19/09/2020 00:12
728 x 90

Ermənistan Rusiyadan sonra Belarusa da xəyanət etdi

img

Ermənistanın ABŞ-a yarınmaq cəhdi onun Rusiya ilə münasibətlərini əhəmiyyətli dərəcədə korlayıb. Amma buna rəğmən, ABŞ-da da hələ Nikol Paşinyan hakimiyyətini qəbul etmirlər. Bu xüsusda Ermənistanın “Qraparak” qəzeti yazır ki, Nikol Paşinyan hakimiyyətə gəldiyi gündən etibarən prezident Donald Trampın, yaxud ABŞ dövlət administrasiyasında təmsil olunan hər hansı şəxsin qəbuluna düşməyə cəhd göstərir. Məlumata görə, ABŞ-da fəaliyyət göstərən erməni icmasının, erməni təşkilatlarının və partiyaların bu məsələnin baş tutması istiqamətində apardığı fəaliyyət nəticəsiz qalıb.

Qəzet yazır ki, bir müddət əvvəl Corc Sorosun təmsilçiləri Paşinyanın Birləşmiş Ştatların hazırkı prezidenti ilə görüşmək perspektivinin olmadığı barədə məlumat verərək, noyabrda ABŞ-da keçiriləcək prezident seçkilərini gözləməyi məsləhət biliblər. Belə vəziyyətdən narahat olan Rusiya isə Paşinyan iqtidarına qarşı daha sərt mövqe tutmaqda davam edir. Amma görünür, erməni iqtidarının indiki siyasəti onun Rusiya ilə yanaşı, Belarusla da münasibətlərini ciddi şəkildə zədələyəcək. Ən azı o baxımdan ki, yenə ABŞ-a yarınmaq üçün erməni disporu, erməni mediası İrəvandan gələn göstərişlə Belarus hakimiyyətinə qarşı hücuma keçıb. Belarusda son prezident seçkiləri ilə bağlı ermənilərin sərgilədiyi mövqe də bunu təsduq edir.

Xatırladaq ki, bu seçkilərdən Qərb narazı qalıb. O da var ki, avqustun 9-da Belarusda keçirilən prezident seçkiləri dünyada ən çox izlənilən hadisələrdən biri oldu. Seçki öncəsi baş verən proseslər, namizədlərin siyasi baxışlarının fərqliliyi seçkilərə marağı daha da artırmışdı. Bu seçkinin daha bir maraqlı cəhəti 26 ildir hakimiyyətdə olan Aleksandr Lukaşenkonun yenidən prezident seçkilərində iştirakı oldu. Mərkəzi Seçki Komissiyasının ilkin nəticələrinə görə, Aleksandr Lukaşenko seçicilərin 80 faizindən çoxunun etimadını qazanıb. Bu isə ikinci yerdə qərarlaşan prezidentliyə namizəd Svetlana Tixanovskayadan təxminən 70 faiz çox səs deməkdir. Artıq Aleksandr Lukaşenkonun yenidən prezident seçilməsi münasibətilə xarici ölkələrin dövlət başçıları onu təbrik etməyə başlayıblar. O cümlədən, ilk təbrik edənlər arasında Azərbaycan Prezidenti İlham Əliyev də var. Azərbaycan dövlət başçısı Aleksandr Lukaşenkonu prezident seçkilərində inamlı qələbə qazanması münasibətilə təbrik edib. Amma Qərbin seçkini tənqid etməsi fonunda erməni tərəfinin məsələyə münasibəti dəyişib.  Xüsusən də erməni diasporu bu məsələdə xeyli fəallaşıb və Lukaşenkonu demokratiyanı pozmaqda ittiham edirlər. Ermənipərəst konqresmen kimi tanınan Adam Şiff bu məsələdə öncüllük edənlər sırasındadır. ABŞ Nümayəndələr Palatasının Kəşfiyyat Komitəsinin sədri olan Adam Şiff qeyd edir ki, Belarusdakı etirazları bütün dünyanın demokratik ölkələri dəstəkləməlidir:“Belarusu Avropanın ən pozitiv diktaturası adlandırırlar. Növbəti saxtalaşmış seçkidən sonra Belarus xalqı dinc şəkildə azadlıq və demokratiyaya çağırış edir. Amerika və bütün dünyadakı demokratiya gərək onları dəstəkləsin”. Bu fonda erməni mediası və erməni diasporuna bağlı qurumlar artıq Lukaşenkoya qarşı təbliğatda aktiv iştirak edir. “İravnuk” qəzeti yazır ki, bu hal Ermənistan-Belarus münasibətlərinə xələl gətirməklə sonuncunun Azərbaycanla işbirliyini daha da möhkəmləndirəcək. Elə politoloq Qabil Hüseynli də erməni mediası və erməni diaspor təşkilarlarına bağlı qurumların Belarusda baş verən son hadisələrdən sui-istifadə edərək Lukaşenkoya qarşı geniş təbliğat aparmasını şərh edərkən məsələyə məhz bu prizmadan yanaşır:“Erməni mediası və diasporuna bağlı qurumların Belarus prezidenti Aleksandr Lukaşenkoya qarşı təbliğatda aktiv iştirak etməsi onun Tovuz hadisələri zamanı Azərbaycana birmənalı dəstək verməsinə cavab mahiyyəti daşıyır. Adam Şiffin də Belarusa qarşı mövqe tutması təsadüfi deyil. Adam Şiff ermənipərəst konqresmen və erməni diasporunun iradəsini ifadə edən şəxs kimi tanınır. Yəni bu onun deyil, birbaşa havadarlıq etdiyi ermənilərin mövqeyidir. Səbəb isə bəllidir. Bu gün Belarusla Azərbaycan arasında çox sıx münasibətlər var. İki ölkə prezidenti arasında uğurlu diplomatik və dostluq münasibətləri də göz qabağındadır. Xüsusilə KTMT üzvü olan bir ölkənin Azərbaycanla Ermənistandan daha sıx münasibətlər qurması rəsmi İrəvanı qıcıqlandırır". Politoloq “axar.az” portalına bildirib ki, Ermənistan məlum Tovuz hadisələri zamanı onu dəstəkləməyən KTMT üzvlərindən intiqam almağa çalışır:"Ermənistan silahlı qüvvələrinin Tovuza hücum etməsi rəsmi İrəvan üçün sözün əsl mənasında diplomatik məğlubiyyət oldu. Çünki düşmən ölkə bu hücumlar zamanı ilk növbədə KTMT ölkələrinin dəstəyinə ümid edirdi. Lakin bu gözləntilər özünü doğrultmadı. Başda Belarus olmaqla, digər dövlətlər Ermənistanı nəinki dəstəklədi, əksinə, bu əməli qınayan bəyanatlar verdi". Politoloqun sözlərinə görə, Adam Şiff MDB məkanı ilə bu qədər maraqlanırsa, əvvəlcə xidmət etdiyi ermənilərin ölkəsinə baxsın:"Bu gün MDB məkanında ən antidemokratik ölkə Ermənistandır. Ermənistanda kütləvi həbslər davam edir. Paşinyan öz siyasi rəqiblərinə, hətta onları dəstəkləyən yerli xalqa qarşı amansız repressiya aparır. Adam Şiff bunları bilməmiş olmaz. Ancaq çətin ki, bu haqda danışsın, çünki onun erməni diasporunun əlində vasitəyə çevrildiyini artıq bilməyən yoxdur".

Nahid SALAYEV

 

 

Son xəbərlər