Torpaq bazarında daha sürətli bahalaşma başlayır

Tarix: 06.05.2014 / 09:51
Bölmə: İqtisadiyyat

Daşınmaz əmlak bazarında qeydə alınan bahalaşma torpaq alqı-satqısından da yan keçmir. İndi evlərlə müqayisədə, torpaq bazarında daha sürətli qiymət artımı yaşanır. Ekspertlər də bildirir ki, yay fəslinin yaxınlaşması ilə əlaqədar torpaq bazarında aktivlik və qiymətdə artım müşahidə olunub. Real durumu qiymətləndirən ekspertlərə görə, cari ilin sonuna qədər Azərbaycanın torpaq bazarında ən azı 10%-ə yaxın qiymət artımı qeydə alınacaq.
Ötən il isə bu rəqəm 12% təşkil edib. Azərbaycanın torpaq bazarında bahalaşma, əsasən, 2012-ci ildən etibarən müşahidə olunur. Torpaq bazarında qiymət artımlarının yaşanmasının əsas səbəblərindən biri torpaq qıtlığının yaşanmasıdır. Paytaxt Bakıda və ətraf ərazilərdə yararlı torpaqların böyük qismi artıq satılıb. Hazırda torpaqların bazarda təkrar satışı həyata keçirilir, tələb çox, təklif isə azdır. Eyni zamanda, kompensasiya qarşılığında vətəndaşlara məxsus tikililərin sökülməsi də torpaq bazarında qiymət artımına səbəb olur. Belə ki, kompensasiya alan vətəndaşların böyük əksəriyyəti torpaq və ya həyət evləri almağa üstünlük verir. Bu da torpaq bazarında torpaq qıtlığına və qiymətlərin bahalaşmasına yol açır. Bundan başqa, Azərbaycanda mənzil bazarında qiymətlər bahadır. Vətəndaşlar bir otaqlı mənzil almaq əvəzinə, həmin məbləğlə paytaxtdan kənarda torpaq sahəsi alaraq 4 otaqlı yaşayış evi tikdirməyə daha çox önəm verir.
Bütün bunlar, qeyd olunduğu kimi, qiymətlərin daha böyük sürətlə artmasına rəvac verir. "MBA LTD" Konsaltinq və Qiymətləndirmə şirkətinin direktoru Nüsrət İbrahimov isə məsələ ilə bağlı bildirir ki, bazara çıxarılan 1 sot torpağın orta qiyməti təkcə mart ayında 6% artaraq 17 884 dollar səviyyəsindən 18 969 dollar səviyyəsində qərarlaşıb: "2014-cü ilin mart ayında Bakı şəhərinin əksər rayonları üzrə qiymət artımı müşahidə olunmasına baxmayaraq, Binəqədi, Nərimanov və Səbail rayonlarında qiymət azalması baş verib. Qeyd etmək lazımdır ki, əvvəlki fevral ayında da bu rayonlarda qiymət artımı qeydə alınıb. Qiymət azalması isə əsasən mərkəzi rayonlarda qeydə alınıb. Hazırda torpaq bazarında ən aktiv rayonlar Xəzər, Abşeron, Sabunçu, Qaradağ və Suraxanı rayonları, ən passiv rayon isə Nəsimi və Nərimanov rayonlarıdır. 2014-cü ilin mart ayında torpaq bazarında aktivlik şəhərin üçüncü və dördüncü zonalarında artıb. Qiymətlərin və torpağa olan tələbin artması ilə təklif portfelinin həcmində son ayda artım müşahidə olunub. Göründüyü kimi, təklifin həcmi dördüncü zonada böyük həcmdə artım, qalan zonalarda isə azalma ilə müşahidə edilib".
N.İbrahimov deyir ki, qiymətlərin artması bir tərəfdən artıq yaz mövsümünün olması və tədricən yay mövsümünə hazırlıq ilə izah edilirsə, digər tərəfdən əhalinin tədricən fərdi tikintiyə üstünlük verməsi ilə əlaqələndirilir: "Torpaq bazarında artan təklif aktivliyin və qiymətin artması ilə bağlı olub. Ekspozisiya müddətinin azalması isə əvvəldən də gözlənilən idi. Ay ərzində torpaq bazarına təklif olunan ümumi 815 ədəd torpaq sahəsinin 81%-ni boş sahə, qalanını isə qeyri-yaşayış sahələri və köhnə yaşayış sahələri təşkil edib".
İndiki halda mənzil alışının rentabelli olmadığını vurğulayan ekspertlər xatırladır ki, qlobal böhrandan əvvəl mənzil alışı kommersiya xarakteri daşıyırdı. Mənzili alan şəxs sonradan həmin mənzili sataraq gəlir əldə etmək imkanına malik idi. Hazırda isə mənzil alışı kommersiya xarakterli deyil. Bu səbəbdən də indi torpaq alışına daha çox maraq ifadə olunur. Bu vəziyyət isə qiymətlərə təsirsiz ötüşmür. Yuxarıda sadalananlardan göründüyü kimi, torpaq bazarında bahalaşma tendensiyası daha çox Bakı şəhərinin mərkəzi ərazilərində torpaq sahələrinin məhdudlaşması ilə bağlı məsələdir. Şəhərin mərkəzi ərazilərində, xüsusən də birinci və ikinci zonalarda torpaq sahələrinin tədricən məhdudlaşması prosesi gedir. Bu səbəbdən həmin ərazilərdə tikinti və vəsait üçün tələb var, amma təklif, demək olar, yox dərəcəsindədir. Bunun da nəticəsində torpaq bazarında orta qiymətə təsir göstərən qiymət artımları baş verir. Ekspertlər prosesin eyni qaydada gələn il də davam edə biləcəyini proqnozlaşdırır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...