Ollandın Bakı səfəri Azərbaycan-Fransa iqtisadi əlaqələrinə necə təsir edəcək?

Tarix: 14.05.2014 / 09:02
Bölmə: İqtisadiyyat

Mayın 12-də Azərbaycan və Fransa prezidentləri İlham Əliyevlə Fransua Olland nümayəndə heyətlərinin iştirakı ilə geniş tərkibdə görüşüblər. Daha sonra Azərbaycan-Fransa sənədlərinin imzalanması mərasimi olub. Dövlət başçıları mətbuata bəyanatlarla çıxış edib, jurnalistlərin suallarını cavablandırıblar.
Belə ki, Elmin İnkişaf Fondu ilə Fransanın müvafiq qurumu, Azərbaycan Kənd Təsərrüfatı Nazirliyi və Fransa Kənd Təsərrüfatı və Emal Nazirliyi, Azərbaycan Nəqliyyat Nazirliyi və Fransa Nəqliyyat, Davamlı İnkişaf Nazirliyi, Azərbaycan Energetika Nazirliyi və Fransanın Ekologiya, Davamlı İnkişaf və Enerji Nazirliyi, Azərbaycan Ailə, Qadın və Uşaq Problemləri üzrə Dövlət Komitəsi və Fransa Qadın Hüquqları, Şəhər, Gənclər və İdman Nazirliyi arasında əməkdaşlığa dair sənədlər imzalanıb. Bununla yanaşı, Azərbaycan Təhsil Nazirliyi ilə Fransa Milli Təhsil, Ali Təhsil və Təhqiqat Nazirliyi arasında niyyət məktubuna da imza atılıb və s.
Görünən odur ki, bundan sonra tərəflər iki ölkə arasında iqtisadi əlaqələrin daha da genişləndirilməsində maraqlıdır. Xüsusən də qeyri-neft sektoru və nəqliyyat sahəsində əməkdaşlığın genişləndirilməsi keçirilən görüşlər zamanı prioritet olub.
Maraqlıdır, bəs bu günə qədər Azərbaycan-Fransa iqtisadi əlaqələrində real rəqəmlər nə deyir? Bu sahədə ümumi vəziyyət necədir?
Sözügedən məsələni dəyərləndirən iqtisadçı-ekspert Rövşən Ağayev hesab edir ki, Azərbaycan-Fransa iqtisadi əlaqələri o qədər də yüksək səviyyədə inkişaf etməyib. O bunu bir sıra arqumentlərlə əsaslandırmağa çalışıb: "Rəsmi məlumatlara görə, Azərbaycanda Fransanın 50-dək şirkəti fəaliyyət göstərir. Baxmayaraq ki, heç bir rəsmi mənbədən həmin şirkətlərin kataloqunu əldə edə bilmədik. 50 kiçik rəqəm deyil. Azərbaycanda bu qədər Fransa şirkəti çalışırsa, onların iqtisadiyyatımıza hansı töhfələri var? Böyük sərmayələr qoyurlarmı? İnandırıcı görünmür. Rəsmi məlumata görə, son illər Fransa şirkətlərinin ümumi xarici sərmayələrdə payı 5 faiz ətrafında olub. 2012-ci ildə Azərbaycan iqtisadiyyatına qoyulan Fransa sərmayəsinin həcmi 160 milyon dollar təşkil edib. Rəsmi məlumat olmadığına görə ehtimalla vurğulamaq lazım gəlir ki, həmin sərmayənin əhəmiyyətli hissəsi neft sektoruna bağlıdır. Məlum olduğu kimi, "Total" şirkəti "Şahdəniz" layihəsində 10 faiz, "Abşeron" yatağının işlənməsində 40 faiz paya malikdir".
R.Ağayevin fikrincə, Fransa şirkətləri hansısa rəqabət qabiliyyətli məhsul və xidmətlərin yaradılmasına, qabaqcıl texnologiyaların ölkəyə gətirilməsinə, yeni iş yerlərinin yaradılmasına töhfə verməsi sual altındadır: "Təsdiq və izahedici rəsmi məlumatlar tapmaq mümkün deyil. Ancaq qarşılıqlı xarici ticarətin vəziyyəti ən yaxşı güzgü və bələdçidir. Rəsmi mənbələrə görə, 2013-cü ildə Azərbaycandan Fransaya 1,132 milyard dollar dəyərində məhsul ixrac edilib. İxracın 95,2 faizi və ya 1,126 milyard dolları bilavasitə xam neft və neft məhsulları olub. Qeyri-neft ixracımız 4-5 məhsul çeşidi üzrə cəmi 5,5 milyon dollar təşkil edib. Lakin həmin dövrdə Azərbaycan Fransadan azı 650 əmtəə çeşidi üzrə 426 milyon dollarlıq mal idxal edib. Neftimizi saymasaq, Fransa bizim üçün qarşılıqlı iqtisadi əlaqələrdən faydalana bilmədiyimiz ölkədir. Lakin kiçik Azərbaycan böyük Fransanın az qala 700 əmtəəsi üçün bazardır".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...