Bakıda yoxlamadan pis çıxmış dönərxanaların taleyi...

Tarix: 08.05.2015 / 01:51
Bölmə: Sosial

İmran Abdullayev: "Bu ay keçirilən reydlər zamanı paytaxtda 4 dönərxana bağlanıb"

Eyyub Hüseynov: "Hazırda 80 faiz dönərxanada standartlara uyğun dönərdən istifadə olunmur"

Xəbər verildiyi kimi, Səhiyyə Nazirliyinin Dövlət Sanitariya Nəzarəti Xidməti əməkdaşları paytaxt dönərxanalarında reydlər keçirib. Reydlər zamanı xoşagəlməz faktlar aşkar olunub. Gigiyena və Epidemiologiya Mərkəzinin qidalanma şöbəsinin müdiri İmran Abdullayev mediaya açıqlamasında bildirib ki, reydlər zamanı qanunsuz fəaliyyət göstərən, sanitariya qaydalarını kobud pozan, toz-torpaqlı yerlərdə "fast-food", dönər kimi qida məhsullarının satışının qarşısı alınacaq:
"Öncədən həmin yerlər müəyyən ediləcək. Mövcud nöqsanların aradan qaldırılması ilə bağlı onlara göstərişlər veriləcək. Əgər problemlərin aradan qaldırılması mümkün olmasa, həmin obyektlər qeyri-şərtsiz bağlanacaq".
Qurum rəsmisi bildirib ki, toyuq ətindən hazırlanan dönər qadağası hələ də öz qüvvəsindədir. Onun sözlərinə görə, bu qadağanın aradan qaldırılması ilə bağlı çoxlu müraciətlər daxil olub: "Toyuq ətində infeksiyalaşma daha tez getdiyi üçün ondan dönər hazırlanması qadağandır. Bu qadağanın aradan qaldırılması üçün müraciətlər çox olsa da, hələlik həmin qadağanan aradan qaldırılması məsələsi gündəmdə deyil. Sanitariya qaydalarına tam şəkildə riayət olunarsa, ola bilər ki, həmin qadağa aradan qaldırılsın".
Qeyd edək ki, iaşə obyektlərində mütəmadi olaraq bü kimi reydlər keçirilir. Reydlər zamanı bəzi obyektlərdə qanunsuzluq halları aşkar olunur.
Qanunsuzluq halları aşkar olunan dönərxana və ya digər iaşə obyekti necə cəzalandırılır?
Gigiyena və Epidemiologiya Mərkəzinin qidalanma şöbəsinin müdiri İmran Abdullayev bizimlə söhbətində bildirdi ki, bu ay keçirilən reydlər zamanı paytaxtda 4 dönərxana bağlanıb: "Bağlanan dönərxanaların hamısında nöqsanlar var. İmkan daxilində həmin sahədə problemlər aradan qaldırılacaq. Avropa Oyunları yay ayına təsadüf etdiyi üçün sərinləşdirici içkilər və dondurmaya olan tələbat da artacaq. Tələb artdığı üçün bu sahədə yarana biləcək qüsurların aradan qaldırılması üçün reydlərə başlanıb. Su, sərinləşdirici içki, dondurma satan və istehsal edən obyektlərlə bağlı reydlər keçiriləcək. Yollarda bulka, peraşki və digər qida məhsullarının satışı da qadağandır. Buna da imkan yaradılmayacaq".
Azad İstehlakçılar Birliyinin (AİB) sədri Eyyub Hüseynov qeyd etdi ki, hazırda ölkədə bir-iki müəssisə standartlara cavab verən dönər hazırlayır. O müəssisələrdən biri Bakıda yerləşən "Azbanvit" şirkətidir. Orada heyvanların saxlanma, kəsilmə və dönərə çevrilməsi yerinin arası cəmi 10 metrdir. Yəni həmin ətlər heç yerdə çirklənmir və canlı heyvanlar göz qabağında kəsilir. Standartlaşdırma Metrologiya və Patent üzrə Dövlət komitəsi toyuq dönərləri standartı da hazırlayıb və tətbiq etməyə çalışır. Lakin Səhiyyə Nazirliyi 2005-ci ildən toyuq dönərlərinin bişirib satılmasını qadağan edib. Azad İstehlakçılar Birliyinin monitorinqləri göstərir ki, 85 faiz yerlərdə toyuq dönərləri bişirilir. Baxmayaraq ki, dövlət orqanının bu barədə qadağası var. Bu barədə səhiyyə naziri Oqtay Şirəliyevə məktub göndərdik ki, həmin süni qadağanı aradan qaldırsınlar. Onsuz da həmin toyuq dönərinin satışı həyata keçirilir. Həm də bilinir ki, bu, toyuq ətidir. Amma digər dönərlərin mənşəyi məlum deyil. Müvafiq qurumdan isə cavab aldıq ki, hələ qadağanın aradan qaldırılması məsləhət görülmür".
E.Hüseynov sonda onu da vurğuladı ki, hazırda 80 faiz dönərxanalarda standartlara uyğun dönərdən istifadə olunmur və həmin bişirilən yerlər də standartlara uyğun deyil: "Bunu apardığımız monitorinqlərə əsaslanaraq deyə bilərik".

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...