Vahid Ələkbərovun şirkəti maliyyə iflası içində...

Tarix: 18.04.2014 / 07:53
Bölmə: İqtisadiyyat

Sürətlə dəyər itirməkdə olan Rusiya şirkətləri arasında son aylarda "LUKoyl"un da adı hallanmaqdadır. Son məlumatlar birjalarda Vahid Ələkbərovun rəhbərlik etdiyi bu şirkətin səhmlərinin hələ də ucuzlaşmaqda olduğunu göstərir. Təbii ki, bütün bunlar şirkətin, onun rəhbərinin maddi durumunun da zəfiləməsi ilə müşayiət olunmaqdadır. Elə "Forbes" jurnalının Rusiyanın iş adamları ilə bağlı açıqladığı rəqəmlər də qeyd edilənlərin təsdiqi sayıla bilər.
Nəşrin yazdığına görə, azərbaycanlı iş adamı, "LUKoyl"un sahibi Vahid Ələkbərov builki siyahıda geriləyib. Ötənilki siyahıda 5-ci sırada yer alan V.Ələkbərov bu il 7-cidir. Ələkbərovun pulu 1,2 milyard dollar azalıb.
Qeyd edək ki, hazırda şirkət əsas fəaliyyətini Rusiyadan kənarda qurmaqdadır. Çünki ölkə daxilində "LUKoyl" istədiyi həcmdə qazanj əldə edə bilmir. Əsas yataqların işlənməsini isə daha çox "Rosneft" həyata keçirir.
Bu fonda məlumdur ki, "LUKoyl" şirkəti İraqdakı "Qərbi Kurna-2" yatağına iki il ərzində ümumilikdə 4 milyard dollar investisiya ayırıb. Vahid Ələkbərovun sözlərinə görə, şirkət bu gün sutka ərzində 120 min barrel neft hasil edir. İlin sonuna qədər həmin ərazidə neft hasilatı sutkada 400-450 min barrelə çatacaq. Öz növbəsində, Rusiya baş nazirinin müavini Arkadi Dvorkoviç qeyd edib ki, bu, Rusiya şirkətinin həyata keçirdiyi irihəcmli dünya layihəsidir.
Bununla yanaşı, Vahid Ələkbərov İranla əməkdaşlığı yeniləməyə hazır olduğunu bildirib.O, İrana qarşı beynəlxalq iqtisadi sanksiyalar aradan qaldırılandan sonra şirkətin bu ölkə ilə əməkdaşlığını yeniləyə biləcəyini söyləyib: "Bizim üçün bütün karbohidrogen ehtiyatları olan istənilən bölgə maraqlıdır". Lakin Ələkbərov "LUKoyl"un iştirak edə biləcəyi konkret layihələr barədə danışmayıb. Buna rəğmən, şirkətin İrana böyük maraq göstərdiyi bildirilir. Bu arada o da məlumdur ki, "LUKoyl" şirkəti bu ilin sentyabrında Dağıstanda yeni neft yataqlarının geoloji kəşfiyyatına başlayacaq. Xatırladaq ki, bu il martın 27-də Dağıstan rəhbəri Ramzan Abdulatipov "Dağıstan Respublikası Dövlət Neft-Qaz Şirkəti ASC-nin yaradılması haqqında" fərman imzalayıb. Fərmana əsasən, hökumətə bu il aprelin 15-dək şirkətin yaradılması istiqamətində müvafiq tədbirlərin görülməsi tapşırılıb. Müəssisənin 10 milyon rubl olacaq nizamnamə kapitalında Dağıstanın payı 100% təşkil edəcək. ASC-nin əsas fəaliyyət istiqamətləri respublika ərazisində neft-qaz yataqlarının kəşfiyyatı, işlənməsi və hasilatı, habelə qaz, neft və neft məhsullarının satışı olacaq. Hazırda burada neft axtarışına iddia edən əsas şirkət "LUKoyl"dur.
Şirkətin baş direktorunun birinci müavini, "LUKoyl-Nijnevoljskneft" ASC-nin baş mühəndisi Aleksey Kazakov bu xüsusda bildirib: "Dağıstanda biz qarşımıza "Xəzri" və "Titon" yataqlarının kəşfiyyatını həyata keçirmək vəzifəsini qoymuşuq. Bu ilin sentyabrında biz artıq "Xəzri" yatağında qazma işlərinə başlamağı planlaşdırırıq". Neft şirkətinin nümayəndəsinin sözlərinə görə, kəşfiyyat işləri təxminən 6 ay davam edəcək, əldə olunacaq nəticələr əsasında "Titon" yatağına dair qərar qəbul olunacaq: "Ortamüddətli proqramda kəşfiyyat buruqlarının qazılması, yataqların işlənməsi və abadlaşdırılması, habelə bütün logistika məsələlərinin əks olunması nəzərdə tutulub". Qeyd edək ki, hazırda "LUKoyl-Nijnevoljskneft" ASC Xəzər dənizində neftin hasilatını həyata keçirən yeganə Rusiya şirkətidir.
Ekspertlər hesab edir ki, "LUKoyl" Dağıstanda neft axtarsa da, onu maraqlandıran Rusiyadan kənardakı layihələridir. Çünki məhz bu layihələr şirkətin əvvəlki maliyyə qüdrətini bərpa edə bilər. O da maraqlıdır ki, Rusiyada fəaliyyət göstərən digər həmyerlilərimiz Vahid Ələkbərova nisbətən varidatlarını artıra biliblər.
Məsələn, həmyerlilərimiz Zarax İliyev və Qod Nisanovun sərvətləri artıb. 2013-cü ildə 35-ci sırada olan Z.İliyev bu il 30-cu olub, Q.Nisanov 37-ci sıradan 31-ə düşüb. "Krokus" şirkətinin rəhbəri Araz Ağalarovun sərvəti isə nə artıb, nə də azalıb. O, 1,8 milyard dollar varidatı ilə 56-cı sıradadır. AST Şirkətlər Qrupunun rəhbəri Telman İsmayılov isə 0,75 milyard dollar pulu ilə 137-ci yerdədir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...