Banklarla problemi olan borclu müştəriləri hansı qanun müdafiə edir?

Tarix: 17.04.2014 / 08:58
Bölmə: İqtisadiyyat

Mərkəzi Bankın yaydığı məlumata görə, banklar və kredit təşkilatları tərəfindən verilən ümumi kreditlərin həcmi 15,6 milyard, istehlak kreditlərinin həcmi isə 6,4 milyard manatdan çoxdur. İstehlak kreditindən yararlanan müştərilərin sayı ildən-ilə artır və onların sayı artıq 2 milyon nəfərə çatmaq üzrədir. Lakin hələ də bu qədər müştərinin hüquqlarını tənzimləyən müvafiq qanun qəbul olunmayıb.
Qeyd edək ki, hazırda istehlakçıların hüquqlarını qoruyan yeganə hüquqi akt - "İstehlakçıların hüquqlarının müdafiəsi haqqında" Qanunun tələbləri bank müştərilərinə şamil edilmir. Belə olan halda da kredit üçün banklara müraciət edən milyonlarla müştərinin hüquqları qanunun təsir dairəsindən kənarda qalır.
Ekspertlər hesab edir ki, bank müştərilərinin hüquqlarını qoruyan qanun qəbul olunmalıdır.
İqtisadçı-ekspert Oqtay Haqverdiyev "Bakı-Xəbər"ə açıqlamasında qeyd etdi ki, istehlakçıların hüquqlarını qoruyan qanunun qəbul olunması vacibdir. Çünki banklar çox hallarda istehlakçının hüququnu pozur:
"Müşahidələr göstərir ki, bir sıra banklar kreditə ehtiyacı olan şəxslərə düzgün olmayan və ya natamam məlumatlar verir. Dövri mətbuatda və şəhərin müxtəlif yerlərində sərfəli şərtlərlə kreditlərin təklif olunduğu reklamlara rast gəlirik. Ancaq banka müraciət etdikdə məlum olur ki, reallıqda kredit şərtləri reklamda göstəriləndən xeyli fərqlənir.
Çünki banka müraciət edən şəxslər ya əlavə komisyon haqqı ödəməli olur, ya da yüksək faizlə kredit götürmək məcburiyyətində qalırlar. Banklar kredit alan vətəndaşla bağladığı müqaviləni birtərəfli qaydada və müştərilərin hüquqlarını nəzərə almadan tərtib edirlər.
Eyni zamanda, bu müqaviləni hazırlayarkən özlərinə daha geniş səlahiyyət verir, istehlakçının səlahiyyətlərini isə məhdudlaşdırırlar. Bundan başqa, sözügedən müqavilələrdə bəzi məsələlər natamam qeyd olunur ki, bu da çox vaxt vətəndaşların aldadılmasına gətirib çıxarır. Nəticədə bank məhsullarının istehlakçısı olan müştərilər çoxlu sayda problemlərlə üzləşir. Bu hüquqları normal müdafiə edən qanun isə yoxdur. Mövcud bank qanunvericiliyi isə kredit təşkilatlarının fəaliyyətini tənzimləyir və daha çox onların hüquqlarını qoruyur".
Həmsöhbətimiz onu da əlavə etdi ki, bəzi hallarda banklar müştərilərə kredit məbləğini dollarla verir, geri alanda isə manatla qəbul edir. Bu məsələdə, təbii ki, istehlakçıların hüquqları pozulur: "Vətəndaşlar bəzən banklardan istədikləri valyuta ilə kredit ala bilmirlər.
Kredit üçün müraciət etdikləri bank əməkdaşları onlara bildirirlər ki, pulu ancaq dollarla verirlər. Təcili pula ehtiyacı olan müştəri isə məcburən onların bu kredit təklifi ilə razılaşır. Bəzi banklar da artıq qazanc əldə etmək məqsədilə ancaq dollarla kredit verməyə can atırlar.
Xarici valyuta ilə verilən kreditlərin faizləri manatla veriləndən daha yüksəkdir. Belə olan halda da, təbiidir ki, xarici valyuta ilə verilən kreditlərdən banklar daha çox qazanc əldə edir. Buna görə də bəzi banklar xarici valyuta ilə kredit verməyə daha çox maraqlıdır, nəinki manatla".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...