Banklar müştəri cəlbinin yeni yolunu tapdılar

Tarix: 28.04.2014 / 09:43
Bölmə: İqtisadiyyat

Ölkədə avtokreditlərlə bağlı tələblərin sərtləşdirilməsi, əvvəlki kimi, bankların gəlirlərinin azalmasına təsir göstərməkdədir. Artıq, vəziyyətdən çıxış yolu kimi, bəzi banklar qabaqlayıcı tədbirlər görməkdədir. Belə ki, məlumatlara görə, Azərbaycanda avtomobil kreditlərinin şərtlərinin sərtləşdirilməsi nəticəsində bazarda mövqeyini qoruyub saxlamaq niyyətində olan banklar kredit verilən zaman tutulan komisyon haqlarını ləğv etməklə və kredit faizlərini endirməklə bu krediti satmağa başlayır.
Artıq ölkəmizdə əsas xarici bank filiallarından olan "Bank VTB" bu istiqamətdə addımlar atır. Hətta o da bildirilir ki, avtokreditlər üzrə illik faiz dərəcələrinin azaldılması üçün bank müəyyən qərarlar da qəbul edib. Bankdan bildirilir ki, komisyon haqları tutulmadan və bankın standart şərtlərindən fərqlənən faiz dərəcələri ilə avtomobil əldə etmək mümkündür. Avtomobil əldə etmək arzusunda olan hər kəs şəxsiyyəti və sürücülük hüququnu təsdiq edən sənədlər əsasında 15 dəqiqə ərzində illik faiz dərəcəsi 15%-dən başlayaraq avtokredit əldə edə bilər. Qeyd edək ki, avtokreditlərdə ilkin ödəniş 40 faizdən başlayır. Sözügedən bank isə hazırda əsas avtokreditorlardan biridir və ölkənin əsas avtosalonları ilə işləyir. Digər bankların da analoji addımlar atması gözlənir.
Ekspertlər hesab edir ki, komisyon haqlarının azalması mütləq şəkildə avtokreditlərə marağı artıracaq. Onsuz da komisyon haqları banklardan narazılığı artıran əsas faktorlardan biri idi. Hazırda ölkənin bəzi banklarında təklif edilən məhsullardan asılı olaraq komisyon haqları hətta 7-8%-i belə üstələyir. Bu da digər Avropa ölkələrinin komisyon haqları ilə müqayisədə çox yüksəkdir. Xatırladaq ki, bir çox bank reklamlarında faizlərdə bir müddətlik endirimlər və ya dəyişikliklər olduğu bildirilir. Əhali də reklamda qeyd olunan faizlərlə daha sərfəli kreditlər əldə edə bilmək üçün həmin banklara müraciət edir.
Lakin kreditlərin illik faizləri nə qədər aşağı düşsə də, yenə bank həmin faizləri müştəridən alır. Belə ki, faizlər aşağı endiyi zaman da komissiya haqları artır. Yəni bəzi banklar faizlərin nə qədər aşağı olduğunu qeyd etsələr də, komisyon haqqının bu qədər olması əslində kreditin müştəriyə daha baha başa gəlməsinə gətirir. Məhz buna görə Azərbaycan Mərkəzi Bankı ölkənin kommersiya banklarından bütün kreditlər üzrə faktiki illik faiz dərəcəsinin (FİFD) hesablanması və onun kredit müqavilələrində, bütün reklam vəsaitlərində, aparılan reklam kampaniyalarında, internet resurslarında açıqlanmasını tələb edib. FİFD ilə hesablanan zaman kreditin əsas məbləği üzrə ödənişlər, kredit üzrə faizlər, kreditə görə komissiya haqqı, kredit hesabının açılması və aparılması, o cümlədən kreditin nağdlaşdırılması xərcləri, təminatın saxlanması, hər bir fərdi kredit üzrə bankın tətbiq etdiyi digər inzibati xərclər kimi bütün xərc və ödənişlər nəzərə alınmalıdır.
Onu da xatirladaq ki, komisyon haqqı bankların ayırdığı kreditlərin rəsmiləşdirilməsi üçün çəkilən xərcləri özündə birləşdirir. Söhbət bank müştəriləri haqqında məlumatların saxlandığı Mərkəzi Bank yanında Mərkəzləşdirilmiş Kredit Reyestrinə sorğu göndərilməsi, verilmiş kreditlərin sığortalanması, bankda hesab açılması və digər işlər üçün vətəndaşdan alınan puldan gedir. Araşdırmalar göstərir ki, bank xidmətlərindən istifadə edənlər komisyon haqqının ya azaldılmasını, ya kredit faizinin üzərinə əlavə olunmasını, ya da ümumiyyətlə ləğvini istəyir. İqtisadçı-ekspertlər hesab edir ki, komisyon haqlarının yüksək olması bankların qeyri-faiz gəlirlərinə üstünlük verməsi ilə bağlıdır.
Onu da bildirək ki, komisyon haqları "Bank fəaliyyəti haqqında" Qanunla tənzimlənir. İndilikdə isə, ekspertlərə görə, bu istiqamətdə banklar tərəfindən sui-istifadə halları kritik vəziyyətə çatıb. Çünki qanunda göstərilir ki, banklar krediti faizlə, komisyon haqqı almaq şərtilə verə bilər.
Maliyyə təşkilatlarının əksəriyyəti komisyon haqlarında manipulyasiya edir. Müştərilər kredit götürərkən əlavə 3-5 faizdən də artıq sözügedən ödəməni aparır. İndi avtokreditlərə görə komisyon haqlarının ləğvi isə kredit faizlərinin aşağı düşməsinə gətirib çıxaracaq.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...