Azərbaycan Mətbuat Şurası ilə Avropa Şurasının Bakıda geniş seminarı başladı

Tarix: 18.12.2015 / 01:46
Bölmə: Gündəm

Dekabrın 17-də Holiday İnn otelində Avropa Şurasının Bakı ofisinin təşkilatçılığı ilə "Azərbaycanda Ifadə Azadlığı və Media Azadlığı" layihəsi çərçivəsində "Ifadə Azadlığı: Jurnalistlərin Təhlükəsizliyi, Gender Bərabərliyi və Media" mövzusunda iki günlük Dəyirmi Masa öz işinə başlayıb.

Azərbaycan media təmsilçiləri üçün keçirilən tədbirin birinci hissəsində Azərbaycan və xarici ölkələrdən gələn ekspertlər çıxışlar etdi. Onlar ifadə azadlığı, jurnalist təhlükəsizliyi, gender bərabərliyi və media barədə respublikamızın qanunvericiliyində, eləcə də Avropa Şurasının sənədlərində əks olunan tələblərdən danışdılar. Dəyirmi Masada Mətbuat Şurasının sədri, millət vəkili Əflatun Amaşov çıxış edərək, tədbirin keçirilməsini yüksək qiymətləndirdi. Mövzunun aktuallığına diqqət çəkən Ə.Amaşov qeyd etdi ki, ifadə azadlığı, jurnalist təhlükəsizliyi, gender bərabərliyi məsələsi hər zaman müzakirə edilir. Şura sədrinin bildirdiyinə görə, ölkəmizdə jurnalistlərin informasiya almaq, toplamaq, yaymaq hüququ var və buna qarşı senzura yolverilməzdir. Azərbaycan mediasının inkişafından danışan Ə.Amaşov bildirdi ki, Azərbaycanda yeni media formalaşıb-internet jurnalistikası: "Bilirsiz ki, əvvəllər insanlar informasiyanı radio, televiziya və qəzetlərdən alırdı, indi isə interdən alırlar. Hazırda isə sosial şəbəkələrdən məlumat alanların sayı çoxalıb. Artıq dünyanın tanınmış insanlarının çoxu sosial şəbəkələr vasitəsilə fikirlər bildirir". Ə.Amaşov qeyd etdi ki, etiraz aksiyaları və hərbi əməliyyatlar zamanı jurnalistlərin təhlükəsizliyi məsələsinə xüsusi əhəmiyyət verilir. Bu məsələ ilə bağlı Mətbuat Şurasında monitorinq qrupu yaradılıb, bu qrup hadisənin harada baş verməsindən asılı olmayaraq hadisə yerinə gedir, qarşıya çıxan çətinliyi aradan qaldırır. Azərbaycanda gender bərabərliyi sahəsində heç bir problem olmadığını qeyd edən Ə.Amaşov Şərqdə ilk dəfə qadınlara seçki hüququnun ölkəmizdə verildiyini bildirdi.

Dəyirmi Masada Prezident Adminstrasiyasının təmsilçisi Vüqar Səlimov bu sahədə həyata keçirilən dövlət siyasətindən danışdı. Azərbaycanda mətbuatın azadolduğunu, ifadə azadlığının təmin olunduğunu bildirən V.Səlimov onu da qeyd etdi ki, siyasi mövqeyindən asılı olmayaraq, dövlət bütün media qurumlarına eyni qaydada yanaşır. Dövlət rəsmisi qeyd etdi ki, hər bir jurnalist ifadə azadlığının verdiyi imkanlardan istifadə edərək informasiya əldə edib yaya bilər. Bunun demokratik cəmiyyətin göstəricisi olduğunu vurğulayan V.Səlimov ölkəmizdə gender bərabərliyi sahəsində problemin olmadığını dedi.

Dəyirmi Masada çıxış edən Avropa Şurasının Azərbaycan ofisi rəhbərinin müavini Teymur Malik -Aslanov layihə haqqında danışarkən bildirdi ki, bu layihənin həyata keçirilməsində məqsəd daxili qanunvericiliyi Avropa Şurasının standartlarına uyğun daha da təkmilləşdirməkdir. O qeyd etdi ki, bu tədbir həyata keçirilən layihənin 3-cü tədbiridir.

