Aqroparkların yaradılması barədə qərardan sonrakı uğursuz bir il...

Tarix: 23.04.2014 / 09:21
Bölmə: İqtisadiyyat

Ölkədə kənd təsərrüfatının inkişaf etdirilməsinə xüsusi diqqət yetirilməsi özünü qabarıq formada büruzə verməkdədir. Bunu dövlət başçısının kənd təsərrüfatının inkişafına dair imzaladığı son fərmanlar da təsdiq edir. Xatırladaq ki, prezident sonuncu dəfə "Aqrar sahədə idarəetmənin təkmilləşdirilməsi və institusional islahatların sürətləndirilməsi ilə bağlı tədbirlər haqqında" Fərman imzalayıb.
Sənəddə əsas məqsədin kənd təsərrüfatının institusional inkişafını təmin etmək, aqrar sahədə idarəetməni müasir dövrün tələblərinə uyğunlaşdırmaq, o cümlədən Kənd Təsərrüfatı Nazirliyinin strukturunu və fəaliyyətini təkmilləşdirməkdən ibarət olduğu göstərilir. Bütün bunlarda əsas məqsəd isə kənd təsərrüfatı sahəsində məcmu istehsalın həcminin artırılmasına nail olmaq, idxaldan asılılığa son qoymaqdır.
Onu da bildirək ki, kənd təsərrüfatı sahəsində istehsalın həcminin artırılması üçün qarşıya qoyulan hədəflərdən biri də aqroparkların yaradılmasıdır. Belə parklar daha çox məhsul istehsalına imkan verir və bunu xarici təcrübələrdən də aydın görmək olar. İqtisadçı-ekspert Vüqar Bayramov da bildirir ki, Azərbaycanın kənd təsərrüfatı məhsullarına olan tələbatının yerli məhsullar hesabına ödənilməsi hökumət tərəfindən qarşıya qoyulan hədəfdir: "Bu baxımdan ölkədə aqroparkların yaradılması Azərbaycanda ərzaq təhlükəsizliyinin, o cümlədən kənd təsərrüfatı məhsullarına tələbatın ödənilməsində yerli istehsalın payının artırılması üçün vacib məsələdir". Onun sözlərinə görə, aqroparklar aqrar və emaledici biznes və təhsil müəssisələrinin birgə daha innovativ metodlardan istifadə etməklə aqrar məhsul istehsalının, xüsusilə də emalının həyata keçirilməsidir: "Bu mərkəzlərin yaradılması artıq aqrar məhsulların istehsalı ilə bağlı daha innovativ layihələrin həyata keçirilməsini təmin edəcək. Nəticədə fermer təsərrüfatları bazara daha çox emal edilmiş məhsul çıxaracaq. Bu da Azərbaycanda fermer təsərrüfatlarının daxili bazarda aqrar məhsullara olan tələbatın ödəməsinə, daha sonra isə xarici bazara çıxışının genişləndirilməsinə imkan yaradacaq. Dünya praktikasında aqroparklar iki - qarışıq və ixtisaslaşmış formalarda həyata keçirilir. İxtisaslaşmış aqroparklar bir məhsul üzrə ixtisaslaşır və həmin məhsulların emalı nəticəsində digər məhsullar istehsal olunur. Qarışıq aqroparklar isə bir neçə məhsul üzrə ixtisaslaşır. Onlar müxtəlif məhsulların istehsalını, daha sonra isə həmin məhsulların emalı nəticəsində əldə olunan digər məhsulların satışını həyata keçirir. Bu da bazara daha çox məhsulun çıxarılmasına imkan verir. Bu baxımdan Azərbaycanda aqroparkların yaradılması zamanı bölgələr seçilərkən həm ixtisaslaşmış, həm də qarışıq məhsul istehsalı nəzərə alınmalıdır. Çünki elə bölgələrimiz var ki, burada ərazi bir məhsul üzrə ixtisaslaşıb. Deməli, burada ixtisaslaşmış aqropark yaradılmalıdır. Lakin elə bölgələrimiz də var ki, burada ərazi bir neçə məhsul üzrə ixtisaslaşıb və bu bölgədə qarışıq aqroparkların yaradılması daha məqsədəuyğun hesab edilir".
Qeyd edək ki, əslində ölkədə aqroparkların yaradılması ötən ildən gündəmə gətirilib. Lakin indiyə qədər bu istiqamətdə konkret addımlar atılmayıb. Yəni aqroparkların yaradılması gecikir. Ekspertlər bildirir ki, aqropark böyük elmi institut nəzdində yaradılmalıdır. Azərbaycanda Kənd Təsərrüfatı Akademiyası Gəncə şəhərində fəaliyyət göstərdiyindən, hesab edilir ki, aqropark da bu akademiya nəzdində yaradıla bilər. Vüqar Bayramov da bu xüsusda SİA-ya açıqlamasında bildirib ki, aqroparklar eyni zamanda marketinqə malik, istehsal edilmiş məhsulların bazarı olacaq: "Bu baxımdan aqroparkların yaradılmasına təhsil müəssisələrinin cəlb edilməsi vacibdir. Əhəmiyyətli məqamlardan biri də aqroparkların innovativ məhsul istehsalını həyata keçirən qurum olması və burada ixtisaslı kadrlara ehtiyacın yaranmasıdır. Hazırkı vəziyyətdə aqroparkların Gəncə və Lənkəran şəhərlərində yaradılması daha məqsədəuyğun hesab edilir. Çünki hazırda yalnız bu ərazilərdə aqroparkların yaradılması imkanları var. Gəncə və Lənkəran Dövlət Universitetlərində aqrar sahə üzrə kadrların hazırlanması da burada aqroparkların yaradılması üçün əsas səbəblərdən biridir".
Aqroparkların yaradılmasının ölkənin kənd təsərrüfatına müsbət təsir göstərəcək layihə olacağını deyən Vüqar Bayramov qeyd edib ki, bu mərkəzlər ölkənin həm yerli, həm də daha keyfiyyətli kənd təsərrüfatı məhsulları ilə təmin edilməsini həyata keçirəcək. Lakin qeyd olunduğu kimi, belə parkların yaradılamsı gecikir və bu istiqamətdə fəaliyyətin sürətləndirilməsi vacib sayılır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...