Azərbaycanda plastik kartı olmayanların işi tədricən çətinləşəcək

Tarix: 29.04.2014 / 04:25
Bölmə: İqtisadiyyat

İqtisadi sferada hökumətin xüsusi diqqət mərkəzində olan məsələlərdən biri də pos-terminallardan istifadə dairəsinin genişləndirilməsi ilə bağlıdır. Bunun üçün nağdsız ödənişlərin stimullaşdırılması da nəzərdə tutulur. Lakin qeyd edilən istiqamətdə hələ istənilən nəticə yoxdur. Buna rəğmən, artıq məlumdur ki, paytaxtın bütün avtobus dayanacaqlarında pos-terminallar quraşdırılacaq.
Avtobus dayanacaqlarında pos-terminalların quraşdırılması 3 ay müddətində başa çatdırılacaq. Terminalların quraşdırılmasına may ayından başlanacaq. Ödəmə terminalları vasitəsilə vətəndaşlar həm nəqliyyat kartındakı balanslarını artıra, həm də digər kommunal ödənişləri həyata keçirə biləcəklər.
Ümumiyyətlə isə, Azərbaycanda 2014-cü il ərzində pos-terminalların ümumi sayının 80 minə çatdırılması planlaşdırılır. Hazırda ölkə üzrə 35 minə yaxın pos-terminal mövcuddur və bunun 29 minə yaxını Bakıda quraşdırılıb. Beləliklə, il ərzində pos-terminalların sayında 2 dəfədən çox artım gözlənir. Hökumət bəyan edir ki, pos-terminalların sayının artırılması ölkədə nağdsız ödənişlərin inkişafı və stimullaşdırılması, eyni zamanda əmək haqqının və digər ödənişlərin plastik kartlarla alınması prosesinin sürətləndirilməsindən irəli gələn zərurətdir. Lakin reallıq həm də onu göstərir ki, quraşdırılmış pos-terminalların hələ də xeyli hissəsi istifadəsiz qalıb.
Ekspertlər isə əvvəlki kimi qeyd edirlər ki, pos-terminallardan istifadə səviyyəsinin aşağı olması,eyni zamanda Azərbaycanda nağdsız ödənişlərin artmasına mane olan əsas səbəblərdən biri plastik kartdan istifadə vərdişlərinin aşağı olmasıdır. Hökumətdə isə bildirilir ki, kartlardan istifadəni stimullaşdırmaq üçün hazırlanan təkliflərdə kartla ödənişi qəbul edən sahibkarlar üçün güzəştlər nəzərdə tutulub, onlardan da biri ƏDV-dən azad olmadır. Təkliflərdə inzibati addımlar, o cümlədən nağd ödənişin məbləğinin məhdudlaşdırılması da planlaşdırılır. Ekspertlər isə nağdsız ödəmələrə keçidin bir çox üstün cəhətlərinin olduğunu deyir. Onu da qeyd edək ki, inkişaf etmiş ölkələrdə dükan, bazar, otel və restoranlarda ödənişlər plastik kartlar vasitəsilə aparılır. Hər bir ticarət obyektində pos-terminallara rast gəlmək olar. Bununla yanışı, ekspertlər plastik kartlarla ödəmələr zamanı həm vaxta, həm də pula qənaət edildiyini bildirir. Digər tərəfdən, pos-terminallara ödəniş edəndə artıq qalan qəpik balansda cəmlənir. Hesabda qalan qəpiklər itmir və üst-üstə yığılır. Bəzən xidmət, yaxud satış obyektinin öz bonus siyasəti olur və hər alış-verişdə müəyyən endirimlər edilir.
Qeyd edək ki, nağdsız dövriyyənin inkişaf etdirilməsi sahəsində kifayət qədər hüquqi-normativ baza mövcuddur. Nazirlər Kabineti tərəfindən "Pos-terminalların quraşdırılması məqsədəmüvafiq hesab edilən pərakəndə ticarət, iaşə və digər xidmət müəssisələrinin müəyyənləşdirilməsi meyarları" və "Ərazilər üzrə pos-terminal aparatlarının mərhələlərlə tətbiq edilməsi cədvəli", eləcə də "Azərbaycan Respublikasının ərazisində pos-terminalların istismar və istifadə edilməsi Qaydaları" təsdiq edilib. Lakin hələ də nabdsız ödənişlərdən istifadə səviyyəsi yüksək deyil. Vətəndaşların hələ də nağd hesablaşmalara üstünlük verməsinin səbəbi insanlar tərəfindən müxtəlif amillərlə əsaslandırılır. Ən geniş yayılmış fikirlər isə pos-terminal olan obyektlərdə obyekt sahiblərinin nağdsız ödənişlərin həyata keçirilməsində maraqlı olmaması ilə bağlıdır. Bütün bunlar ona gətirib çıxarır ki, ölkədə nağdsız ödənişlərin səviyyəsi dünya səviyyəsindən aşağıdır. İnkişaf etmiş ölkələrdə kartla ödəniş səviyyəsi 80-90%-dir. Bizdə bu həddə çatmaqdan danışmaq hələ tezdir. Lakin Azərbaycanda nağdsız ödənişlərin inkişaf etdirilməsi və plastik kartlardan istifadənin artırılması üçün indiyədək görünməmiş ciddi tədbirlərin həyata keçirilməsi planlaşdırılır. Belə ki, plastik kartdan istifadə edərək nağdsız ödəmələr aparan vətəndaşlara ciddi vergi güzəştləri təqdim olunacaq. Bundan başqa, nağd ödəmələrin azaldılması üçün ciddi inzibati tədbirlərin görülməsi də planlaşdırılır. Məlumatlara görə, müəyyən məbləğdən sonra nağd ödəmələrin aparılması qadağan olunacaq.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...