Yeni söküntüyə görə mənzillər daha sürətlə bahalaşır

Tarix: 21.04.2014 / 10:47
Bölmə: İqtisadiyyat

Paytaxtda davam edən söküntü bumu mənzil bazarında bahalaşmanı tətikləyən əsas faktor olaraq qalır. Şəhərin "Sovetski" adlanan ərazisində həyata keçirilən söküntülərin ardınca Bayıl qəsəbəsində də analoji proses müşahidə olunur. Bu qəsəbədəki mənzillərin qiymətləndirilməsi üçün komissiya yaradılıb. Qiymətləndirməyə gəldikdə isə, məlumatlara görə, oradakı mənzillər qanunsuz tikili olduğu üçün hər kvadrata görə dəqiq və stabil qiymət qoyulmayıb, lakin komissiya mümkün qədər evlərə çəkilmiş xərcləri nəzərə alıb.
Sənədli mənzillərin sahiblərinə isə hər kvadratmetrə 1500 manat ödənilir. Xatırladaq ki, Azərbaycan idman tarixində daha bir nüfuzlu beynəlxalq yarışlara ev sahibliyi etməyə hazırlaşır. Belə ki, 2015-ci ildə şahmat üzrə Dünya Kuboku və 2016-cı ildə Ümumdünya Şahmat Olimpiadası paytaxt Bakıda keçiriləcək. Bakının yarışı layiqli şəkildə qarşılaması üçün hazırda Bayılda Şahmat Sarayı tikilir. Sarayın tikintisi ilə əlaqədar Bayılın mərkəzindən "20-ci sahə"yə qədər olan yolun kənarındakı evlərin sökülməsi istiqamətində addımlar atılır. Belə vəziyyət isə mənzil bazarında bahalaşmanı sürətlə tətikləyir. Xatırladaq ki, "Sovetski"də həyata keçirilən söküntülər onsuz da mənzillərin sürətlə bahalanmasına səbəb olmuşdu və hazırda bu proses davam edir. Aparılan monitorinqlər göstərir ki, yaşayış təyinatlı daşınmaz əmlak bazarında qiymətlər son bir ay ərzində 2 faizdən çox artıb ki, nəticədə mənzillərin bir kvadratmetrinin orta qiyməti 1992 dollardan 2033 dollaradək yüksəlib.
Bakının mənzil və torpaq bazarını araşdıran "MBA Consulting Group" şirkətinin məlumatına görə, artıq paytaxtda mənzillərin bir kv.m-nin orta qiyməti 2 min dolları ötüb. "Əmlak Bazarı İştirakçıları" İctimai Birliyinin icraçı direktoru Ramil Osmanov isə bu qənaətdədir ki, qiymət artımı yaxın aylarda daha çox olacaq. Onun fikrincə, "Sovetski"dəki söküntülər hələ yeni başlayıb və kompensasiyalar əhaliyə tam paylanmayıb: "Söküntünün intensivləşdiyi dövrlərdə bazarda tələb artacaq ki, bu da qiymətlərin daha çox artması ilə nəticələnəcək". Ekspert belə hesab edir ki, indiki halda qiymət artımının qarşısını almaq üçün ya söküntülər dayandırılmalı, ya da evi sökülənlərə kompensasiya yox, mənzil verilməlidir.
İndilikdə isə bazarda mövcud vəziyyətin təhlili tələb və təklif arasında daha böyük disbalans yarandığını göstərir. Maklerlər bildirir ki, son vaxtlar onlara ev üçün müraciət edənlərin sayı artıb. O da vurğulanır ki, əvvəllər indiki mövsümdə evlərin qiymətində kəskin bahalaşma qeydə alınmırdı. Eyni zamanda, kirayə evlərin qiyməti də bu mövsümdə sabit olurdu. Lakin hazırda söküntü ilə əlaqədar kirayə mənzillərin də qiyməti 20-30 faiz arasında artıb. Bayıldakı söküntü isə bahalaşmanı daha da sürətləndirir. Qeyd olunduğu kimi, buradakı söküntü şahmat yarışları ilə bağlıdır. Məlumat üçün bildirək ki, Bakıda Şahmat Olimpiadasının keçirilməsi ilə bağlı Beynəlxalq Şahmat Federasiyasının Türkiyənin İstanbul şəhərində keçirilən 83-cü konqresində qəbul olunan qərarından sonra bu il fevralın 14-də Prezident İlham Əliyev Təşkilat Komitəsinin yaradılması haqqında Sərəncam imzalayıb. Baş nazirin birinci müavini Yaqub Eyyubov Təşkilat Komitəsinin sədri təyin olunub. Təşkilat Komitəsinə nazirlər, komitə, xidmət sədrləri, Şahmat Federasiyasının prezidenti və vitse-prezidentləri daxildir. Komitəyə beynəlxalq yarışların keçirilməsi ilə bağlı xüsusi Tədbirlər Planı hazırlayıb icrasını təmin etmək tapşırılıb. Yüksək səviyyədə təşkil olunacaq Olimpiadaya dövlət səviyyəsində təminat veriləcək.
Hazırda tikilən Şahmat Oyunları Mərkəzi ətrafında evlərin sökülməsi isə bazara təsirsiz ötüşmür. Digər tərəfdən, sökülən ərazilərdə kompensasiyaların paylanması və söküntüyə start verilməsi daşınmaz əmlak bazarında qiymətləri daha sürətlə artırır. Söküntü ilə ilgili qiymətlərin daha çox bahalaşması da gözlənir. O da bəllidir ki, söküntü işləri "Sovetski" və Bayıl ilə yanaşı, "Papanin", "Xutor" və "Kubinka" kimi əraziləri də əhatə edəcək. Özü də sökülən ərazilərdə mənzillər yox, yaşıllıq və sosial obyektlər inşa ediləcək. "Sovetski"də isə, Qış bulvarının davamı olaraq, həmin ərazi abad bir parka çevriləcək. Qeyd olunduğu kimi, söküləcək ərazidə ayrı-ayrılıqda yalnız istirahət parkları və sosial obyektlər tikiləcək. Təxminən 50 hektar ərazini əhatə edəcək söküntü işləri zamanı bir sıra yeni tikilən çoxmərtəbəli binaların da sökülməsi gözlənir. Bütün bunlar mənzil bazarında bahalaşmanı sürətləndirir. Ötən ay ərzində isə aparılan araşdırmalar nəticəsində məlum olub ki, ay ərzində satış portfelinin çox hissəsini ucuz evlər təşkil edib.
Bu ilin mart ayı ərzində təkrar bazarda 2 min 69 ədəd yaşayış mənzili satışda olub. Təklif portfelində köhnə mənzillərin payının azalması əsasən "Alman", "Eksperimental", "Kiyev", "Stalinka" və "Xruşşovka" layihəli binalarda müşahidə olunub.
Ay ərzində təkrar mənzil bazarında orta qiymətlərin artması mövsümi ayların davamı və təklif portfelində struktur dəyişikliyinin nəticəsi olub.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...