Maliyyə bazarında özünü yaxşı mənada göstərə bilməyən banklar bağlana bilər

Tarix: 15.05.2014 / 09:21
Bölmə: İqtisadiyyat

Bir neçə gün öncə Mərkəzi Bankın sədri Elman Rüstəmov Azərbaycanda fəaliyyət göstərən bəzi bankların likvidlik problemlərinin olduğunu etiraf edib. Buna misal kimi o, bir neçə bankın adını da çəkib. O bildirib ki, "Bank of Azərbaycan"ın likvidlik problemi var, hazırda bankın sahibləri və səhmdarları ilə Mərkəzi Bank arasında danışıqlar aparılır:
"Bu problemin aradan qaldırılması istiqamətində işlər görülür". E.Rüstəmov "Kövsər bank"ın fəaliyyətinə də toxunaraq deyib ki, Mərkəzi Bank "Kövsər bank"ın kreditləşmə proqramına baxacaq və bu proqram məqbul sayılacaqsa, bank fəaliyyətini davam etdirəcək.
Onu da qeyd edək ki, cari ilin sonuna kimi kommersiya bankları nizamnamə kapitalının həcmini minimum 50 milyon manata çatdırmalıdır. Bu həddə çata bilməyən banklar bağlanmaq təhlükəsi ilə üz-üzə qalacaq. Bəzi hesablamalara görə, heç də bütün banklar ilin sonuna kimi 50 milyon manatlıq nizamnamə kapitalı formalaşdırmaq gücündə deyil.
İqtisadçı-ekspert Rəşad Həsənov "Bakı-Xəbər"ə açıqlamasında qeyd etdi ki, növbəti aylarda problem öz həllini tapacaq: "Hazırda Azərbaycanda fəaliyyət göstərən bankların nizamnamə kapitalını 50 milyon manata qaldırmaq məsələsi gündəmdədir. Qarşıdan gələn aylar ərzində bu məsələnin öz həllini tapacağı gözlənir. Burada da əsas məqsəd likvidliyi zəif olan, yəni maliyyə bazarında özünü yaxşı formada göstərə bilməyən bankların sıradan çıxarılmasından ibarətdir. Yəni bir növ bazarın təmizlənməsi prosesi aparılır ki, rəqabətli bank sistemi formalaşsın. Hansı ki, məhz bu rəqabət nəticəsində faiz dərəcələrinin aşağı düşəcəyini gözləmək olar. Bu mənada, nizamnamə kapitalının artırılması maliyyə-bank sistemini gücləndirmək məqsədi daşıyır. Mərkəzi Bankın açıqlamasına görə, hazırda ölkədə fəaliyyət göstərən 10 bank likvidlik problemi ilə üz-üzədir. Həmin banklarda əhaliyə verilən kreditlərin geri ödənilməsində problemlər yaşanır. Krediti geri ala bilməyən banklarda, aydın məsələdir ki, özünü maliyyələşmədə problemlər yaranır. Əlavə kredit tələb etdikdə isə bankın likvidlik problemi üzündən onunla Mərkəzi Bank arasında problemlər yarana bilir. Nizamnamə kapitalının artırılması da likvidliyi zəif olan bankların aradan götürülməsinə hesablanıb. Daha doğrusu, burada əsas məsələ bank sisteminin sağlamlaşdırılmasından ibarətdir. Təbii çalışmaq lazımdır ki, banklar iflasa uğramasın. Çünki bu iflas bir çox fəsadlara gətirib çıxarar. Arzuediləndir ki, nizamnamə kapitalı məsələsini həll etmək və bağlanmaq təhlükəsindən xilas olmaq üçün həmin banklar digərləri ilə birləşsin. Bunun da baş verəcəyini gözləyirik. Çünki bankların iflas olması fonunda Azərbaycanın bank sektoruna xarici tərəfdaşların münasibəti də dəyişə bilər. Ölkəmizdə 3-4 bankın iflas etməsi xarici maraqlı dairələrdə ölkəmizdəki bankların stabilliyi ilə bağlı müəyyən şübhələr yarada bilər".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...