Hindistan da Qarabağda MQ həmsədrləri formatından danışır - İrəvanda hadisə...

Məhəmməd Əsədullazadə: “Rəsmi Dehlinin bu siyasəti regionda sülhə xidmət etmir”

img

Ermənistanda səfərdə olan Hindistan Xarici İşlər Nazirliyinin Qərb istiqamətinin katibi Sanjay Verman ölkə rəsmiləri ilə bir sıra görüşlər keçirib.

O cümlədən, Hindistanın XİN rəsmisi xarici işlər naziri Ararat Mirzoyanla görüşüb. Mirzoyan qeyd edib ki, Hindistanla əlaqələrin hərtərəfli dərinləşdirilməsi və inkişafı Ermənistanın xarici siyasətinin prioritet istiqamətlərindən biridir. Məlum olub ki, Ermənistan-Hindistan hökumətlərarası komissiyasının son iclasından sonra ikitərəfli münasibətlərin və əməkdaşlığın inkişafı istiqamətində xeyli iş görülüb. Qarşılıqlı yüksək səviyyəli səfərlər baş tutub, beynəlxalq strukturlar çərçivəsində fəal əməkdaşlıq aparılır, biznes forumlar, görüşlər təşkil olunub.

Məsələnin təəccüb doğuran tərəfi odur ki, Hindistan rəsmisi Minsk Qrupunu dəstəkləyib. Hindistan rəsmisi Qarabağ məsələsinin ATƏT-in Minsk Qrupu mandatı altında tənzimlənməli olduğunu bəyan edib. Mirzoyan isə, öz növbəsində, Hindistanın məlum mövqeyinə görə ona xüsusu təşəkkür edib.

Hindistanın Ermənistanla yaxın münasibətləri bəllidir. Ancaq Minsk Qrupunun Hindistana nə dəxli var?

  • “Hindistanın bu gün işğalçı Ermənistanı dəstəkləməsi yalnız Pakistan faktoruna görədir”

Sözügedən məsələni “Bakı-Xəbər”ə şərh edən politoloq Məhəmməd Əsədullazadə Hindistanın Minsk Qrupu ilə bağlı belə mövqe sərgiləməsini müəyyən faktorlarla əlaqələndirdi: “Əvvəla, Hindistan-Ermənistan əlaqələrinin heç bir perspektivi yoxdur. Ona görə ki, məsafə baxımından iki ölkə bir-birinə uzaqdır. İki ölkə arasında iqtisadi-ticarət əlaqələrinin genişlənməsi üçün xüsusi cəlbedici nəsə yoxdur. Hindistanın bu gün işğalçı Ermənistanı dəstəkləməsi yalnız Pakistan faktoruna görədir. Məsələ ondadır ki, Azərbaycan bu gün Kəşmir məsələsində Pakistanı dəstəkləyir. Hazırda Azərbaycan öz ərazilərini işğaldan azad edib. O baxımdan hesab edirəm ki, Hindistanın Minsk Qrupu formatını dəstəkləməsi hərhansı bir prosesə müsbət təsir etməyəcək. Minsk Qrupunun fəaliyyətini qabartması sadəcə Ermənistana formal dəstək ifadəsidir.Umimiyyətlə, bununla Ermənistanı çətin vəziyyətə salırlar. Ona görə ki, rəsmi Dehlinin bu siyasəti regionda sülhə xidmət etmir. Minsk Qrupu ilə Hindistan arasında hər hansı bir bağlantı yoxdur. Belə olan təqdirdə bu və ya digər formada Dehlinin mövqeyi destruktivdi. Hindistan tərəfi işğal siyasəti aparır. Ona görə də işğalçı siyasətini dəyişməyən Ermənistana dəstək verir”.

Bu baxımdan politoloq hesab edir ki, Hindistanın Minsk Qrupu ilə bağlı mövqeyi nəyisə dəyişə bilməyəcək.

Vidadi ORDAHALLI

Peşə etikası

Son xəbərlər