Sadıq Qarayevin iki romanının mayda Şuşada təqdimatının keçirilməsinə dəstək üçün AMEA, AYB və Mədəniyyət Nazirliyinə müraciət edilib

img

Professor İsmayıl Kazımov, habelə bir qrup AMEA əməkdaşı, yazar və ziyalı tanınmış yazıçı, Azərbaycan Yazıçılar Birliyinin üzvü, Rusiya Yazıçılar İttifaqının üzvü, biologiya üzrə fəlsəfə doktoru, dosent, AMEA-nın Mərkəzi Nəbatat bağında ağac və kol bitkiləri laboratoriyasının aparıcı elmi işçisi Sadıq Qarayevin  “Sahilsiz təzadlar” və “Sahibsiz kölgələr” romanlarının bir qrup ziyalı və yazarın iştirakı ilə Şuşada təqdimatının keçirilməsinə və bu tədbirin təşkil edilməsinə dəstək verməsi üçün AMEA Humanitar Elmlər Bölməsinə, Azərbaycan Respublikası Mədəniyyət Nazirliyinə və Azərbaycan Yazıçılar Birliyinə müraciət ünvanlayıb.

Müraciətdə deyilir: “2014-cü ildə nəşr olunan elmi, fəlsəfi, dedektiv janrda yazılmış, irihəcmli (630 s.)  “Sahilsiz təzadlar” romanının mahiyyətində milli və bəşəri dəyərlər, azərbaycançılıq məfkurəsi, Qarabağ münaqişəsi dayanmışdır. Əsərin sonu may ayında alim və ziyalıların Şuşada keçirilən konfransı ilə bitir.

2017-ci ildə nəşr olunan növbəti irihəcmli “Sahibsiz kölgələr” romanı da (504 s.) eyni müqəddəs amallara xidmət edir. Bu roman “Qızıl kəlmə mükafatı çərçivəsində şans ödülü” mükafatına layiq görülmüşdür.

Bütün bunları, həmçinin, bu romanların müəllifi Sadıq Qarayevin hələ əsərləri yazarkən Şuşanın azadlığına olan inamını, orada təqdimat keçirmək arzusunu nəzərə alaraq, may ayının sonlarında Şuşada “Sahilsiz təzadlar” və “Sahibsiz kölgələr” romanlarının bir qrup ziyalı və yazarla birlikdə təqdimatını keçirməyə dəstək verməyi, təşkil etməyi xahiş edirik.

Bu həm də dünya ictimaiyyətinə Şuşanın yeni elm və mədəniyyət mərkəzi kimi təqdim olunması istiqamətində addım olardı. Əvvəlcədən öz təşəkkürümüzü bildiririk”.

Qeyd edək ki, müraciəti Əlirza Xələfli (şair-publisist, ”Kredo” qəzetinin baş redaktoru), İslam Qəribli (filologiya elmləri doktoru, professor), Qurban Bayramov (ədəbiyyatşünas-tənqidçi), İsmayıl Kazımov (filologiya elmləri doktoru, professor), Şakir Əlifoğlu (jurnalist, “Xudafərin” qəzetinin baş redaktoru), Şahlar Göytürk (filologiya üzrə fəlsəfə doktoru, dosent), Zeynəddin Şabanov (fəlsəfə üzrə fəlsəfə doktoru, dosent), Əsəd Cahangir (tənqidçi), Asif Mehralıyev (biologiya üzrə fəlsəfə doktoru, dosent), Sənan Həsənov (siyasi elmlər üzrə fəlsəfə doktoru, dosent), Füzuli Qurbanov (fəlsəfə üzrə elmlər doktoru), Şölət Zeynalov (fəlsəfə üzrə fəlsəfə doktoru, AMEA), Həcər Paşayeva (yazıçı), Nicat Məmmədov (fəlsəfə üzrə fəlsəfə doktoru, dosent), Tahir Talıblı (şair-publisist, əməkdar jurnalist), Vüqar Əhməd (filologiya elmləri doktoru, professor) Rüstəm Behrudi (şair), Ramiz Qusarçaylı (şair, AYB üzvü), Səxavət Talıblı (yazıçı, AYB üzvü), Polad Xəlilov (tarix üzrə fəlsəfə doktoru, AMEA), Zəka Vilayətoğlu (şair),  Nizami Muradoğlu (filologiya elmləri doktoru), Mərziyyə Nəcəfova (filologiya üzrə elmlər doktoru, dosent), Mübariz Ağalarlı (tarix üzrə fəlsəfə doktoru, dosent), Adilə Nəzər (filologiya üzrə fəlsəfə doktoru, şairə), Atif İslamzadə (filologiya üzrə fəlsəfə doktoru, dosent), Kənan Hacı (yazıçı, tənqidçi), Əyyub Qiyas (yazıçı), Əlisahib Hüseynli (bioloq), Aləm Kəngərli (yazıçı), Faiq Məmmədov (kimya üzrə fəlsəfə doktoru, dosent), Qalib Arif (fəlsəfə və geokimya üzrə fəlsəfə doktoru, dosent, yazıçı), Vidadi Qafarov (sənətşünaslıq üzrə fəlsəfə doktoru, dosent), Fazil Mustafa (millət vəkili), Lətifə Oruc (hüquqşünas), Varis Yolçuyev (yazıçı), Təranə Vahid (yazıçı), Ayaz Arabaçı (şair), Ləman Ələşrəfqızı (jurnalist), İsmayıl İmanzadə (AYB, şair-publisist), Zamin Zeynal (jurnalist), Mail Yaqub (fəlsəfə üzrə fəlsəfə doktoru), Rəfael Həbiboğlu (şair), Ramazan Qafarlı (filologiya üzrə elmlər doktoru, professor), Əlibala Zalov (pedaqoji elmlər üzrə fəlsəfə doktoru), Svetlana Məmmədova (filologiya üzrə fəlsəfə doktoru, dosent), Taryel Abbasov (filologiya üzrə fəlsəfə doktoru), Etibar Yaqubov (yazıçı), Şamil Sabiroğlu (jurnalist), Səadət Şıxıyeva (filologiya üzrə fəlsəfə doktoru, dosent), Teyyub Quliyev (filologiya üzrə fəlsəfə doktoru, dosent), Yunus Oğuz (yazıçı), Qabil Səmədov (coğrafiya üzrə fəlsəfə doktoru), Yaqut Əmirova (tarix üzrə fəlsəfə doktoru), Əyyub Kərimov (fəlsəfə elmləri doktoru, professor), Sakit Hüseynov (fəlsəfə elmləri doktoru, professor), Vəkil Həsənov (tarix elmləri doktoru, professor), Ağasəlim Həsənov (fəlsəfə üzrə fəlsəfə doktoru, dosent), Nəzakət Salmanova (fəlsəfə üzrə fəlsəfə doktoru, dosent), Faiq Ələkbərli (fəlsəfə üzrə fəlsəfə doktoru) imzalayıblar.

İradə SARIYEVA

Son xəbərlər