Maşın bazarına ölü durğunluq gəlir

Tarix: 06.05.2014 / 09:52
Bölmə: İqtisadiyyat

Ölkənin avtomobil bazarında cərəyan edən son proseslər maşın alverinin özünün çətin günlərini yaşadığını göstərir. Köhnə maşınların gətirilməsinə qoyulan qadağalar, avtomobil kreditlərinin şərtlərinin sərtləşdirilməsi bu sahədə ticarətin həcminə də təsir edib. Kredit şərtlərinin ağırlaşdırılmasından sonra avtomobillərin lizinqlə satışının həyata keçirilməsi prosesi genişlənməyə başlasa da, artıq bu sahədə də vəziyyt dəyişməkdədir.
Xatırladaq ki, son günlərə qədər lizinqlə maşın satışı genişlənməkdə idi. Lizinqlə kreditin ən əsas fərqi o idi ki, şəxs avtomobili kreditə götürərkən onu dərhal öz mülkiyyətinə keçirə bilirdisə, lizinqdə yalniz onun dəyərini tam ödədikdən sonra bu mümkün olurdu. Maşının dəyərini tam ödəyənə qədər o, lizinq şirkətinin əmlakı sayılır.
Ölkədəki lizinq şirkətləri avtomobili maksimum 5 illiyə lizinqə verir. Bu qurumlar əsasən hər hansı avtomobil salonu ilə əməkdaşlıq edir və şəxs burdan maşın götürsə, bu, kreditlə müqayisədə qismən ucuz alınır. Hazırda lizinq bazarında faizlər 18-24% arasında dəyişir. İlkin ödəniş isə 15-20% səviyyəsində müəyyən olunur. Mütəxəssislər avtomobillərin lizinqlə satılmasını ümumilikdə bazar üçün əlverişli sayır.
Lakin lizinq bazarında da vəziyyət dəyişir. Belə ki, Azərbaycanın ən iri avtomobil dilerlərindən olan "Auto Azerbaijan" avtomobillərin lizinqlə satışını dayandırdığını elan edib. Bu barədə isə şirkətin təqdim etdiyi avtomobillərin lizinqlə satışını həyata keçirən "Qafqaz lizinq" şirkətindən məlumat yayılıb. Xəbərdə bildirilir ki, "Auto Azerbaijan" Azərbaycanda ən çox populyar olan markalardan "Hyundai" avtomobillərinin, eləcə də "Жeep", "Dodge", "Chrysler", "Peugeot" və "Geely" avtomobillərinin lizinqlə satışını həyata keçirməyəcək. Şirkət rəhbərliyi lizinq şərtlərinə yenidən baxmaq niyyətindədir.
Ehtimal olunur ki, ölkənin ən iri avtomobil dilerlərindən birinin bu qərarı Vergilər Nazirliyinin göstərişi ilə bağlıdır. Bundan əvvəl Vergilər Nazirliyi lizinq şirkətlərinə öz əməliyyatlarında yalnız vergi ödəyicisi kimi qeydiyyatdan keçmiş və VÖEN-ə malik olan, öz gəlirləri barədə bəyannamə təqdim edə bilən sahibkarlara üstünlük verməli olduğu barədə tövsiyə göndərib.
Ekspertlərə görə isə, bu cür məhdudiyyətlərin tətbiqi əslində problemli kreditlərin azalmasına və eyni zamanda kredit istifadəçilərinin mövcud kreditlərinin geri dönüş prosesinin səmərələşdirilməsinə xidmət etməyə hesablanıb. O da vurğulanır ki, indiki halda belə halların olması ödəyici qismində çıxış edən fiziki və hüquqi şəxslər üçün sərfəlidir. Lakin bu günə qədər heç bir orqana hesabat verməyən və vergi ödəməyən şəxslər avtomobil almaq istərkən müəyyən problemlərlə üzləşməli olacaq. Belə ki, bir neçə aydan bir vergi orqanlarına, Sosial Müdafiə Fonduna rüblük olaraq hesabat verməlidirlər. Bu isə vergidən yayınmanın qarşısını alır.
İndi isə gözlənir ki, "Auto Azerbaijan"ın ardınca digər avtomobil dilerləri də lizinqlə avtomobil satışını dayandıracaq. Qeyd edək ki, Azərbaycanda son vaxtlara qədər avtomobillərin lizinqlə satışı populyar deyildi və əhali əsasən kreditlə avtomobil almağa üstünlük verirdi. Lakin ölkədə ödənilməyən kreditlərin həcminin durmadan artmasından narahat olan Mərkəzi Bank kommersiya banklarının əhaliyə istehlak kreditləri verilməsini məhdudlaşdıran qərar verib. Bu qərara görə, kommersiya bankları yalnız aylıq gəlirləri barədə arayış təqdim edən müştərilərə istehlak kreditləri, o cümlədən avtomobil kreditləri verə bilər. Eyni zamanda, avtomobil kreditlərinin həcmi avtomobilin dəyərinin 20 faizindən çox ola bilməz. Bu qaydanın tətbiqindən sonra ölkəyə avtomobillərin idxalı və satışı kəskin aşağı düşüb. Eyni zamanda, avtomobil satışı salonları kəskin müştəri qıtlığı ilə üzləşib. Vəziyyətdən çıxmaq üçün avtomobil satışı dilerləri və salonları lizinqlə satışa keçmişdi. Ancaq indi lizinq sahəsində də vəziyyət dəyişir. Lizinqə avtomobili ancaq o şəxslər ala bilər ki, leqal sahibkarlıq fəaliyyəti ilə məşğul olsun və gəlirləri barədə bəyannamə təqdim edə bilsin. İndiyə qədər bu sahədə problem yox idi. Lakin lizinqlə maşın satışının dayandırılması artıq vəziyyətin dəyişdiyini göstərir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...