Azərbaycanda əhalinin sosial-siyasi, mədəni fəallığı təkcə seçki dövrlərində deyil, qeyri-seçki dönəmlərində də öz aktuallığını saxlayır. Bizim cəmiyyətin aktivliyi özünü bütün məsələlərdə göstərə bilir. İnsanlarımız sosial, siyasi, ictimai, mədəni məsələlərdə mütəmadi olaraq özünü ifadə edir.
Qeyri-seçki dövrlərində, yəni seçki olmayan dövrlərdə əhalinin sosial, siyasi fəallığının artırılmasında ölkədə keçirilən yerli və müxtəlif beynəlxalq, dövlətlərarası tədbirlərin, mədəni, siyasi, diplomatik, humanitar xarakterli toplantıların, konfransların nə kimi rolu var?
Müstəqil ekspertlərin fikrincə, Azərbaycan əhalisi ictimai-siyasi proseslərdə hər zaman önə çıxa bilir və onların yaxın iştirakçısına çevrilir. Ölkəmizin uzun illərdir həm regional, həm yerli, həm də beynəlxalq tədbirlərə, forumlara, humanitar-mədəni toplantılara ev sahibliyi etdiyini önə çəkən ekspertlər qeyd edirlər ki, bu tədbirlər insanlarımızın da maariflənməsinə, inkişafına müsbət təsir göstərir. Xüsusən də qeyri-seçki dövrlərində belə tədbirlərin keçirilməsi vətəndaşların siyasi mədəniyyətinin formalaşmasında mühüm rol oynayır. Ekspertlər hesab edirlər ki, bu qəbildən olan tədbirlərin keçirilməsinin həm də əhəmiyyəti odur ki, insanlarımız həm dünyanı tanıyır, həm də müasir dünya düzəninə inteqrasiya edə, müxtəlif mədəniyyətlərlə tanış olurlar. Elə cəmiyyətlər var ki, orda vətəndaş fəallığı yalnız seçkilər ərəfəsində, seçkilər zamanı hiss olunur, amma bizim cəmiyyətdə bu belə deyil. Qeyd edildiyi kimi, həm ölkəmizdə müxtəlif sahələri əhatə edən beynəlxalq səviyyəli tədbirlər keçirilir, həm də Azərbaycan dünyanın ayrı-ayrı yerlərində keçirilən tədbirlərdə iştirak edir. İdman tədbirlərinin keçirilməsi də bu istiqamətdə vurğulanmalıdır. Bir çox ekspertlərə görə, Azərbaycanda vətəndaşların sosial, siyasi fəallığının yüksək olmasını seçki proseslərində və digər məsələlərə münasibətdə olduğu kimi qeyri-seçki dönəmlərində də müşahidə olunur. Ekspertlərə görə, vətəndaşların sosial və siyasi fəallığının artırılması əhəmiyyəti mühümdür. Cəmiyyətdə insanların sosial və siyasi fəallığı artıqca bütün neqativ meyllər aradan çıxır, boşluqları müsbət istiqamətlər doldurur. Məsələn, ekspertlər deyirlər ki, COP29 tədbirlərində biz Azərbaycan vətəndaşlarının yüksək ictimai-siyasi, ekoloji, mədəni fəallğının şahidi olduq. Eləcə də İlk Avropa Oyunlarında, İslam Oyunlarında aktiv oldular, hazırda davam edən III MDB Oyunlarını insanlar olduqca böyük maraqla izləyirlər. O cümlədən də, başqa tədbirlərdə bu özünü göstərir.
Müstəqil ekepert Rauf Zeyni “Bakı-Xəbər”ə bildirdi ki, qeyri-seçki dövründə ölkəmizdə keçirilən müxtəlif mövzulu tədbirlər vətəndaşların fəallığına xüsusi təsir göstərir: “Vətəndaşlarımız belə tədbirlər zamanı daha da aktivləşirlər, fəallıq göstərirlər. Ölkədə mühüm əhəmiyyətli beynəlxalq tədbirlər vətəndaşların fəallığını yüksək dərəcədə artırır. Bu, istər mədəniyyət, istər idman, istər humanitar, istər ictimai-siyasi, istər diplomatik, istər təhlükəsizlik və başqa tədbirlər olsun, fərqi yoxdur, bunlar qeyri-ixtiyari olaraq vətəndaşlarımızın düşüncəsində müsbət izlər buraxır. Ölkəmizdə keçirilən beynəlxalq tədbirlər öz yerində, 44 günlük Vətən savaşında əldə olunmuş zəfərlə bağlı keçirilən tədbirlər insanların qanını coşdurur, ruhunu yüksəldir və insanlar həmin zəfəri yenidən yaşayırlar, o günləri yenidən yaşamağı özlərinə şərəf bilirlər. Bu baxımdan, istənilən tədbirlərin keçirilməsi bütün mənalarda müsbət əhəmiyyət daşıyır. Bu təkcə bizim ölkə üçün xarakterik deyil, bütün ölkələrdə vətəndaşlar öz dövlətlərinin hər hansı bir beynəlxalq tədbirə ev sahibliyi etməsinə çox böyük fəxarətlə yanaşırlar. Ona görə də çox yüksək coşqu göstərirlər. Məsələn, biz Asiya Futbol turnirini, digər beynəlxalq idman tədbirlərini böyük həvəslə, maraqla izləyirik. Son illər Bakıda Formula 1 yarışı keçirilir, ona da böyük ictimai maraq göstərildi. Gəncədə III MDB Oyunlarının açılışı oldu, növbə ilə bölgələrdə davam edir. Görün, bu oyun nə qədər böyük coşqu ilə izlənir. Açılış mərasimi üçün çox zəngin, maraqlı proqram hazırlanmışdı. Burda könüllü hərəkatının da fəaliyyəti vurğulanmalıdır. Onlar da bu prosesdə yüksək səviyyədə fəallıq nümayiş etdirirlər.
Təbii ki, seçkilərdə vətəndaşların ayrı hissləri, ayrı fəallığı olur, amma qeyri-seçki dövründə də başqa fəallığı olur. Beynəlxalq tədbirlər də bu fəallığın canlanmasına təsir edir. Elə götürək İlk Avropa Oyunlarını. Bu oyunlar həm Azərbaycan vətəndaşlarının, həm də dünya azərbaycanlılarının düşüncəsində mühüm bir hadisə kimi qaldı. Eyni zamanda dünya ictimaiyyətinin Azərbaycanla bağlı ictimai rəyinə çox böyük müsbət təsir göstərdi. Biz zaman-zaman bu tədbirlərin təsirlərini görürük. Xarici səfərlərdə, xarici tədbirlərdə bu təsirlərin şahidi oluruq. Elə təkcə Zəfərimiz xarici vətəndaşların özlərində böyük şövq yaradıb. Çünki biz onlarla ünsiyyətdə olanda bizdən “hardan gəlmisiz” deyə soruşurlar, Azərbaycan Respublikasından gəldiyimizi deyəndə o anda deyirlər siz böyük bir zəfər əldə etdiniz. Hətta bu təkcə bizim vətəndaşlara yox, xarici vətəndaşlara da böyük təsir göstərir”-deyə R.Zeyni vurğuladı.
İradə SARIYEVA Yazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
