20/10/2020 13:22
728 x 90

Paşinyanın Qarabağ siyasəti: “xoş arzu, təbliğat hiyləsi”- Köçəryanın sözləri Ermənistanda dillərə düşdü...

img

Ermənistanın keçmiş prezidenti Robert Köçəryan bir qrup politoloqla görüşdə Paşinyanın Qarabağ siyasətini tam ifşa edib:

“Əslində Ermənistanın Qarabağ münaqişəsi ilə bağlı heç bir mövqeyi yoxdur. Və düstur - bütün tərəfləri razı salacaq bir həll yolu tapmaq - bu mövqe deyil, bu xoş arzudur, daha çox təbliğat hiyləsidir: guya, biz ilk dəfə demişik ki, hamı üçün məqbul variant lazımdır. Qarabağın “Ermənistanla oxşar yanaşmalarımız var” söyləməsi mənim üçün ikiqat anlaşılmazdır. İndi Ermənistanda heç bir yanaşma, mövqe, ictimaiyyətin biləcəyi bir model yoxdur”.

Robert Köçəryan son vaxtlar Azərbaycan və Türkiyənin birgə keçirdiyi hərbi təlimlərə də münasibət bildirib:

“Türkiyə Azərbaycanı hər zaman dəstəkləyib, lakin heç vaxt belə hazırlıq, həmçinin bu hazırlığın belə nümayişi olmamışdı. Türkiyə müəyyən dərəcədə Rusiyanı tarazlaşdırmağa çalışır. Bu mənim təəssüratımdır. Məsələn, 2016-cı ilin aprel müharibəsi zamanı Rusiyanın müdaxiləsinin çox aktiv olduğunu xatırlayırsınız. Atəşkəsə Müdafiə nazirlərinin zəngləri, Müdafiə nazirliklərinin vasitəçiliyi ilə nail olunmuşdu. İndi Türkiyə hesablaşmaq məcburiyyətində qalınacaq amilə çevrilmək istəyir... Türkiyə göstərdi ki, onun daha çox müstəqilliyi var. Bu gün o öz mövcudluğunu çox praktik, cəsarətli, tədrici addımlarla möhkəmləndirməyə çalışır və nümayiş etdirmək istəyir ki, burada heç kim Ankarasız ciddi bir addım ata bilməz”.

Paşinyanın uğursuz Qarabağ siyasətinin Ermənistanın daxilində də tənqid olunması nəyin əlaməti sayıla bilər?

  • “Ermənistanda hamı yaxşı bilir ki, Paşinyan  hakimiyyətinin vəd etdiyi dırnaqarası çiçəklənmə xülyadır, yalandır”

Politoloq Rəşad Bayramov “Bakı-Xəbər”ə açıqlamasında bildirdi ki, işğalçı Ermənistanın təxribatları, Dağlıq Qarabağ münaqişəsinin sülh yolu ilə həllini pozmaq cəhdləri açıq şəkildə özünü göstərməkdədir: “Ermənistanın baş naziri Nikol Paşinyanın konfliktin həlli istiqamətində Azərbaycana qarşı irəli sürdüyü 7 təklif var ki, rəsmi İrəvan həmin təkliflərin heç birinin Bakı tərəfindən qəbul edilməyəcəyini yaxşı bilir. Artıq Ermənistanda hamı yaxşı bilir ki, Paşinyan  hakimiyyətinin vəd etdiyi dırnaqarası çiçəklənmə xülyadır, yalandır. Ermənistanda ictimai fikir birmənalı şəkildə Paşinyanın əleyhinədir. Ölkə dərin böhrandadır, beynəlxalq nüfuzu yox dərəcəsindədir. Bu vəziyyətdə sərhəddə təxribata əl atıb ictimai fikri yayındırmaq niyyətləri isə məhz Azərbaycan ordusunun sayəsində iflasa uğradı. Paşinyan öz başını, necə deyərlər, dərddən dərdə soxdu. Bu gün Ermənistanda ölkədaxili siyasi böhran hökm sürür. Bu böhran koronavirus pandemiyası ilə uğursuz mübarizə fonunda daha da dərinləşib. Məhz buna görə Paşinyana Azərbaycanla sərhəddə təxribat lazım olub. Ermənistan təkcə ölkədaxili problemlərlə üzləşməyib. Bu ölkə, onun rəhbərliyi dünya çapında olan heç bir beynəlxalq qurumda nüfuz sahibi deyil. Artıq bütün dünya bilir ki, Dağlıq Qarabağ əzəli tarixi Azərbaycan torpağıdır və bunu təsdiqləyən kifayət qədər sənədlər var. Bütün dünya Dağlıq Qarabağı Azərbaycanın ayrılmaz hissəsi kimi tanıyır. Ermənistan Dağlıq Qarabağ münaqişəsinin ədalətli və düzgün yolla nizamlanmasını istəmədiyini sübut etməkdədir. Bu baxımdan da Köçəryanın iradları təsadüfi deyil”.

Bu gün Ermənistan hakimiyyəti  demaqogiya ilə məşğuldur. İrəvan özünü bütün dünyada qurban kimi qələmə verir, əslində isə işğalçıdır. Artıq bunu həm ölkənin daxilindəki, həm də xaricdəki qüvvələr tam anlayıb.

Məhəmmədəli QƏRİBLİ

Son xəbərlər