Bakıda torpağın bahalaşmasının maraqlı səbəbləri var

Tarix: 17.04.2014 / 08:55
Bölmə: İqtisadiyyat

Mövsümlə əlaqədar olaraq fərdi evlərin inşasında yenidən aktivlik müşahidə olunur. Bu isə, öz növbəsində, tikinti materiallarının və torpağın qiymətində yeni artımların yaşanmasına gətirib çıxarıb. Ekspertlər fərdi evlərin inşasının artımı fonunda qeyd olunan sahələrdə bahalaşmanın hələ qarşıdakı aylar ərzində davam edəcəyini proqnozlaşdırır. Hazırda fərdi ev inşasına marağın çox olması çoxmərtəbəli binalarda mənzillərin baha olmasından irəli gəlir.
Digər tərəfdən, "Tikinti və Şəhərsalma Məcəlləsi"nə ötən il edilən dəyişikliyə əsasən, fərdi yaşayış evlərinin tikintisi ilə bağlı proseslər sadələşdirilib. İndi fərdi ev tikmək istəyən vətəndaş onun layihəsini hazırlayır və həmin layihəni ərizə ilə birlikdə tikintiyə icazə verən quruma göndərir. Tikintiyə icazə verən qurum layihəni nəzərdən keçirir və onun Şəhərsalma Planına uyğun olub-olmadığını yoxlayır. Layihəni alan qurum tikinti sahibinə iradını 3 ay müddətində bildirməlidir. İrad bildirmə tikintiyə icazə verməmək deyil. İrad əsasında göstəriş tərtib olunur və şəxs bu göstərişi yerinə yetirdikdən sonra işə başlayır. Amma bu qayda ancaq mərtəbələrinin sayı 3-dən, hündürlüyü 12 metrdən çox olmayan yaşayış evlərinə aiddir. Ekspertlər isə hesab edir ki, bu cür dəyişikliklər fərdi yaşayış evlərinin tikintisini gözlənildiyi kimi artırır. Bu isə torpağa tələbin artmasına rəvac verir. Qeyd edək ki, onsuz da bu ilin əvvəlindən Bakının torpaq bazarında qiymətlərdə artım müşahidə olunur. Ekspert Nüsrət İbrahimov da vurğulayır ki, son vaxtlar torpaq bazarında aktivlik bu istiqamətə tələbatla bağlıdır. Onun sözlərinə görə, qış fəslinin tədricən sona yetməsi və tikinti sektoru üçün qarşıdan mövsümi ayların gəlməsi, həmçinin şəhərdə növbəti söküntü dalğasının başlanması mövcud bazara öz təsirini göstərib: "Yanvar ayının əvvəlindən "Sovetski" deyilən ərazidə köhnə tikililərin sökülmə qərarı Bakı şəhərinin torpaq bazarında qiymətlərin artması ilə nəticələnib. Amma bu ilin fevral ayında Bakı şəhərinin əksər rayonları üzrə qiymət artımının müşahidə olunmasına baxmayaraq, Abşeron, Nəsimi, Səbail və Nizami rayonlarında qiymət azalması müşahidə olunub. Xəzər, Qaradağ, Sabunçu və Suraxanı rayonlarında isə qiymətlər bahalaşıb". Onun sözlərinə görə, ən çox qiymət azalması mərkəzi rayonlarda qeydə alınıb: "Müşəhidələr isə göstərir ki, qiymətlərin artması bir tərəfdən qış mövsümünün sona yaxınlaşması ilə yanaşı, həm də əhalinin tədricən fərdi tikintiyə üstünlük verməsi ilə əlaqədardır".
Torpaq bazarında aktivlik daha çox şəhərin üçüncü və dördüncü zonalarında artıb. Qiymətlərin və torpağa olan tələbin artması təklif portfelinin həcmində son ayda azalma ilə müşahidə olunub. Zonalar üzrə qiymətlər aktivliyə uyğun olaraq müxtəlif templə dəyişib, mövsümi aylarda olduğu kimi, bütün zonalarda torpaq sahələrində qiymətlərin artımı müşahidə edilib. Ümumən təklifin qıtlığı şəhərin mərkəzi ərazisində davam edir. Bu vəziyyət isə şəhərin mərkəzində boş torpaq sahələrinin azalması və söküntü işlərinin həcminin artması ilə izah olunur.
Şəhərin mərkəzi ərazilərində, xüsusən də birinci və ikinci zonalarda torpaq sahələrinin tədricən məhdudlaşması prosesi gedir. Bu səbəbdən həmin ərazilərdə tikinti və vəsait üçün tələb var, amma təklif, demək olar, yox dərəcəsindədir. Bunun da nəticəsində torpaq bazarında orta qiymətə təsir göstərən qiymət artımları baş verir. İlin əvvəlindən torpaq bazarında özünü göstərən qiymət artımları da daha çox bu amillə əlaqədardır. Hazırda bazarda gedən proseslər bu qiymət artımının davamlı olacağını deməyə əsas verir. Proqnozlara görə, bahalaşma gələn il də davam edə bilər. Cari il ərzində isə torpağın bahalaşmasının 6-8 faiz həddində olacağı gözlənir. Qiymət artımının bir səbəbi isə xarici faktorlarla bağlıdır. Belə ki, torpağın bahalaşması tək Azərbaycanda deyil, ətraf regionlarda da baş verir. Daxili faktora gəldikdə isə, bu da əhalinin gəlirlərinin artması ilə bağlıdır. Yəni yuxarıda qeyd olunduğu kimi, əhali mənzil şəraitini yaxşılaşdırmaq üçün fərdi evlər tikməyə maraq göstərir, bununla əlaqədar torpaq sahələri alır. Nəticədə də torpaq bazarında bahalaşma müşahidə olunur.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...