Qarabağda ermənilərin ilk “həbs düşərgəsi” rəsmən ifşa edildi - dünyaya çağırış...

Təhmasib Novruzov: “Azərbaycan həm dövlət, həm də ictimaiyyət səviyyəsində bu məsələyə ciddi yanaşıb, ermənilərin barbar bir tayfa olduğunu dünyaya bir daha sübut etməlidir”

img

Edilli Ermənistan tərəfindən azərbaycanlı girovlar üçün həbs düşərgəsi kimi istifadə edilib. Bu fikri Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Edillidə aşkar edilmiş daha bir kütləvi məzarlıqla bağlı tvitter səhifəsində paylaşımında bildirib.

Paylaşımda deyilir: “Edilli kəndində 1-ci Qarabağ müharibəsi zamanı Ermənistan tərəfindən işgəncələrə məruz qalaraq öldürülmüş Azərbaycan hərbçilərinin kütləvi məzarlığı tapılıb. Edilli Ermənistan tərəfindən azərbaycanlı girovlar üçün həbs düşərgəsi kimi istifadə edilib. 4000 azərbaycanlı hərbçi və mülki vətəndaş itkin düşmüş olaraq qalır. Ermənistan kütləvi məzarlıqların yerlərini göstərməkdən imtina edir”.

Göründüyü kimi,  Azərbaycan rəsmi səviyyədə Ermənistanın bizim işğal edilmiş ərazilərimizdə həbs düşərgəsi saxladığını bəyan edib. Dünya birliyi bu ciddi fakta hansı reaksiyanı verməlidir və biz bu yöndə hansı addımları atmalıyıq?

Azadlıq Hərəkatçıları Birliyinin sədri Təhmasib Novruzov “Bakı-Xəbər”ə açıqlamasında bildirdi ki, belə mövzunu diqqətə gətirənlərə minnətdarlığımızı bildirməliyik:  “Azərbaycan uzun illərdi ki, əsir və itkin düşmüş 4 minə qədər azərbaycanlı ilə bağlı dəfələrlə məsələ qaldırıb. Təəssüf ki, istər Ermənistan, istərsə də özünü insan haqlarının qoruyucusu kimi qələmə verən  ölkələr bu mövzuya laqeyd yanaşıb. Bu istiqamətdə heç bir addım atılmayıb. Bunun da səbəbi dünyada ermənilərə  verilən birtərəfli dəstəklə bağlıdır. Hər bir addımda ermənilərin törətdiyi bu vəhşilikləri sığortalamağa başlayırlar. Şübhə etmirəm ki, biz bunu  gələcəkdə də müşahidə edəcəyik. Buna görə də, biz fəallığımızı artırmalıyıq. Həmin yerlərə yaxşı  bələd olan şəxs kimi deyə bilərəm ki, bənzər həbs düşərgələri yalnız Hadrutda deyil, Xankəndi yaxınlığı və Əsgəran ərazisində də olub. Gələcəkdə belə kütləvi məzarlıqların tapılmasına şübhə etmirəm. Barələrində məlumat əldə edə bilmədiyimiz əsirlərin hamısını Ermənistan kütləvi şəkildə qətlə yetirib. Bunun başqa izahı ola bilməz. Bizə məlumdur ki, onlar əsirlərimizin orqanlarını satmaqla da məşğul olublar. Bütün bunların dünyadan gizli qalacağına əmin idilər. Azərbaycan həm dövlət, həm də ictimaiyyət səviyyəsində bu məsələyə ciddi yanaşıb, ermənilərin barbar bir tayfa olduğunu dünyaya bir daha  sübut etməlidir. Bu istiqamətdə əlimizdən gələn nə varsa etməliyik. Tələb etməliyik ki, dünya dövlətləri, nüfuzlu bəynəlxalq qurumlar bu məsələyə reaksiya versin. Bizim diaspor təşkilatlarımız bu istiqamətdə güclü işləməlidir. Əminəm ki, Edillidən başqa yerlərdə də belə acı mənzərələr üzə çıxacaq. Əslində dünyada Ermənistanın iç üzünü görürlər, sadəcə görməzdən gəlirlər. Erməniləri qoruyurlar ki, onların üzərindən müxtəlif layihələri həyata keçirə bilsinlər”.

Xocavənd rayonunun Edilli kəndində daha bir kütləvi məzarlıq aşkar edilməsi ilə bağlı Azərbaycan Xarici İşlər Nazirliyinin Mətbuat xidməti idarəsinin rəisi Leyla Abdullayeva da tvitter hesabında paylaşım edib.

Paylaşımda deyilir: “12 hərbçinin cəsədlərinin qalıqları aşkarlanıb. Hərbi cinayətlər haqqında danışanların diqqətinə: Birinci Qarabağ müharibəsi dövründə 4000 azərbaycanlı itkin düşüb, onların əksəriyyətinə işgəncə verilib, öldürülüb və kütləvi qəbiristanlıqda dəfn edilib”.

Məhəmmədəli QƏRİBLİ

Peşə etikası

Son xəbərlər