MTN - dövlətçilikdə struktur islahatlarının davamı və tərkib hissəsi kimi...

Tarix: 16.12.2015 / 02:20
Bölmə: Gündəm

İlqar Hüseynli: "Struktur islahatlarının bundan sonra da davam etdirilməsi zəruridir"

"Elə qurumlar var ki, onların ayrıca struktur kimi fəaliyyət göstərməsi məqsədəuyğun deyil"

İdarəetmənin səmərəliliyini, effektliyini artırmaq üçün bu sahənin yenilənməsi prioritet təşkil etməlidir. Bu mənada struktur islahatı təkcə maliyyə çatışmazlığı ilə bağlı həyata keçirilməli deyil, dövlət orqanlarında ardıcıl və fasiləsiz xarakter daşımalıdır.

Görünən odur ki, Prezident İlham Əliyev bütün bunların fərqindədir və aparılan məqsədyönlü siyasətə uyğun olaraq struktur islahatlarının aparılmasında qətiyyətlidir. O, Dövlət Torpaq və Xəritəçəkmə Komitəsinin ləğvi haqqında fərman verəndə bu addım böyük dəstəyə səbəb oldu. Görünən odur ki, neftin ucuzlaşması struktur islahatlarının başladılmasını zərurətə çevirib. Müəyyən funksiyaları yerinə yetirmək üçün ayrıca qurumlara ehtiyac yoxdur.

Azərbaycanda iqtisadiyyatın idarə olunması mexanizmini təkmilləşdirmək üçün struktur islahatına böyük ehtiyac var. Bu həm büdcə xərclərinin səmərəliliyini artırmaq, həm də idarəetməni yaxşılaşdırmaq üçün vacib sayılır. Digər tərəfdən, dövlət qurumlarının daha çevik işləməsi baxımından bunun müsbət əhəmiyyəti var. Məlum olduğu kimi, son dövrlər struktur islahatlarını özündə ehtiva edən bir sıra addımlar atılıb. Bəzi qurumlarda ilk dəfə olaraq birinci müavin postu təsis olunub. Parlamentdə bir sıra yeni komitələr yaradılıb. Prezidentin Fərmanı ilə bir-birini təkrarlayan iki pedaqoji profilli ali məktəb birləşdirilib. Belə ki, Azərbaycan Müəllimlər İnstitutu ləğv edilərək Azərbaycan Dövlət Pedaqoji Universitetinə birləşdirilib. Ən nəhayət, dövlət başçısı Milli Təhlükəsizlik Nazirliyinin əsasında iki qurum yaradılması barədə Fərman imzalayıb. Belə ki, Prezident İlham Əliyev Azərbaycan Respublikasının Dövlət Təhlükəsizliyi Xidmətinin və Azərbaycan Respublikasının Xarici Kəşfiyyat Xidmətinin yaradılması haqqında Fərman imzalayıb. Ümumilikdə bu kimi struktur dəyişiklikləri prosesi davam etdirilməlidirmi?

Sözügedən məsələni dəyərləndirən ekspert İlqar Hüseynlinin fikrincə, bundan sonra da bənzər struktur islahatları həyata keçirilməlidir: "İndiki dövrdə bu olduqca zəruri məsələdir. Bu həm xərclərin optimallaşdırılması, həm də dövlət idarəçiliyinin səmərəli və effektiv işləməsi baxımından əhəmiyyətlidir. Bu zaman dövlətin həm xərc yükü azalacaq, həm də müvafiq qurumların çevik fəaliyyət göstərməsi üçün normal şərait yaranacaq. Hələ də bəzi dövlət qurumları var ki, onların bəzi şöbələri bu və ya digər dərəcədə bir-birini təkrarlayır. Bu da ümumən idarəçiliyə mənfi təsir göstərir. O baxımdan struktur islahatlarının bundan sonra da davam etdirilməsi zəruridir. Köhnə qurumların bazasında yaradılan yeni strukturların iş fəaliyyəti müasir dövrün tələblərinə uyğun qurulmalıdır. Fikrimcə, buna xüsusi diqqət etmək lazımdır. Digər tərəfdən, elə qurumlar var ki, onların ayrıca struktur kimi fəaliyyət göstərməsi məqsədəuyğun deyil. Məsələn, "Azərenerji" QSC Energetika Nazirliyi ilə birləşdirilməlidir. Sözügedən qurumun ayrıca fəaliyyət göstərməsi əlavə xərcdir. Bu kimi digər qurumlar da var ki, orada ciddi struktur islahatlarının aparılmasına ehtiyac var".

Vidadi ORDAHALLI

DİGƏR XƏBƏRLƏR

Tarix: 16.06.2026 / 18:39

Cənubi Koreya millisi medianı boykot qərarı verdi - Dünya Kuboku bitənə kimi…

Tarix: 16.06.2026 / 17:47

Köçəryanın ölkədən çıxışına imkan verilmədi, hava limanında sənəd yoxlanışı görüntüləri mediaya sız(dırıl)dı

Tarix: 16.06.2026 / 06:15

ABŞ-nin Ermənistana marağının uzun bir tarixi varmış - ekspert sonu TRİPP-ə bağladı

Tarix: 09.06.2026 / 12:34

Özgür Özelin təklifi Kılıçdaroğlunu çaşdırdı...

Tarix: 09.06.2026 / 12:10

Özgür Özəlin Ərdoğana cavabı bütün Türkiyənin gündəminə çevrildi...

Tarix: 09.06.2026 / 07:02

Köçəryan seçkinin nəticələrinə inanmır - etirazlar gündəmdə…

Tarix: 05.06.2026 / 10:57

Bizim ölkənin adı "Ştrafıstan" deyil - Prezident etiraz etdi, deputat "dala verdi"...

Tarix: 04.06.2026 / 19:56

Özgür Özəllə Klıcdaroğlunun şok telefon danışığı yayıldı...

Tarix: 04.06.2026 / 19:31

Ankarada “Ortaq Türk mirası: Qərbi Azərbaycanın və Qars bölgəsinin milli geyim mədəniyyəti” tədbirləri keçirildi

Tarix: 03.06.2026 / 09:10

İrəvanın verilməsinə qarşı çıxanlar...

Tarix: 02.06.2026 / 16:04

Narkoloji tibbi qeydiyyat barədə arayışı da ASAN Xidmət verəcək - FƏRMAN

Tarix: 02.06.2026 / 09:41

Aİ ölkələri Orta Asiyada qaçqın mərkəzləri yaradır? - Qazaxıstan təkzib etdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 11.06.2026 / 16:47

Baş həkimə illər öncə açılmış cinayət işi yenidən təzələndi...

Tarix: 11.06.2026 / 11:52

Avropa Komissiyasından Trampın kürəkəninə ağır zərbə - "dayandırın"...

Tarix: 11.06.2026 / 11:03

Ümumi daxili məhsulla bağlı maraqlı vəziyyət yarandı - həm müsbət, həm də mənfi tərəfləri var...

Regionların tərəqqisində Qarabağ və Şərqi Zəngəzurun xüsusi çəkisi sürətlə artır