Azərbaycan investisiya siyasətini Avropadan Asiyaya dəyişə bilər

Tarix: 22.04.2014 / 08:40
Bölmə: İqtisadiyyat

Böyük valyuta ehtiyatlarına malik Azərbaycan həm də potensial investor dövlətlərdən birinə çevrilməkdədir. İndi Azərbaycan dünyanın müxtəlif ölkələrinə fəal surətdə sərmayə yatırmaqla məşğuldur. Bu sıraya Avropa ölkələri də aiddir. Lakin ekspertlər hesab edir ki, Avropada hələ də maliyyə böhranının davam etməsi Azərbaycan üçün sərmayələrin istiqamətini dəyişə bilər. Məsələ burasındadır ki, Avropadan fərqli olaraq, Asiyada daha dinamik inkişaf qeydə alınır.
Asiya İnkişaf Bankının (AİB) da yeni hesabatında deyilir ki, 2014-cü ildə inkişafda olan Asiya ölkələrində iqtisadi artımın yüksəlişi davam edəcək. Bu artım Çin Xalq Respublikasının (ÇXR) iqtisadi artım tempinin enişi və canlanmaqda olan inkişaf etmiş iqtisadiyyatların tələbatının azalması fonunda baş verəcək. AİB-ın dünən dərc etdiyi "Asiya İnkişafına Baxış 2014" adlı əsas illik hesabatında 2014-cü ildə inkişafda olan Asiya ölkələrində ÜDM-in 6,2%, 2015-ci ildə isə 6,4% olacağı deyilir. 2013-cü ildə regionun iqtisadi artımı 6,1% təşkil edib.
ÇXR-da iqtisadi artım tempi azaldıqca bu tendensiya Şərqi Asiya ölkələrində də müşahidə olunacaq. Bu region 2012-ci illə müqayisədə 2013-cü ildə daha yüksək, yəni 6,7% artım əldə etsə də, 2014 və 2015-ci illərdə iqtisadi artımda irəliləyişin olmayacağı proqnozlaşdırılır. Əslində, son 10 il ərzində dünya iqtisadiyyatında baş verən proseslər Asiya ölkələrinin investisiya yatırmaq baxımından sərfəli istiqamət olduğunu göstərirdi. Dünya maliyyə böhranı isə bu qənaəti daha da möhkəmləndirdi. Maliyyə böhranı nəticəsində Avropa və Şimali Amerika iqtisadiyyatlarında kəskin enmə baş versə də, Asiya ölkələrinin əksəriyyətində əksinə, iqtisadi artım müşahidə olundu. Başqa sözlə, həm ümumi iqtisadi vəziyyət, həm də ölkə iqtisadiyyatlarının özlərini böhran vaxtında necə aparması baxımından Asiya və Avropa regionları arasında köklü fərq olduğu aydınlaşıb ki, bu da son nəticədə özünü həmin regionların investisiya perspektivlərində göstərir.
Bundan başqa, investorlar üçün potensial gəlirlilik göstəricilərindən biri də ölkədə Mərkəzi Bankın uçot dərəcəsi sayılır. Bu göstəricilər həm qısamüddətli pul bazarındakı faiz dərəcələrinə, həm sabit gəlirli qiymətli kağızlar, həm də səhm bazarına təsir edir. Araşdırmalar göstərir ki, bu göstərici üzrə də müqayisə Asiya ölkələrinin xeyrinədir.
Mütəxəssislər bildirir ki, oxşar vəziyyət bundan sonra uzun müddət davam edəcək. Belə ki, qarşıdakı illərdə Cənub-Şərqi Asiya ölkələrində ümumi daxili məhsulun orta illik artımı təqribən 7% ətrafında proqnozlaşdırılır ki, bu da inkişaf etmiş ölkələrin proqnozlarından 5% artıqdır. Doğrudur, bu regionda da investisiya risqləri mövcuddur, xüsusilə iqtisadiyyatın yanacaq qiymətlərindən sərt asılılığı və s. baxımından. Buna baxmayaraq, ümumilikdə investisiya cəlbediciliyi baxımından Avropa və Cənubi-Şərqi Asiya ölkələrinin perspektivləri kəskin fərqlənir. Digər investorlar kimi, artıq Azərbaycan da bu tendensiyaları nəzərə almağa və investisiya üçün Asiyanı seçməyə məcburdur.
Hələlik isə Cənub-şərqi Asiya ölkələrində iqtisadi artımın ölkə faktorundan asılı olacağı deyilir. Bu regionun ÜDM-i İndoneziyanın, Tailandın və Malayziyanın aşağı qiymətli ixrac bazarları və iqtisadi tempin azalması fonunda 2013-cü ildə 5% səviyyəsinə qədər azalıb. Lakin İndoneziyada inflyasiya səviyyəsinin aşağı düşməsi və Tailandda siyasi mühitin stabilləşməsi fonunda 2015-ci ildə artımın 5,4% olması gözlənir.
Orta Asiyada ən böyük iqtisadiyyatın dövlət xərclərini artırması fonunda bu regionun ölkələri iqtisadi artım tempini qoruyub saxlaya biləcək. Bu regionun ÜDM-nin təxminən yarısını təşkil edən Qazaxıstanın güclü iqtisadiyyatı Azərbaycan investorlarının diqqətini həm də buraya yönəldir. Asiya İnkişaf Bankı bildirir ki, Sakit Okean hövzəsi ölkələrinin ən iri iqtisadiyyatında təbii qazın istehsalı böyüdükcə bu regionda iqtisadi canlanma müşahidə olunacaq. Bütün bunlar isə, qeyd olunduğu kimi, Azərbaycanın indi Asiyaya daha çox sərmayə yatırmasını şərtləndirir. Çünki Avropa iqtisadiyyatını bürümüş maliyyə böhranı fonunda Asiya ölkələrinin investisiya cəlbediciliyi sürətlə artır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...