorunub saxlanması, əhalinin manata etibarının artırılması üçün biz "Əmanətlərin tam sığortalanması haqqında" Qanun da qəbul etdik. Buna müəyyən vaxt lazımdır. Necə deyərlər, əhalinin banklara etibarı artsın ki, insanlar daha çox depozit yatıra bilsin".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...