Azərbaycanda yeni ticarət növünün köhnə problemləri...

Tarix: 16.04.2014 / 09:13
Bölmə: İqtisadiyyat

Son zamanlar onlayn alış-veriş imkanlarının genişləndiyi və asanlaşdığı bir dövrdə bütün dünyada elektron ticarətə maraq və tələbin artdığı halda, Azərbaycanda bu sahə hələ də öz inkişaf səviyyəsinə çatmayıb. Bu sahədə müəyyən irəliləyişlər var, lakin bunu inkişaf etmiş bir sahə kimi qələmə vermək hələ tezdir.
İnkişaf etmiş ölkələrin əksəriyyətində alqı-satqı əməliyyatlarının çoxu elektron formada həyata keçirilir. Azərbaycanda hələlik sözügedən sahədə faiz göstəricisi elə də böyük deyil. Ancaq ilbəil artım müşahidə olunur. Azərbaycanda elektron ticarət haqqında qanun 2005-ci ildə qəbul olunsa da, internetdən istifadənin az olması səbəbindən bu sahədə ilkin addımlar 2008-ci ildən atılıb. Belə ki, Azərbaycanda ilk dəfə internetə çıxış imkanları yarananda istifadəçi sayı çox az idi. Bunun əsas səbəbi internet paketi qiymətlərinin çox baha olması idi. 2009-cu ildən etibarən isə qiymətlər kəskin şəkildə, bir neçə dəfə azaldı və beləliklə, internetdən istifadə edənlərin sayında da kəskin artımlar qeydə alındı. Bu isə e-ticarətlə tanışlığa və e-ticarətin istifadəsinə səbəb oldu.
2014-cü ilin yanvar-mart aylarında elektron pərakəndə ticarət dövriyyəsinin həcmi ötən ilin eyni dövrü ilə müqayisədə 31,0 faiz artaraq 683,7 min manat təşkil edib. Belə ki, bu ilin üç ayı ərzində əhali onlayn rejimi vasitəsilə sifariş verdikləri istehlak mallarının 81,7 faizini hüquqi, 18,3 faizini fiziki şəxslərin ticarət şəbəkələrindən alıb. Bütövlükdə elektron ticarət dövriyyəsinin 91,6 faizini qeyri-ərzaq malları təşkil edib.
Bütövlükdə elektron ticarətdə müşahidə olunan artımı qənaətbəxş hesab etmək olarmı? Nə etmək lazımdır ki, elektron ticarətin çəkisi artsın?
Məsələyə münasibət bildirən İKT üzrə ekspert Şaiq Muradov bununla bağlı bir sıra məqamlara toxundu: "Dünyada bununla bağlı bir neçə tanınmış sayt var. Hansı ki, Azərbaycandan olan istifadəçilər də ondan istifadə edir. Bunlar "İbey" və "Amazon"dur. Yəni bunlar dünya səviyyəli tanınmış və inamlı saytlardır. Digər tərəfdən, Azərbaycanda da elektron ticarətlə məşğul olan saytlar var. Həmin saytlarda alış-veriş zamanı sizin kart məlumatlarınızın və şifrələrinizin təhlükəsizlik təminatını həmin saytlar yox, onların istifadə etdiyi ödəmə sistemləri həyata keçirir. Bizdə bu sahənin çəkisinin aşağı olmasının müxtəlif səbəbləri var. Azərbaycanda elektron ticarətin inkişafının gecikməsinin əsas göstəricisindən biri ölkə əhalisinin az qismində plastik kartların olmasıdır. Baxmayaraq ki, ölkədə 5 milyona qədər plastik kart var. Ancaq bunlardan böyük bir qismi maaş və pensiyaların ödənilməsi məqsədilə vətəndaşlara verilmiş kartlardır. Digər tərəfdən, əhali plastik kartlardan əksər hallarda bankomatlardan nağd pulun çıxarılması məqsədilə istifadə edir. Buna səbəb plastik kartların istifadə edilməsi qaydalarının daha az qavranılması və maarifləndirmə işlərinin zəif olmasıdır. Sözügedən ticarətin inkişaf etməsi və xüsusi çəkisinin artması üçün bu sahədə maarifləndirmə işi gücləndirilməlidir".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...