Kənd təsərrüfatında aqrotexniki qulluq problemi davam edir

Tarix: 18.04.2014 / 08:02
Bölmə: İqtisadiyyat

Bəzi yerli kənd təsərrüfatı məhsullarının bazarlarda tələbata nisbətən az olması probleminin cari il ərzində də özünü göstərəcəyi proqnozlaşdırılır. Buna əsas səbəb isə məhsul istehsalında fermerlərin üzləşdiyi çətinliklər, həmçinin, aqrotexniki qulluq probleminin davam etməsidir. Ümumiyyətlə, araşdırmalar göstərir ki, fermerlərin böyük əksəriyyəti aqrotexniki qulluq məsələsilə bağlı hələ də ciddi problemlər yaşayır.
Belə ki, bitkilərə lazımi qaydada aqrotexniki qulluq göstərilməməsi sonda məhsuldarlığın aşağı olmasına gətirib çıxarır. Fermerlər arasında indiyə qədər aparılan maarifləndirmə işləri isə istənilən nəticəni verməyib.
Bəzən isə sahələrə vaxtında lazımi gübrələrin verilməməsi problemlərə gətirib çıxarır. Qeyd edək ki, fermerlərin gübrəyə olan tələbatının ödənilməsində hökumət tərəfindən müvafiq addımlar atılır. Artıq yaz əkininin başlaması ilə əlaqədar fermerlərə güzəştli şərtlərlə gübrələrin verilməsinə başlanıb. Lazımi gübrələrin idxalı isə çoxdan həyata keçirilib. Təkcə ötən il Azərbaycana 103 min 819,4 ton gübrə idxal edilib. Bunun 68 min 749,8 tonu azotlu, 15 min 22 tonu fosforlu, 3 min 27,3 tonu kaliumlu, 16 min 492,8 tonu mürəkkəb, 527,5 tonu isə digər gübrələr olub. Bu statistikaya nəzər yetirərkən aydın olur ki, hazırda ölkəmizə idxal edilən müxtəlif adda gübrə məhsullarında azotlu gübrələrin payı üstünlük təşkil edir. Hazırda həmin gübrənin bir tonu 392 manatdır. Bu məbləğin 50 faizi dövlət tərəfindən ödənilir. Güzəştli şərtlərlə mineral gübrə əldə etmək istəyənlər gübrələrin növünü və çəkisini göstərməklə, yerli kənd ərazi komissiyası tərəfindən təsdiq olunan sənədi aqroservisə təqdim edir. Azot gübrələri əsasən taxılçılıqda istifadə olunur. Digər müəyyən sahələr üzrə də bu gübrələrdən geniş istifadə olunur. Lakin araşdırmalar göstərir ki, bu sahədə də fermerlər müəyyən yanlışlığa yol verir. Belə ki, onlar adətən bir növ gübrədən istifadə edirlər. Halbuki, ekspertlər bu sahədə kompleks tədbirlərin reallaşdırılmasını vacib sayır. Məsələn, azotla yanaşı, fosfor və kalium bitkilərin həyatında çox böyük əhəmiyyətə malikdir. Fermerlər isə buna əhəmiyyət vermir. Real vəziyyətin təhlili göstərir ki, fermerlərin bu sahədə təcrübəsi olmadığından, onlar mineral gübrələri kompleks formada almırlar. Nəticədə məhsuldarlıq istənilən səviyyədə olmur. Fermerlər daha çox azotlu gübrələrdən istifadə etməklə, belə demək mümkünsə, özlərini aldadırlar.
Mütəxəssislər deyir ki,aqrar sahədə intensiv texnologiyaların tətbiqi də istənilən səviyyədə deyil. Hazırda Azərbaycanın kənd təsərrüfatı sahəsində yeni, üstün texnologiyalardan istifadə ayrı-ayrı nümunələr şəklindədir. Yeni texnologiyalardan bir-neçə təsərrüfatda istifadə edilir, kütləvi hal müşahidə edilmir. Araşdırmalara görə,yeni texnologiyaların tətbiq edilməməsinin birinci səbəbi fermerlərin bu haqda məlumatlı olmamasıdır. İkinci əsas səbəb isə yeni texnologiyanı tətbiq etmək üçün sahibkarlarda maliyyə imkanlarının yoxluğudur. Elə hallar olur ki, sahibkar istədiyi halda belə aqrar sahədə müasir texnologiyaları tətbiq edə bilmir. Kənd təsərrüfatında əkin sahələri kiçik hissələrə bölündüyü üçün fermerə üstün texnologiyaya əsaslanan texnikanı alıb gətirmək, əkinçilikdə, heyvandarlıqda müasir texnologiyadan istifadə etmək sərfəli görünmür. Həddən artıq böyük təsərrüfatlar isə Azərbaycanda olduqca azdır.Bu məsələnin həlli üçün isə iri təsərrüfatların yaradılması zəruri sayılır. Məhz belə təsərrüfatlarda qabaqcıl texnikaların alınıb gətirilməsi sərfəli sayılır. Həmçinin kənd təsərrüfatı kooperasiyası yaranarsa belə texnikaların alınıb gətirilməsi səmərəli olar. O da faktdır ki, daha yaxşı texnologiyaların tətbiqi nəticəsində daha çox məhsul əldə etmək, məhsulun maya dəyərini aşağı salmaq və onu dünya bazarında rəqabət qabiliyyətli etmək olar. İndilikdə isə fermerin vəsaiti az olduğundan, o müasir texnologiyanı əldə edib tətbiq edə bilmir, nəticədə məhsul az olur. Bütün bunlar da nəticə etibarı ilə, yuxarıda qeyd olunduğu kimi, məhsuldarlıq səviyyəsinin aşağı həddə olmasına gətirib çıxarır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...