Bakıda evlər nədən Avropadan da bahadır?

Tarix: 29.04.2014 / 04:36
Bölmə: İqtisadiyyat

Bakıda evlərin qiyməti Avropa ölkələri ilə müqayisədə iki-üç dəfə bahadır. Buna görə də paytaxtda ev almaq bir çox insanlar üçün arzu olaraq qalır.
Digər tərəfdən, son illər paytaxtda yüzlərlə yaşayış binası tikilsə də, yenə də mənzillərin qiyməti yüksək olaraq qalır. Bütövlükdə, Bakıda mənzillərin qiymətində davamlı bahalaşma müşahidə olunur. Baxmayaraq ki, bir sıra ölkələrdə son illər mülklərin qiyməti enməyə başlayıb. Orta aylıq əməkhaqqının 430 manat olduğu bir ölkədə əksər vətəndaşların mənzil sahibi olması çətin məsələdir.
Avropa ölkələrində evlərin qiymətləri ucuz olmaqla yanaşı, burada vətəndaşların da gəlirləri azərbaycanlıların gəlirlərindən xeyli artıqdır. Başqa bir tərəfdən, Qərbi Avropada mənzilin bir kvadratmetrinin qiyməti orta aylıq əməkhaqqından azdır. Ayda orta hesabla 3 min 300 avro qazanan Berlin vətəndaşı 3 ilə istədiyi mənzili ala bilər. Ötən il Bolqarıstanda mənzillərin kvadratmetrinin qiyməti əvvəlki illə müqayisədə cəmi 2 avro artıb və 739 avro təşkil edib. Bu da Avropada ən aşağı həddir. Mənzillərin ucuzluğuna görə ikinci yerdə Portuqaliyadır. Bu günlərdə reklam çarxlarında Almaniyada hətta 17 min avroya mənzil təklif olunub. 130 min avroya isə 120 kvadrat metrlik mənzil, yaşayış sahəsi, bağ, terras və hovuz da daxildir.
Maraqlıdır, Bakıda mənzillərin Avropa ilə müqayisədə bu qədər baha olmasının səbəbi nədir?
Əmlak məsələləri üzrə ekspert Ramil Osmanlı daşınmaz əmlakın qiymətinin yüksək olmasını bir sıra obyektiv və subyektiv amillərlə əlaqələndirir. Onun fikrincə, neft ölkələrində daşınmaz əmlakın qiyməti yüksək olur: "Azərbaycanı digər neft ölkələri ilə müqayisə etsək, bu daha aydın görünər. Digər tərəfdən, Bakıda söküntü işlərinin başa çatdığı dövrə qədər mənzillərin qiymətində artımlar davam edəcək. Xüsusən Bakı şəhərinin Abşeron baş planı ilə əlaqədar söküntü işlərinin coğrafiyasının paytaxtın digər ərazilərinə doğru genişlənməsi məsələsi gündəlikdədir. Düşünürəm ki, "Kubinka", Yasamal və şəhərin mərkəzinə yaxın ərazilərdə yerləşən birmərtəbəli fərdi yaşayış evlərinin söküntüsü ilə bağlı müzakirələr qiymət artımını bir qədər də sürətləndirəcək.
Nəzər salsaq görərik ki, bizdə nəinki daşınmaz əmlak bazarında, eləcə də əmlak bazarının digər seqmentlərində də bilavasitə bu cür qiymət artımları prosesə başlanandan sonra deyil, daha çox müzakirələrin gedişi dövründə baş verir.
Müzakirələr nəticəsində bazarda müəyyən ajiotaj, süni qiymət dəyişmələri yaranır. Bu da qiymətlərin artımına gətirib çıxarır".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...