"Avro-4" də tıxac probleminə əlac tapa bilmədi

Tarix: 01.05.2014 / 09:32
Bölmə: İqtisadiyyat

Paytaxt Bakı üçün hələ də aktuallığını qoruyan məsələlərdən biri də tıxaclarla bağlıdır. Ölkədə "Avro-4" standartlarının tətbiqi, köhnə avtomobillərin idxalına qoyulan qadağanın bu məsələnin həllinə təsiri isə hələlik hiss olunmur. Əksinə, cari ilin ilk rübündə ölkəyə 22 mindən artıq avtomobilin idxalı paytaxt küçələrində tıxac məsələsinin hələ aktual olaraq qalacağını göstərir.
Düzdür, tıxacların qarşısının alınması, sürücülərin sərbəst şəkildə avtomobilləri idarə etmələri üçün yolların tam şəkildə azad olunması istiqamətində tədbirlər həyata keçirilir. Belə ki, şəhərin müxtəlif ərazilərində qanunsuz duracaq kimi istifadə edilən yerlər tıxaclara səbəb olur. Yollarda, metroların, ticarət obyektlərinin qarşısında və digər ərazilərdə fəaliyyət göstərən belə qanunsuz duracaqlardan yığılan pulların hara xərcləndiyi isə məlum deyil. Məhz bu məsələlərin həllini tapması üçün Bakı Şəhər İcra Hakimiyyətinin başçısı Hacıbala Abutalıbov "Bakı şəhəri ərazisində avtomobil duracaqlarının təşkil edilməsi haqqında" sərəncam imzalayıb. Lakin bu sərəncam da hələlik tıxaj məsələsinin çözümündə istənilən nəticələrin əldə olunmasına gətirib çıxarmır. Çünki avtomobillərin artım sürəti görülən tədbirləri üstələyir. Hər halda həqiqətdir ki, bu gün tıxac problemini həll etmək üçün görülən tədbirlər yetəri qədərdir. Azərbaycanda yeni körpülər salınır, yeraltı və yerüstü keçidlər tikilir. Bundan başqa, küçələr genişləndirilir və ya yeni avtomobil dayanacaqları tikilir. Hazırda da paytaxtda nəqliyyat yükünü və mərkəzdəki sıxlığı azaltmaq üçün kompleks tədbirlər davam etdirilir, bir neçə iri yol, yol qovşağı və yol ötürücüsünün tikintisi reallaşdırılır. Bakının nəqliyyat probleminin həllinə töhfə verəcəyi gözlənilən layihələrdən biri də bir müddət öncə tikintisinə başlanan və Böyükşor gölünü kəsərək gölün şimal və cənub hissələrini birləşdirən magistraldır. Nəqliyyat Nazirliyində hesab edirlər ki, bu layihənin həyata keçməsi sürücülərə alternativlər qazandıracaq. Bütün bunlar göstərir ki, tıxac məsələsinin həllində kifayət qədər işlər aparılır. Amma bu işlərin sürəti avtomobillərin artım tempinə uyğun gəlmir. Məhz bu səbəbdən tıxac problemi böyüyür.
Digər tərəfdən, salınan yeni dayanacaqlarda qiymətlərin yüksək olması da vəziyyətə təsirsiz ötüşmür. Bu baxımdan hesab olunur ki, Bakıda avtomobil park qiymətlərinə yenidən baxılması və dəyişdirilməsinə ehityac var. Əvvəla, şəhərin mərkəzində avtomobil park yerlərində hər saat üçün 30 qəpik müəyyənləşdirilməsi daha məqsədəuyğundur. İqtisadi və Sosial İnkişaf Mərkəzinin müqayisəli və əhalinin ödəmə qabiliyyəti nəzərə alınmaqla ekonometrik hesablamaları göstərir ki, məhz bu qiymət əhalinin gəlirlilik səviyyəsinə uyğundur. İkincisi, iş yerləri şəhərin mərkəzində olan və iş günlərində daimi olaraq avtomobil park yerlərindən istifadə edənlər üçün xüsusi güzəştlərin tətbiq edilməsinə ehtiyac var. Üçüncüsü, ödənişsiz zamanın 15 dəqiqədən 30 dəqiqəyədək artırılmasına ehtiyac var. Çünki hazırdakı ödənişsiz müddətdən istifadə imkanları, demək olar, yoxdur. Nəhayət, avtomobil park yerlərindən istifadə üçün aylıq və ya həftəlik kartların buraxılmasına ehtiyac var. Bu, vətəndaşların bu xidmətdən daha güzəştli şərtlərlə faydalanmasına imkan verəcək.
Digər üsullara gəlincə, təklif edilir ki, paytaxtda yerləşən ali təhsil müəssisələrinin əksəriyyətinin Bakıdan kənara köçürülməsi reallaşmalıdır. Ekspertlər hesab edir ki, texniki və iqtisadi yönümlü universitetlərin Bakıda yerləşməsinin heç bir əsaslandırılması yoxdur. Məsələn, Birləşmiş Ştatlarda bu qəbildən olan universitetlərin 90 faizi şəhərlərdən kənarda yerləşir. Başqa tərəfdən, bəzi dövlət qurumlarının paytaxtdan kənara köçürülməsi vacibdir. Məsələn, Kənd Təsərrüfatı Nazirliyinin kənd rayonlarının birində yerləşməsi çox vacib sayılır. Eləcə də regionda suvarma işlərinə məsul olan Meliorasiya və Su Təsərrüfatı ASC-nin Bakıda yerləşməsinin iqtisadi əsasları yoxdur. Digər bir sıra dövlət qurumlarının da rayonlara köçürülməsi vacib sayılır. Bütün bunlar isə tıxac probleminin həllinə təsir göstərmək iqtidarındadır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...