Sosial şəbəkələr də boşanmaların səbəbi imiş...

Tarix: 12.05.2015 / 04:13
Bölmə: Sosial

Mehriban Zeynalova: «Virtual aləm ailəni yarada da bilir, dağıda da»

Könül Vaqifqızı: «Son illərdə internetin sürətlə yayılması evli insanların yaşadığı problemlərin arasına birini də əlavə edib»

Bu gün internetdən müxtəlif məqsədlər üçün istifadə edilir. İnternetdə ciddi iş əlaqələri, dostluq, əyləncə, oyunlar kimi çoxlarının istifadə etdiyi saytlarla yanaşı, internet üzərindən qurulan evliliklər, aldatmalar kimi hadisələrə də sıx rast gəlinir. İnternet əslində çox faydalı bir texnologiya vasitəsidir, ancaq zamanla internet asılılığı artmağa başladı ki, insanın ətrafında tapa bilmədiyi məlumatı, yaxud əyləncəli şəraiti internetdə tapması bu asılılıqda aktiv rol oynadı.

Ancaq internet istifadəsinin genişlənməsi bəzi problemləri də özü ilə birlikdə gətirdi. Məsələn, dostluqlar artıq internet üzərindən davam etdiyi üçün heç kim əvvəlki kimi birlikdə vaxt keçirməyə maraq göstərmir. Bu vəziyyət isə insanların cəmiyyətdən təcrid olunmasına gətirib çıxarır. Məsum bir şəkildə başlayan internet istifadəsində pis niyyətli, maddi və digər məqsəd daşıyan minlərcə tələnin olduğu, onlara qarşı diqqətli olmağın vacibliyi unudulmamalıdır. Əks təqdirdə sonu peşmanlıq ilə bitən hadisələr də yaşana bilər.

Aparılan araşdırmalara görə, son zamanlar artan boşanmaların bir səbəbi sosial şəbəkələrdir. Mütəxəssislərin fikrincə, insanlara yeni dostlar tapan, köhnə dostlarla görüşdürən bu cür saytlar evlilikləri təhlükəyə gətirib çıxarır. ABŞ-da hazırlanan bir məlumata görə, burada hər 6 boşanma ərizəsinin birində «Facebook» adı öz əksini tapıb. Bu saytlar evliliklərdəki problemlərin daha da böyüməsinə səbəb olur. Hətta mütəxəssislər belə fikirdədir ki, internet asılılığı səbəbindən həyat yoldaşları bir-birinə qarşı məsuliyyətsiz davranır. Bu gün bir faktdır ki, internet asılılığı səbəbilə eyni evi bölüşən şəxslər bir-birilə danışmağa vaxt ayırmır, vaxtın necə keçdiyini bilmədən, ekran qarşısında sabahı qarşılayır, ailəsinə ayırmalı olduğu vaxtı internetə sərf edir. Bu gün dünyada boşanmaq istəyən 10 ailədən 7-nin boşanma səbəbi ailədə bir-birinə olan marağın virtual aləmdə münasibətlərdən əldə etdiyini zənn etməsidir.

«Təmiz Dünya» İctimai Birliyinin sədri Mehriban Zeynalova bildirdi ki, virtual aləm ailəni yarada da bilir, dağıda da: «Virtual aləmi insanların bir-birilə canlı ünsiyyətinə mane olan ən ciddi amil kimi qəbul edirəm. Rayon yerlərində virtual aləmə qədəm qoyan qadınlar artıq düzgün qəbul olunmur. Lakin məsələ virtual aləmin insanı mənfi yola çəkməsi deyil, yanlış informasiyaların daxil olması, neqativ yükün çoxluğu və eləcə də insanın bu çevrədən uzaqlaşa bilməməsidir. Hətta bununla bağlı artıq müəyyən karikatura da yaranıb. Mən hesab edirəm ki, virtual aləm bəzən ailələrin də xoşbəxtliyini əlindən ala bilir. Yersiz qısqanclıq, söz-söhbətlər, yersiz təkliflər də baş verir. Amma təbii ki, virtual aləm vaxt baxımından iş üçün ən əlverişli vasitədir. Lakin biz daha çox ifrata varmağı sevdiyimizdən, bu çərçivələri özümüz üçün müəyyən edə bilmirik. Biz informasiya bolluğunda bəsitləşirik».

Psixoloq Könül Vaqifqızı isə qeyd etdi ki, internet asılılığının yaranması ailəvi problemlər, iş və müvəffəqiyyətin səmərəsinin aşağı düşməsinə gətirib çıxarır, sonrakı mərhələdə isə həmin şəxs özünü psixoloji problemlərin içərisində tapa bilər: «Bu böyük təhlükənin fərqinə varmaq və bunun xəstəlik olduğunu çox yaxşı dərk etmək lazımdır. Son illərdə internetin sürətlə yayılması evli insanların yaşadığı problemlərin arasına birini də əlavə edib. Bu, internetdə əks cinslə söhbət etməkdir. Məsələn, kişilər öncə maraq hissilə yeni insanlarla tanış olub özünü gizlədərək sonra daha sıx danışmağa və nəhayət, yoldaşlarını aldatmağa başlayır. Ümumiyyətlə, əks cinslə internetdə danışma marağının ən böyük səbəbi həyat yoldaşları arasındakı ünsiyyətsizlikdir. Virtual aləmdə tanımadığı insanlarla sərhədsiz mövzuda danışmaq insanlara maraq və macəra duyğuları yaşadır. Bu gün evli şəxslər boşanmaq üçün «sözümüz uyğun gəlmir» şikayətilə daha çox müraciət edirlər, çünki bir-birinin ehtiyaclarını aradan qaldıra biləcək şəkildə ünsiyyət qura bilmirlər. İri şəhərlərdə insanlar davamlı çalışır və hər iki tərəfin çalışması vəziyyəti daha da çətinləşdirir. Bu zaman həyat yoldaşından görmədiyi yaxınlığı virtual bir insandan görən kişi, yaxud qadın artıq fikrini ona yönləndirir. Ailəsinə laqeyd yanaşır ki, bu üzdən də boşanırlar. Digər tərəfdən baxsaq, bir növ bu cür problemlər onlara evliliklərini gözdən keçirmələri üçün bir fürsətdir ki, onlar münasibətlərini düzəldə bilər. Ancaq inam hissi itibsə, onu bərpa etmək çox çətindir. Bu vəziyyət evlilik üçün bir travmadır».

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...