Bələdiyyə islahatlarının davamlı olması tələbləri artır

Tarix: 08.05.2014 / 09:22
Bölmə: İqtisadiyyat

Azərbaycanda 1700-dən artıq bələdiyyə fəaliyyət göstərsə də, bu gün yerli özünüidarəetmə orqanlarının fəaliyyəti qənaətbəxş deyil. Bələdiyyələrin səlahiyyətlərinin, büdcəsinin olduqca məhdud olması bu təsisatların effektivliyini aşağı səviyyədə saxlamaqdadır. Ona görə də zaman-zaman bələdiyyələrlə bağlı islahatların keçirilməsi gündəmdə olub.
Nəzərə alsaq ki, bu il bələdiyyə seçkiləri keçiriləcək, o zaman bu istiqamətdə işlərin görülməsi vacibdir.
Milli Məclisin Regional məsələlər komitəsinin iclasında bələdiyyələrlə bağlı qanuna bir sıra dəyişikliklərin edilməsi müzakirə olunub. Komitə sədri Arif Rəhimzadənin sözlərinə görə, ilk vaxtlar 2757 bələdiyyə fəaliyyət göstərirdi: "Sonradan bu qənaətə gəlindi ki, kiçik bələdiyyələr özlərini lazımi səviyyədə göstərə bilmir. Buna görə də 2009-cu ildə mayın sonlarında bələdiyyələr birləşdirilərək sayı 1716-ya endirildi. Yeni qanuna əsasən, 21 rayon üzrə 204 bələdiyyə birləşdirilir və 94 yeni bələdiyyə yaradılır. Bununla da 110 bələdiyyə ləğv edilir".
Bütövlükdə bələdiyyələrin sayının azaldılması, bu sahədə digər islahatların keçirilməsi bələdiyyələrə marağı artıracaqmı?
Sözügedən məsələni dəyərləndirən "İqtisadi Təşəbbüslərə Yardım" İctimai Birliyinin eksperti Samir Əliyev hesab edir ki, vətəndaş cəmiyyəti bələdiyyələrin sayca çoxluğunu həmişə qabardıb: "Hökumət bizim təklifimizlə 2009-cu ildə bələdiyyələrin sayını təxminən 2 dəfə azaltdı. Biz bu addımı müsbət dəyərləndirdik. Qeyd etdik ki, bunun ardınca bələdiyyələrə səlahiyyət və ona müvafiq maliyyə verilsə, birləşmə daha effektli olacaq. Ancaq, təəssüf ki, bu addımlar atılmadı. Nəticədə birləşmə nəinki səmərə vermədi, hətta problemləri daha da dərinləşdirdi. Normal işləyən bələdiyyə pis işləyən bələdiyyə ilə birləşməklə çətinliklərini artırdı".
Həmsöhbətimizin fikrincə, bələdiyyələrin sayının optimallaşdırılmasına yenə də ehtiyac var: "Milli Məclisin indiki addımını müsbət dəyərləndirirəm. Proses başlanıbsa, birləşmənin əhatə dairəsini artırmaq da olar. İndiki sayı daha 2 dəfə azaltmaq mümkündür, buna ehtiyac da var. Ancaq düşünürəm ki, birləşmə məsələsi hazırda çox da aktual deyil. Əsas diqqəti səlahiyyət və maliyyə məsələlərinə vermək lazımdır. Görünür, hökumət səlahiyyət verilməsi üzərində düşünür, birləşmə də buna xidmət edir. Qarşıdan bələdiyyə seçkiləri gəlir. Hökumət həm fərdlərin, həm də siyasi partiyaların seçkiyə marağını artırmaq istəyirsə, səlahiyyət üzərində düşünməlidir.
Proses sadəcə birləşmə ilə yekunlaşacaqsa, bələdiyyələrin gələcəyi ilə bağlı bədbin proqnozlar söyləmək məcburiyyətindəyik. Seçkiyə isə həmişəki kimi maraq olmayacaq".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...