Tədbirdə Ombudsman Aparatının rəhbəri Aydın Səfixanlı isə çıxışında qeyd etdi ki, ifadə azadlığı, jurnalist təhlükəsizliyi və gender bərabərliyi ilə bağlı Avropa Şurasına çox aktivliyi ilə seçilir. O vurğuladı ki, jurnalistlərin məlumat əldə edib yaymaq, vətəndaşların isə hadisələrlə bağlı informasiya almaq hüququ var. Bu sahədə Azərbaycanda bir neçə hüquqi sənəd qəbul edildiyini deyən Aparat rəhbəri bu sənədlərin əhəmiyyətini qeyd etdi.

Dəyirmi Masada çıxış edə Ailə, Qadın və Uşaq Problemləri üzrə Dövlət Komitəsinin mətbuat xidmətinin rəhbəri Elgün Səfərov bildirdi ki, ölkəmizdə gender bərabərliyi qorunur və Azərbaycan MDB-də yeganə dövlətdir ki, büdcəmizdə gender büdcəsi əks olunub. Qadınların vəzifələrdə təmsil olunmasından danışarkən E.Səfərov qeyd etdi ki, 29 faiz qadın bələdiyyə rəhbərliyində təmsil olunur, 79 rayonun Icra hakimiyyəti başçısının müavinləri qadındır, Naxçıvan Muxtar Respublikanın mədəniyyət və turizm naziri qadındır.

Dəyirmi masanın "İfadə azadlığı: Jurnalistlərin təhlükəsizliyi" ilə bağlı hissəsində hüquq üzrə fəlsəfə doktoru Dr Cavid Qədirov "Ifadə azadlığı və AİHK-nın 10-maddəsi"mövzusunda çıxış etdi. O, ifadə azadlığı haqqında maddədə göstərilən əhatə olunan azadlıq və məhdudiyyətlərdən danışdı.

Tədbirdə çıxış edən Ombudsman Aparatı təmsilçisi Dr Zaur Əliyev "Azərbaycan qanunvericiliyində ifadə azadlığı" mövzusunda çıxış etdi. O bildirdi ki, ifadə azadlığı Azərbaycan Konstitusiyasının iki maddəsi-47 və 50-ci maddələrdə öz əksini tapıb.

"Jurnalistlərin təhlükəsizliyi və cəzasızlıq" mövzusunda danışan Jurnalist Həmkarlar İttifaqının sədri Müşfiq Ələsgərli müxtəlif dövlətlərdə jurnalistlərin informasiya almaq sahəsində üzləşdiyi təhlükələrdən, bu zaman baş verən ölüm hadisələrindən, bir çox hallarda jurnalistlərə zərər vuranların cəzasız qalmasından danışdı. Bunun yolverməz olduğunu deyən M.Ələsgərli vurğuladı ki, Azərbaycanda indiyə qədər peşə fəaliyyəti ilə bağlı 8 jurnalist həyatını itirib.

Tədbirdə ifadə azadlığı mövzusunda video nümayiş etdirildi və bu ətrafda müzakirə aparıldı. Videoçarxı təqdim edən Avropa Şursı eksperti Dr Biserra Zango da mövzu ətrafında danışdı.

Dəyirmi masada, həmçinin, "Jurnalistikanın müdafiəsi və jurnalistlərin təhlükəsizliyinin təşfiqi platforması mövzusunda Avropa Şurası təmsilçisi Leyla Marşania, Məhkəmə praktikası haqqında isə Pərvanə Bayramova danışdı. Müstəqil ekspert Seymur Kazımovun çıxışı isə "Etiraz aksiyalarını və hərbi əməliyyatları işıqlandırarkən jurnalistlərin təhlükəsizliyi" mövzusuna həsr olunmuşdu. Tədbir dekabrın 18-də davam edəcək.

İradə SARIYEVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...