Fərdi ev bazarında aktivlik bahalaşmanın yeni mərhələsini açır...

Tarix: 29.04.2014 / 04:39
Bölmə: İqtisadiyyat

Daşınmaz əmlak bazarında son durumun təhlili burada fərdi evlərə daha böyük maraq yarandığını göstərir. Belə ki, həm mənzil alqı-satqısı ilə məşğul olanlar, həm də yeni ev sahibi olmaq istəyənlərin diqqətini indi daha çox fərdi evlər cəlb edir. Yeri gəlmişkən xatırladaq ki, martın əvvəlindən mənzil alıb-satanların işi bir xeyli asanlaşıb və artıq xüsusi olaraq yüklülük sənədi, yəni "Forma 1" almağa ehtiyac olmaması da bu prosesə təsir edir.
Daşınmaz əmlakın təsviri, bu əmlak üzərində dövlət reyestrində qeydiyyata alınmış hüquqlara və onların məhdudlaşdırılmasına dair arayış olan "Forma 1"i artıq notariat kontorlarında elektron informasiya sistemləri vasitəsilə real vaxt rejimində əldə etmək mümkün olduğundan, bu hal mənzil bazarında müəyyən aktivliyə də rəvac verib. Bununla yanaşı, əmlakın qeydiyyatı məsələsində, xüsusilə də fərdi yolla tikilmiş əmlaka texniki pasportların və "kupça"ların verilməsində atılan addımlar da bu qəbildən olan mənzillərə marağı əhəmiyyətli dərəcədə artırıb.
Bütün bunlar həm də fərdi evlərin qiymətinin yüksəlməsi ilə müşayiət olunur.
Digər tərəfdən, tikinti materiallarının qiymət artımı da prosesə təsirsiz ötüşmür. Ekspertlər qeyd edir ki, hazırkı situasiyada tikinti, o cümlədən idxal materiallarında bahalaşma fərdi yaşayış evlərinə daha çox təsir göstərir. Bu da onunla bağlıdır ki, fərdi yaşayış evlərində idxal olunan tikinti materialarının payı çoxdur. Binaların isə özülünə işlənən daş, sement və beton bütünlüklə yerli istehsal hesabına təmin olunur. Yalnız dam örtüyündə istifadə olunan taxta materialı xaricdən gətirilir və burada mütəmadi olaraq qiymət dəyişmələri baş verir.
Tikinti materiallarının bahalaşmasında mövsümi amillərin də rolu var. Adətən mart ayından başlayaraq tikinti sektorunda canlanma yaranır. Fərdi evlərin tikintisi də əsasən yaz fəslində daha intensiv xarakter alır. Bu baxımdan iş adamları da yeni mövsümün başlanması səbəbindən qiymət artımlarına gedir. Bu da həmin sahədə çalışan sahibkarların mövsümqabağı daha çox gəlir əldə etmək istəyindən irəli gəlir. Hazırda fərdi evlərin tikintisinin çoxmərtəbəli yaşayış binalarının tikintisilə müqayisədə daha çox olduğunu nəzərə alsaq, tikinti materiallarının bahalaşmasının da məhz fərdi yaşayış evləri tikmək niyyətində olanlara ciddi təsir göstərdiyini müşahidə etmək olar. Belə vəziyyət isə ümumilikdə bazara təsir edir. Eyni zamanda mənzil bazarına daha az ev çıxarılması da vəziyyətə təsir edir. Məsələn, ötən ay Bakı şəhəri üzrə yaşayış təyinatlı daşınmaz əmlak bazarı portfelində ümumi təklif 2069 ədəd təşkil edib ki, bu da ötən ilin müvafiq ayı ilə müqayisədə 12,07 faiz az olub.
Ümumən bazarda daha əvvəlki aya nisbətən ötən ay qiymətlərin artması ilə yanaşı, təklifin sayının azalması müşahidə edilib. Əmlak bazarında qiymətin sıçrayışlı artmasının əsas səbəbini həm də son vaxtlar Bakı şəhərində "Sovetski" adlanan ərazidəki evlərin sökülməsi barədə verilən qərarla əsaslandırmaq olar. 1500-2000-ə yaxın yaşayış mənzilinin sökülmə qərarı satışda olan evlərin qiymətinə təsirsiz ötüşməyib. Digər tərəfdən, daşınmaz əmlak bazarında son aylarda qiymətlərin daha çox artacağı ehtimallarının əhali tərəfindən qəbul olunması ilə bağlı satıcıların ehtiyatlı tərpənmələri də vəziyyətə təsirsiz ötüşmür. Aparılan araşdırmalardan o da məlum olur ki, təkrar mənzil bazarında da şəhər üzrə mənzillərin qiymət indeksində, əvvəlcədən gözlənildiyi kimi, artım müşahidə edilib. Bunu son aylarda qiymətlərin daha çox artacağı ehtimallarının əhali tərəfindən qəbul olunması kimi izah etmək olar. Mənzil bazarı üzrə ekspert Nüsrət İbrahimov deyir ki, ötən ilin sonundan davam edən qiymət artımı mart ayında da qeydə alınıb: "Son illər ölkə iqtisadiyyatının digər seqmentlərinin heç birində nəzərəçarpacaq qiymət artımı olmadığı halda, daşınmaz əmlak bazarında fərqli dinamika müşahidə edilib. Amma nəzərə alsaq ki, qiymətlər üzü yaya doğru artmaqdadır, bu, mənzil bazarında vəziyyətin bir qədər fərqli şəkildə cərəyan etməsi deməkdir. Çünki adətən yayda mənzillərin qiymətində ucuzlaşmaya öyrənmişik, bu il əksinə olacaq". Yuxarıda qeyd olunduğu kimi isə, hazırda daha çox bahalaşma fərdi mənzil sahələrində özünü göstərir. Bahalaşmanın il ərzində davam etməsi gözlənir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...