"Günəşli" qəzasının dənizi çirkləndirdiyinə dair Rusiyanın əsassız inad etməsinin kökləri...

Tarix: 18.12.2015 / 02:18
Bölmə: Gündəm

Rizvan Hüseynov: "Rusiyanın son canfəşanlığı da ekoloji narahatlıqdan deyil, Xəzərə sahiblik iddiasından irəli gəlib"

"Ekoloji fəlakət yaşansaydı, ən tez reaksiyanı İran verərdi"

"Günəşli" yatağında baş verən yanğından sonra Xəzər dənizinin neftlə çirklənmiş ərazisinin böyüməsinə dair Rusiya KİV-inin yaydığı məlumat Azərbaycanın əlaqədar dövlət qurumları tərəfindən təkzib olunur. Bu məlumatı RİA "Novosti" agentliyi "Sentinel-1A" radiolokasiya peykindən aparılan çəkilişlərə istinadən yayıb.

"Dekabrın 13-də Avropanın "Sentinel-1A" radiolokasiya peykindən qəzanın baş verdiyi ərazinin çəkilişləri aparılıb. Şəkildə görünür ki, "Günəşli" yatağının ətrafı neftlə çirklənməkdədir və çirklənmə şimala doğru genişlənir. Çəkiliş zamanı əldə olunan məlumatlar göstərir ki, dekabrın 13-ə çirklənmiş ərazinin sahəsi 300 kvadrat kilometr təşkil edir", - deyə "Skaneks" şirkətinin məlumatında bildirilir.

"Sentinel-1A" peyki vasitəsilə dekabrın 7-də əldə olunan məlumatlara görə, neftlə çirklənmiş ərazinin ümumi sahəsi 200 kvadrat kilometr olub.

SOCAR-ın İctimaiyyətlə əlaqələr şöbəsinin rəhbəri Nizaməddin Quliyev isə açıqlamasında bildirib ki, dərc olunan məlumatlar həqiqəti əks etdirmir. Onun sözlərinə görə, "Günəşli" yatağındakı 10 saylı dərin dəniz özülündə baş vermiş qəza nəticəsində mümkün neft dağılmalarının və yarana biləcək ekoloji fəsadların qarşısını almaq məqsədilə dekabrın 4-də, yəni qəzadan dərhal sonra Fövqəladə Hallar, Ekologiya və Təbii Sərvətlər nazirlikləri, SOCAR və BP şirkətlərinin mütəxəssislərindən ibarət birgə İşçi Qrupu yaradılıb. İşçi Qrupu tərəfindən tərtib olunan Tədbirlər Planı çərçivəsində əraziyə əlavə olaraq 6 gəmi cəlb olunub. Onlardan 4-ü artıq mümkün neft dağılmalarının və yayılmasının qarşısını almaq məqsədilə xüsusi bonları su səthinə düzüb.

O bildirib ki, bu bonlar neft dağılmalarının və yayılmasının qarşısını alır, onlara yığılan neft nasoslar vasitəsilə gəmilərə doldurulur və utilizasiya üçün xüsusi məntəqələrə çatdırılır. Bununla da mümkün ekoloji fəsadların qarşısı əvvəlcədən alınmış olur.

N.Quliyev əlavə edib ki, yanan neft quyusu söndürülüb və neft dağılmaları təhlükəsi tamamilə aradan qalxıb.

"Azərkosmos" ASC-nin Korporativ kommunikasiya departamentinin direktoru Aysel Soltanova isə saytın sorğusuna cavab olaraq bildirib ki, milli peyk operatorunun bu məsələ ilə bağlı mövqeyi SOCAR-la üst-üstə düşür: "Biz SOCAR-a həm optik, həm radar təsvirləri, həm də digər lazımi məlumatları vermişik. Bu məlumatlara əsasən, dekabrın 13-də həmin məlumatlar ictimaiyyətə açıqlanıb. Bizim də mövqeyimiz onların açıqladığı mövqe ilə üst-üstə düşür. Bizim mütəxəssislər SOCAR-ın mütəxəssisləri ilə əməkdaşlıq şəraitində çalışır".

Rusiya KİV-inin belə yanlış məlumat yaymasında hansı məqsəd ola bilər?

Ekoloq Rizvan Hüseynov qəzetimizə açıqlamasında bildirdi ki, 300 kvadrat kilometr ərazinin çirklənməsi ciddi məsələdir: "Bu, qlobal bir ekoloji fəlakət anlamına gələ bilər ki, buna da tək Rusiya deyil, bütün dünya reaksiya verər. Bir neçə il əvvəl iddia edilən həcmdə olan bir fəlakət BP-yə məxsus platformada baş vermişdi. Amerika qitəsinə yaxın ərazidə baş verən fəlakətin aradan qaldırılmasına bütün dünya səfərbər edildi. SOCAR oradakı ekoloji vəziyyətlə bağlı ciddi arqumentlərə əsaslanan məlumat yaydı. Son durumun əks edildiyi həmin fotolar kosmosdan çəkilmişdi. Məlum olur ki, yayılan məlumatlar arasında ciddi təzad var. Bilirsiniz ki, Xəzərə iddiası olan 5 dövlət var. Belə bir fəlakətə ilk növbədə onların özü narahat olar. Ən tez reaksiyanı isə İran verərdi. Xəzərin statusu ən mühüm məsələlərdən biri kimi 5 ölkə arasında tam həllini tapmayıb. Biz tez-tez Xəzərdə bəzi dövlətlərin əzələ nümayişini də görürük. Hesab edirəm ki, Rusiyanın son canfəşanlığı da ekoloji narahatlıqdan deyil, Xəzərə sahiblik iddiasından irəli gəlib".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...