Ərzaq məhsullarının satışında yeni qaydalar başlayır

Tarix: 02.05.2014 / 18:34
Bölmə: İqtisadiyyat

Artıq yeyinti məhsulları müəyyən şəhadətnamə və rəy alındıqdan sonra satıla bilər. Ərzaq bazarlarında qeyri-sənaye üsulu ilə hazırlanmış yeyinti məhsulları müəyyən olunmuş qaydada və nümunədə baytarlıq-sanitariya ekspertizasından keçirilməsi haqqında şəhadətnamə, uyğunluq sertifikatı, həmçinin topdan və pərakəndə satış ticarət şəbəkələrində bitki və bitkiçilik məhsullarının müəyyən olunmuş qaydada və nümunədə karantin ekspertizasından və toksikoloji müayinədən keçirilməsi haqqında şəhadətnamə və rəy alındıqdan sonra satıla bilər.
Bu, Nazirlər Kabineti tərəfindən təsdiq edilən "Azərbaycan Respublikasında ticarət, ictimai iaşə, məişət və digər növ xidmət Qaydaları"nda əksini tapıb. Ərzaq (yeyinti) mallarının satışı zamanı istehlakçılara qida məhsullarının tərkibinə daxil olan inqrediyentlər, qida əlavələri, qida dəyərliliyi (kaloriliyi, zülalın, yağın, karbohidratların, vitaminlərin, makro və mikro elementlərin miqdarı) çəkisi, yaxud həcmi, təyinatı və tətbiqi sahəsi (uşaq yeməkləri, diyetik yeməklər və bioloji aktiv maddələr), hazırlanma üsulu (konsentratlar və yarımfabrikatlar üçün) və təyinatı (uşaq qidaları və diyetik qida), saxlanma şərtləri (saxlanma şəraitinə məcburi tələblər müəyyən edilən mallar üçün), istehsal tarixi və qablaşdırılma tarixi, əks göstərişlər (müxtəlif növ xəstəliklərlə əlaqədar qidanın qəbulu mənfi təsirlərlə nəticələnə bilərsə, bu haqda məlumat) və dövlət qeydiyyatı barədə məlumatlar verilməlidir.
İstehlakçının tələbi ilə satıcı onu satışda olan yeyinti məhsulları (qida) partiyasının keyfiyyəti ilə və təhlükəsizliyinə dair müvafiq sənədlə (sertifikat, şəhadətnamə və s.) və ya onun surəti ilə tanış etməyə borcludur. Qablaşdırılmış malın üzərində malın adı, çəkisi, bir kiloqramın (litrin) qiyməti, çəkilmiş (qablaşdırılmış, bükülmüş) malın bütünlükdə qiyməti, qablaşdırılmanın tarixi, yararlılıq müddəti, çəkicinin soyadı, adı və ya nömrəsi göstərilməlidir. Qanunvericiliklə müəyyən edilmiş mallar istisna olmaqla, qablaşdırılmamış (bükülməmiş) ərzaq mallarının satışına yol verilmir. Çəki ilə satılan ərzaq mallarının qablaşdırılması (bükülməsi) bunun üçün heç bir əlavə məbləğ ödənilmədən həyata keçirilməlidir. İstehlakçının xahişi ilə satıcı baqqaliyyə mallarını kəsilmiş (doğranmış) şəkildə verməyə borcludur. Ərzaq mallarının satışı yerlərində qeyri-ərzaq mallarının satılmasına və ictimai iaşə xidmətlərinin göstərilməsinə ərzaq mallarının müvafiq standartların məcburi tələbləri ilə müəyyənləşdirilmiş keyfiyyətinə və təhlükəsizliyinə xələl gəlmədiyi halda yol verilir. Azad İstehlakçılar Birliyinin sədri Eyyub Hüseynov "Bakı-Xəbər"ə açıqlamasında qeyd etdi ki, son vaxtlar müvafiq hökumət qurumları keyfiyyətsiz və saxta məhsul istehsalçılarına qarşı mübarizəni genişləndirib: "Elə bunun nəticəsidir ki, çörək, yağ, müxtəlif sular, duz, şirniyyat, kolbasa və s. istehsalçılarının fırıldaqçılıqlarının üstü açılır və onlar ifşa olunur. Aşkar edilən qanun pozuntuları əsasən istehsal üzrə standartların pozulması, malların markalanmaması, saxlama müddəti keçmiş məhsulların satışı ilə bağlıdır. Hazırda ölkədə istehlakçıların aldıqları malların keyfiyyətinə və təhlükəsizliyinə zəmanət olmaq, onların miqdarı, çeşidi və keyfiyyəti haqqında dolğun məlumat əldə etmək və s. hüquqlarının təsbit edildiyi təkmil qanunvericilik bazası formalaşıb. Çörək istehsalı və satışı bazarında da istehlakçıların hüquqları pozulur, hətta aşkar olunan neqativ hallar onların sağlamlığına olan böyük təhlükədən xəbər verir. İstehlakçılar hüquqlarının pozulması faktını aşkar etdikdə müvafiq orqanlara, məsələn, Standartlaşdırma, Metrologiya və Patent üzrə Dövlət Komitəsinə şikayət etmir".
Ekspert hesab edir ki, yeyinti məhsullarına nəzarət olunması müsbət haldır: "Hər bir ərzaq dəqiq yoxlandıqdan sonra satışa çıxarılarsa, zəhərlənmə hadisələrinin sayı azalar".

