Köhnə maşınlar bir qədər də bahalaşdı

Tarix: 02.05.2014 / 18:19
Bölmə: İqtisadiyyat

Maşın kreditləri ilə bağlı şərtlərin sərtləşdirilməsi, "Avro-4" ekoloji standartının tətbiqi, əvvəldən də gözlənildiyi kimi, maşın bazarına təsirsiz ötüşmür. Belə ki, burada köhnə hesab olunan maşınların qiymətində yenidən artım müşahidə olunur. Əsas səbəb isə köhnə avtomobillərin idxalına son qoyulmasıdır. Bu fonda bazarda köhnə maşınlar satıldıqca onlara yaranan tələb qiymətlərin yüksəlməsinə gətirib çıxarır.
Ekspertlər isə yaxın aylar ərzində köhnə maşınlarla bağlı tələb-təklif nisbətinin daha çox pozulacağını proqnozlaşdırır. Bütün bunlar isə nəticə etibarı ilə qiymət artımı həddini artıracaq.
Hazırda ili 2005 və ondan sonrakı ilə təsadüf edən maşınların ölkəyə idxalı həyata keçirilir. Dövlət Gömrük Komitəsinin sədri Aydın Əliyev də qeyd edir ki, "Avro-4" ekoloji standartına keçiddən sonra gömrük-keçid məntəqələrindən Azərbaycana gətirilən avtomobillərin sayında azalma müşahidə olunur. O qeyd edib ki, bununla bağlı Azərbaycanın xarici ticarət dövriyyəsində də azalma baş verib. Həmçinin, avtomobillərin metal konstruksiyalarında da azalma müşahidə edilir. Qeyd edək ki, 2014-cü ilin 1-ci rübündə ötən ilin eyni dövrünə nisbətən idxal edilən avtomobillərin sayı artsa da, "nəqliyyat vasitələri və onların ehtiyat hissələri" adlı bölmədə dəyər ifadəsində kiçilmə müşahidə edilib. 2014-cü ilin birinci rübündə 185,625 milyon dollar dəyərində nəqliyyat vasitələri və onların ehtiyat hissələri idxal edilib. 2013-cü ilin birinci rübündə isə nəqliyyat vasitələri və onların ehtiyat hissələrinin idxal həcmi 220,409 milyon dollar idi. Son bir ildə azalma 15,78 faiz təşkil edib. Statistik məlumatlardan o da aydın olur ki, idxalda azalma köhnə avtomobillərdə müşahidə edilir. Bütün bunlar isə, qeyd olunduğu kimi, bazarlara da təsirsiz ötüşmür. Əsasən köhnə maşınlar və onların detalları bahalaşır.
Ekspertlər bildirir ki, ili köhnə avtomaşınların bahalaşması öncədən proqnozlaşdırılırdı":Bahalaşma da onunla əlaqədardır ki, sözügedən avtomobillərə tələbat artıb. Onların qiyməti ucuzdur. Həmin avtomobillərin gətirilməsinə qadağa qoyulduğundan isə bu, belə demək olarsa, köhnə maşınların qıtlığına yol açır. Ekspertlərin qənaətincə, ili köhnə avtomaşınların qiymətlərini bahalaşdıran səbəblərdən biri də avtomobil kreditləşməsinin dayanmasıdır. Çünki bu hal ili təzə olan avtomaşınlara tələbatın azalmasına gətirib çıxarıb. Bu proses də köhnə avtomobillərə güclü tələbatı formalaşdırıb.
Hesab olunur ki, ili köhnə maşınların bahalaşmasının digər səbəbi maşın alveri ilə məşğul olanların sayının azalması ilə bağlıdır. Belə şəxslər daha çox köhnə avtomobillər gətirirdi. Yeni standartın tətbiqi isə daha bahalı avtomaşınların gətirilməsini tələb edir ki, buna da əksər maşın alverçilərinin maliyyə imkanları yetmir. Belə vəziyyət avtomobil bazarlarına təsirsiz ötüşmür.
Hesablamalara görə isə, ölkədə olan avtomobillərin təxminən 750 mini 2005-ci ildən əvvəl istehsal olunan maşınlardır və onların sayı ildən-ilə azalır. O da vurğulanır ki, 2005-ci ildən əvvəl istehsal olunan avtomobillərin sayının azalması onların qiymətinə təsir edən amillər sırasındadır. Məsələ ondadır ki, hazırda insanlar bazara daha ucuz qiymətli avtomobil almaq üçün üz tutur. İstehsal tarixi 2005-ci ildən aşağı olan maşınların qiyməti bütün hallarda daha ucuzdur. Nəticə etibarilə bu müəyyən dövr ərzində həmin maşınlara tələbatı artırır. Araşdırmalar bir daha göstərir ki, bank kreditlərinin dayandırılması fonunda da insanlar o qədər də baha olmayan, ili köhnə maşınların alınmasına üstünlük verir. Bu proses ümumi bazarda köhnə avtomobillərin qiymət artımına təsir edir. 2005-ci ildən üzü bəri istehsal tarixi olan maşınların qiymətində isə ciddi dəyişikliklər müşahidə olunmur.
Onu da bildirək ki, "Avro-4" standartının tətbiqi ilə əlaqədar ölkədə olan 1999-2003-cü il Almaniya istehsalı avtomobillər təxminən 10-15% bahalaşıb. Hesablamalar göstərir ki, yeni standart tətbiq edilməzdən öncə Azərbaycana ayda təqribən 2500 avtomobil gətirilirdisə, indi bu göstərici beş yüzü keçmir. Həmin maşınlar isə adətən 2005-2008-ci illər ararsında istehsal olunub. Onların qiyməti isə nisbətən daha yüksədir.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...