Azərbaycanda avtomobillərin lizinqlə satışı genişlənir

Tarix: 18.04.2014 / 08:09
Bölmə: İqtisadiyyat

Benzinin qiymətinin qalxmasına, avtokreditlərin verilməsinin sərtləşdirilməsinə və ölkədə "avro-4" ekoloji standartlarının tətbiqinə baxmayaraq, gözlənildiyinin əksinə olaraq ölkəyə avtomobil idxalı artır. Xatırladaq ki, Dövlət Gömrük Komitəsi avtomobil idxalı ilə bağlı maraq doğuran rəqəmlər açıqlayıb. Məlumata görə, bu ilin yanvar-mart aylarında Azərbaycana 22 511 ədəd avtomobil idxal olunub.
Bu, ötən ilin eyni dövrü ilə müqayisədə 1 132 ədəd və 5,3% çoxdur. Ölkəyə gətirilən avtomobillərin böyük əksəriyyəti - 20305 ədədi minik avtomobilləridir. Bütün bunlar o deməkdir ki, ölkədə avtomobil çoxluğuna görə yaranan problemlər hələ yaxın tezlikdə öz həllini tapmayacaq. Xatırladaq ki, söhbət əsas etibarı ilə avtomobillərin ekologiyaya vurduğu zərərdən, yaranan tıxaclardan gedir. Lakin avtomobil idxalının çoxalması bu qəbildən olan problemlərin tezliklə həllini mümkünsüz edir.
Digər tərəfdən ekspertlər hesab edir ki, yaranmış vəziyyət maşın bazarında qiymətlərə də təsirsiz ötüşmür. Belə ki, idxalın çoxalması maşınlara tələbin yüksək olduğunu göstərir. Tələb yüksək olması isə qiymətlərin artımını şərtləndirir. Yeri gəlmişkən qeyd edək ki, "avro-4" standartına uyğun gəlməyən maşınların idxalına qadağa qoyulması belə maşınların qiymətində nəzərəçarpacaq artıma səbəb olub. Satıcılar bildirir ki, qiymətlər ən azı 800-1000 ABŞ dolları civarında qalxıb.
Xatırladaq ki, yeni tələblərə əsasən, Azərbaycana 2004-cü ildən əvvəl istehsal olunan avtomobillərin idxalı mümkün deyil. "Avro-4" standartına keçid avtomobil bazarında həm də qiyməti nisbətən yüksək olan maşınların xüsusi çəkisinin artmasına səbəb olur. Yeni maşınların qiyməti isə aşağı olmadığından, ümumi tendensiya maşın bazarında qiymətlərin daha yüksək olmasını şərtləndirib. Hazırda Qərb və Yaponiya istehsalı olan maşınlara tələbatın artımı müşahidə edilir. Bu da ölkəyə daha çox Avropa, Yaponiya, ABŞ və BƏƏ-dən avtomobil idxalının artmasına gətirib çıxarıb. Eyni zamanda, bunun müqabilində keçmiş SSRİ və Rusiyadan idxal olunan avtomobillərin sayında müəyyən durğunluqlar müşahidə edilir. Burada Azərbaycana təhlükəsizlik yastıqları, eləcə də ABS əylənc sistemləri olmayan avtomobillərin idxalına qoyulan qadağanın da rolu var.
Hazırda maşın bazarında satışın yenə kredit hesabına daha çox həyata keçirilməsi də özünü qabarıq büruzə verir. Xatırladaq ki, Azərbaycanda bir qədər əvvəl dayandırılmış avtomobil kreditləri yenidən aktivləşib. Lakin yeni qaydalarda kreditlərin şərtləri dəyişdirilib. Belə ki, avtomobil alınması üçün kreditlər üzrə ilkin ödənişlərin məbləği ciddi surətdə artırılaraq minimum 50%-ə çatdırılıb. Bununla yanaşı, avtomobillərin lizinqlə satışı da genişlənir.
Artıq əksər avtosalonlar avtomobilləri lizinqlə satmağa başlayıb. Qeyd edək ki, avtokredit və lizinqlə satış arasında başlıca fərq odur ki, ikinci halda bankın iştirakı nəzərdə tutulmur. Yəni avtosalon maşını müştəriyə birbaşa və müəyyən müddətə satır. Avtokreditləşmə zamanı avtomobil müştərinin adına qeydiyyata alınır və girov qismində çıxış edir. Lizinq zamanı isə avtomobil lizinq şirkətinin mülkiyyətində qalır və ödəniş onun tərəfindən həyata keçirilir.
Bütövlükdə aydındır ki, lizinq istehlak qabiliyyəti nöqteyi-nəzərindən bazarın itkilərini tam qarşılaya bilməz. Məsələ ondadır ki, bütün avtosalonlar lizinqlə avtomobil satmaq imkanına malik deyil. Bu zaman avtosalonların köməyinə lizinq şirkətləri gələ bilər. Məsələn, artıq müəyyən şirkətlərin avtosalonları lizinq şirkətləri ilə əməkdaşlıq şəraitində yeni və işlənmiş avtomobillərin lizinqlə satışı üzrə kampaniyaya start verib. Özü də əlverişli şərtlərlə. Belə ki, ilkin ödəniş 20%, illik faiz dərəcəsi isə 22% səviyyəsində müəyyənləşdirilib. Hazırda lizinq əməliyyatlarının avtokreditləşməni tamamilə əvəz edə biləcəyini demək çətindir. Amma bunların alternativ imkanlar təqdim etdiyi şübhəsizdir. Bu zaman nəzərə almaq lazımdır ki, alıcının mövqeyindən çıxış etdikdə, kredit və ya lizinqin heç bir fərqi yoxdur. Ekspertlər isə hesab edirlər ki, avtomobillərlə bağlı tətbiq edilən yeniliklər həm də maşın bazarının yenilənməsinə hesablanıb. Hazırda xarici ölkələrdə istismar müddəti ötmüş avtomobillərin ölkəyə idxalına məhdudiyyətlər qoyulmaqla bunun reallaşdırılması baş verir. Eyni zamanda hesab olunur ki, hökumət ölkə daxilində də köhnə maşınların dövriyyədən çıxarılmasını təmin etməlidir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...