Milli qızılımız ölkə daxilində satışa çıxarılacaqmı?

Tarix: 23.04.2014 / 09:13
Bölmə: İqtisadiyyat

Azərbaycanda qızıl hasilatı və istehsalı il ərzində 30 faizdən çox artıb. Artım əsasən Gədəbəydə yerləşən qızıl yataqlarında qeydə alınıb. Ölkənin əsas qızıl hasilatçısı olan "Anglo-Asian Mining" (AAM) şirkəti cari ilin birinci rübündə "Gədəbəy" kompleks mədənində hasil edilən 11 min 312 unsiya qızıl istehsal edib. Müqayisə üçün qeyd edək ki, şirkət 2013-cü ilin birinci rübündə 8 min 585 unsiya qızıl istehsal etmişdi.
Şirkət bu dövrdə 10 min 403 unsiya qızıl satıb. Bundan başqa, Gədəbəydəki "Qoşa" yatağının işlənməsinə də başlayıb. Amma istehsalçı cari ildə hasilat həcmləri üzrə proqnozları 80-90-dan 62-67 min unsiya qızıladək endirib. Azalma bu yaxınlarda işə salınmış qızılın yuyulması zavodunun istehsal həcmlərinin yenidən hesablanması ilə əlaqədardır. Qeyd edək ki, Azərbaycan hökumətilə məhsulun bölüşdürülməsi haqqında sazişin şərtlərinə görə, AAM təqribən 2 min kvadratkilometr sahədə mineral resursların kəşfiyyatı və hasilatını aparır. AAM hesabat dövründə 10 403 unsiya (qızılın unsiyası orta hesabla 1303 dollardır) qızıl satıb.
Şirkətin rəhbəri Rza Vəziri mətbuata açıqlamasında bildirib ki, daha çox qızıl hasil etməkdə maraqlıdırlar: "Bununla belə, biz cari ildə ötən il hasil ediləndən (52 068 unsiya) daha çox qızıl istehsal etmək niyyətindəyik və səmərəliliyin artırılması üzərində işləri davam etdiririk".
Bütövlükdə ölkədə qızıl hasilatının artmasını ekspertlər necə dəyərləndirir?
Sözügedən məsələni dəyərləndirən iqtisadçı-ekspert Azər Mehdiyev qızıl hasilatının artmasına bir neçə prizmadan yanaşır: "Məsələ ondadır ki, Azərbaycanda hasil olunan qızıl ilkin saflaşdırmadan sonra İsveçrəyə göndərilir. Daha sonra orada tam əridildikdən sonra külçə halına gətirilir. Külçə halına gətirildikdən sonra isə həmin qızılın şirkətlə ölkə arasında paylanması baş verir. Dövlətə məxsus külçə halına gətirilmiş qızıl ölkənin qızıl ehtiyatlarına daxil edilir.
Bizdə qızılın hələ ki, daxili bazara satış üçün yönəldilməsi qərarı verilməyib. Təbii ki, dövlət yerli hasilatın daxili bazara yönəldilməsi haqda qərar verə bilər. Yəni dövlət hesab etsə ki, ölkənin müəyyən ehtiyaclarının ödənməsi üçün bu qızılın satılması ilə müəyyən vəsait əldə edilsin və yaxud da nə vaxtsa qızılı satıb əvəzində alınan vəsaitin hansısa valyutada saxlanmasına ehtiyac var, o zaman bu barədə qərar verilir. Ancaq dövlətlər qızılın satışını daxili bazarlarda deyil, daha çox dünya bazarlarında həyata keçirir. Qızılın qiyməti də dünya bazarlarına uyğun tənzimlənir. Yəni, qızılın ölkədəki qiyməti dünya bazarındakı qiymətlərə uyğunlaşır. Bu başqa məsələdir. Qızılın hasilatı daxili bazara yönəldilsə belə, qiymətlərdə yalnız müəyyən qalxmalar, enmələr ola bilər. Ancaq, bütövlükdə, bu, bazara ciddi təsir göstərə bilməz".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...