DİGƏR XƏBƏRLƏR

Tarix: 29.05.2026 / 11:30

Rusiyadan Ermənistana Azərbaycan üzərindən buğda və gübrə göndərildi

Tarix: 29.05.2026 / 10:48

Azərbaycan neftinin qiyməti 100 dollara düşdü

Tarix: 29.05.2026 / 09:55

Azərbaycan vasitəsi ilə Ermənistana növbəti tədarük həyata keçiriləcək

Tarix: 28.05.2026 / 14:32

Rusiya Azərbaycan ərazisindən Ermənistana karbamid və un göndərdi

Tarix: 27.05.2026 / 19:40

Rusiya Azərbaycan üzərindən Ermənistana karbamid və un göndərəcək...

Tarix: 27.05.2026 / 12:33

Azərbaycanda biznes üçün vahid maliyyə platforması yaradılacaq

Tarix: 26.05.2026 / 22:07

Problemi Prezident açdı -"Sahibkarlar aqrar sektora sərmayə yatırmır"...

Tarix: 26.05.2026 / 21:24

Azərbaycanda istehsal olunan mallar Ermənistana ixrac olundu

Tarix: 26.05.2026 / 18:41

Adambaşına ət istehlakının artması nə deməkdir? - Prezidentin hüzurunda nazirin mesajını birlikdə oxuyaq...

Tarix: 26.05.2026 / 16:39

Ölkənin "buğda və ət istehsalı konsepsiyasının" çərçivəsi müəyyənləşdi...

Tarix: 26.05.2026 / 14:59

Azərbaycanda “şəhərdən kəndə” dönüş zərurəti rəsmən bəyan olundu...

Tarix: 26.05.2026 / 10:54

Kənd sektorunda yeni dinamika başlana bilər -Prezidentin sözlərindən məsuliyyətli nəticələr çıxarılsa...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 26.05.2026 / 20:31

Prezident İlham Əliyev Azərbaycanda əhalinin şəhərlərdən kəndlərə dönüşünün zəruriliyini çox maraqlı bir ideya kimi irəli sürdü...

Tarix: 25.05.2026 / 11:54

Prezident kənd təsərrüfatı məsələlərinə həsr olunmuş müşavirə keçirdi - FOTO/YENİLƏNDİ

Tarix: 21.05.2026 / 18:44

“Abituriyentləri dolaşdıran bir sual göstərin” - Abbaszadənin cavabı verildi...

WUF13 Azərbaycanın milli, mədəni, əxlaqi, tarixi kimliyinin nümayiş meydanıdır...