MTN-in tutduğu "İŞİD"çi azərbaycanlıların xüsusi missiya ilə qayıdış ehtimalları...
.jpg?v=1520254601)
Məlum olduğu kimi, Milli Təhlükəsizlik Nazirliyi tərəfindən həyata keçirilmiş əməliyyat-axtarış tədbirləri nəticəsində Azərbaycanın qanunvericiliyi ilə nəzərdə tutulmayan silahlı birləşmələr və ya qruplar yaratma, eləcə də onların yaradılmasında və fəaliyyətində iştirak etmə, onları silahla, döyüş sursatı ilə, partlayıcı maddələrlə, hərbi texnika ilə, yaxud əsgəri ləvazimatla təchiz etmə, habelə tərbiyə etmək vəzifəsini daşıyan şəxs kimi yetkinlik yaşına çatmayan şəxsi ağır cinayətin törədilməsinə cəlb etmə və başqa hüquqazidd əməllərin törədilməsinə görə ümumilikdə 26 nəfər həbs olunub.
Milli Təhlükəsizlik Nazirliyinin İctimai Əlaqələr Mərkəzindən verilən məlumata görə, Azərbaycan vətəndaşı -Yusifov Firdovsi Soltan oğlu, Soltanov Taleh Əzizağa oğlu, Həsənli Vilayət Ələsdan oğlu, Musayev Malik Elçin oğlu, Hacıyev Vasif Orduxan oğlu, Babazadə İlkin Aydın oğlu, Balakişiyev Mehman Pirbala oğlu, Mustafayev Ruslan Azər oğlu, Məmmədov Namiq Firdovsi oğlu, Muradov Fərid Arif oğlu, Həsənov Tural Namiq oğlu, Əliyev Elvin Vilayət oğlu, Mustafayev Tariyel Tapdıq oğlu, Qəmbərov Azər Asim oğlu, Bayramov Vüsal Qabil oğlu, Həşimov Samir Samid oğlu, Abbasov Nicat Faiq oğlu, Məmmədov Hüseyn Xəqani oğlu, Cəfərov Ruslan İlham oğlu, Baxışov Sənan İlqar oğlu, Quliyev Eldost Firudin oğlu, Məmmədəliyev Məmmədşah Ağaşah oğlu, Həsənov Əhməd Elxan oğlu, Mərdanov Maarif İrşad oğlu, Dursunəliyev Vüqar Əhəd oğlu və Qurbanlı Elşən Əbülfət oğlu şübhəli şəxs qismində tutulublar.
Faktlarla bağlı Milli Təhlükəsizlik Nazirliyi İstintaq Baş İdarəsi tərəfindən AR Cinayət Məcəlləsinin 12.1, 279.1-ci və 170.3-cü maddələri ilə cinayət işləri başlanıb. Adları qeyd edilənlər təqsirləndirilən şəxs qismində cəlb olunaraq məhkəmənin qərarları ilə barələrində həbs-qətimkan tədbiri seçilib.
Müxtəlif radikal qruplaşmaların tərkibində döyüşmüş bu insanlar Azərbaycana məqsədli şəkildə göndərilə bilərdimi? Milli Təhlükəsizlik Nazirlyinin sabiq əməkdaşı Arzu Nağıyev qəzetimizə açıqlamasında bildirdi ki, MTN-nin keçirdiyi bu əməliyyatı sırf "İŞİD"in adı ilə bağlamaq doğru olmazdı. Müsahibimizin sözlərinə görə, 2011-ci ildən MTN tərəfindən bütün radikal dini təşkilatların Azərbaycandakı qruplaşmalarına qarşı bir neçə əməliyyat keçirilib": Azərbaycandakı kriminogen vəziyyətə və təhlükəsizlik məsələsinə ciddi nəzarət olunur. Azərbaycan elə bir ölkə deyil ki, burada asanlıqla terror və ya başqa tədbirlər keçirilə bilsin. Suriyada və digər ölkələrdə bu şəraiti yaradan qüvvələr vardı. Onların da qurduğu şəbəkənin toruna düşənlərin sonu belə olur. Azərbaycanda sərhədi keçən istənilən adama ciddi nəzarət edilir. Onların Azərbaycanda həbs edilməsi heç də burada hansısa teraktları planlaşdırmaq anlamına gəlmir. Məlumatlardan da görünür ki, həmin şəxslərin hamısı Azərbaycan vətəndaşıdır. Onlar gizli yolla gedib Suriyada və başqa yerlərdə vuruşaraq bir qədər maliyyə əldə etdikdən sonra Azərbaycana dönüb həmin pulları xərcləmək istəyirmişlər. Azərbaycanda həmin qüvvələrdən istifadə üçün şərait yaranmalıdır. Böyük dövlətlər həmin qruplaşmaları dəstəkləməsə, onlar nəyəsə nail ola bilməz. "İŞİD"i süni surətdə şişirdiblər. Onun tərkibində bir sıra narazı olan elektorat birləşib. Ən böyük bədbəxtçilik də həmin kiçik qruplaşmanın adını dövlət qoyması ilə bağlı oldu".
.jpg%3Fv%3D1520254601%22%2C%22iframe_v2%22%3Afalse%2C%22iframe_v3%22%3Afalse%2C%22t%22%3A0%2C%22cg%22%3A%7B%22isPrivate%22%3Atrue%2C%22browserName%22%3A%22Chromium%22%7D%7D%2C%22config%22%3A%7B%22page_url%22%3A%22https%3A%2F%2Fwww.baki-xeber.com%2Fsiyaset%2F8611.html%22%2C%22referrer%22%3A%22%22%2C%22user_id%22%3A%22e9d6feec-c1fa-4f03-9c47-6962a5f8babb%22%7D%7D&cb=0.7185953194554118){kind=spacer}
.jpg%3Fv%3D1520254601%22%2C%22iframe_v2%22%3Afalse%2C%22iframe_v3%22%3Afalse%2C%22t%22%3A0%2C%22cg%22%3A%7B%22isPrivate%22%3Atrue%2C%22browserName%22%3A%22Chromium%22%7D%7D%2C%22config%22%3A%7B%22page_url%22%3A%22https%3A%2F%2Fwww.baki-xeber.com%2Fsiyaset%2F8611.html%22%2C%22referrer%22%3A%22%22%2C%22user_id%22%3A%227f6322ec-5537-4bfc-9069-5776dc658b5b%22%7D%7D&cb=0.13640658840147601){kind=spacer}